Luka 20:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Asyasa, asyaherya abalĩmĩ abo, asyaha eririma lyʼebĩnyũ eryo oko bandi balĩmĩ. Neryo abandu babere bowa ebĩnywa ebĩ, mobabũga bati, Iyihi, nʼahake.

Nouveau Testament et Psaumes en Ndandi Version 1962

¹⁶ Asyasa asyaherya abahingi abo, asyaha eririma ryebinyu ryo bandi. Babere bowe ebi, mobabuga bati, Sibibye bitya!

Luka 20:16 Iomraidhean Croise

Matayo 21:34

Omugulu wʼeriera lyʼebĩnyũ abere asonda erĩhĩka, Omwenye kitaka mwatuma bakobe buwe oko balĩmĩ abo eribana oko bĩgũma biwe.

Matayo 21:41

Nabo mobamubwira bati, Kwenene asyaherya abandu babi abo, nʼerĩsĩgĩra eririma lyʼebĩnyũ eryo lyʼabandi balĩmĩ, abasyamuha ebĩgũma byʼebĩnyũ oko kirimo kitolere.

Matayo 22:7

Nĩkwa omwami oyo mwahitana kutsibu, mwatuma emilondo yiwe, mwaherya abĩtĩ abo, kandi mwahĩsya omũyĩ wabo.

Mariko 12:9

Yesu mwabũlya ati, Omwenye eririma lyʼebĩnyũ asyayira ati kwehĩ? Asyasa nʼerĩherya abalĩmĩ abo, asyaha eririma eryo lyʼebĩnyũ lyʼoko bandi balĩmĩ.

Luka 19:27

Nĩkwa, esyonzĩgũ syage esyo, abatabya banzĩre ngatabala kubo, muletebo hano, mwĩtĩrebo hano omo meso wage.

Luka 20:15

Neryo mobamukurira eyĩhya wʼeririma lyʼebĩnyũ, mobamwĩta. Neryo Omwenye eririma lyʼebĩnyũ eryo asyayirabo ati kwehĩ?

Emibiri 13:46

Nĩkwa Paũlo na Barnaba mobabũga nʼeritendiubaha bati, Lyabya litolere ekĩnywa kya Nyamuhanga ĩkyatsũka erĩbũgwa ũkwʼĩnywe. Nĩkwa kusangwa mukaganakyo, kandi mũkaganĩraya muti Simutolere engebe yʼerikota, lebaya, tukandibaleka, itwaya oko Bihanda.

AbanyaRoma 11:1

Neryo ngabũlaya nyiti, Nyamuhanga abirigana abandu buwe kwehĩ? Iyihi nʼahake! Kusangwa nage indi Mũĩsraelĩ, ogʼolubuto lwa Abrahamũ, owʼekihanda kya Benyamĩna.

AbanyaRoma 11:11

Neryo ngabũlaya nyiti, Batwĩkere nʼeriwa kwehĩ? Iyihi nʼahake! Nĩkwa busana nʼerĩlolo lyabo, erilama lyabĩrĩhĩka oko Bihanda, erireka Abayũda ibabya nʼobũha.

AbanyaRoma 3:31

Neryo tũkaganaya Emigambo busana nʼerĩkĩrĩrya kwehĩ? Iyihi, nʼahake. Nĩkwa tũkahanganaya Emigambo.

AbanyaRoma 3:4

Iyihi nʼahake. Nĩkwa Nyamuhanga aminyikale mo wʼekwenene, nʼobuli mundu abye mũbehĩ. Ngoko kĩsakĩre kiti, Omo bĩnywa byawe ubanike nʼeritunganene, Kandi ĩwasĩngana omo lubanza.

AbanyaRoma 3:6

Iyihi, nʼahake. Nyamuhanga amabya isiatunganene, asyatswera ekihugo kyʼati kwehĩ?

AbanyaRoma 6:15

Neryo, tũkolekĩ kwehĩ? Tukole ebibi kusangwa Situli omo Migambo, nĩkwa omo lukogo lwa Nyamuhanga kwehĩ? Iyihi, nʼahake!

AbanyaRoma 6:2

Iyihi nʼahake. Ĩtwe twamahola oko bibi, twanganatoka eriswabya omo bibi kwehĩ?

AbanyaRoma 7:13

Neryo ekindu kibuya mokyanyiretera oluholo kwehĩ? Iyihi nʼahake. Nĩkwa ni bibi ebyaletalo, ibikakola omo nzira yʼekindu kibuya erĩnyĩta, ibyatoka eriminyikala kwenene ngʼebibi. Neryo busana nʼebihano, ebibi bikabanika mo nabi kutsibu.

AbanyaRoma 7:7

Neryo tũbũge tũtĩkĩ kwehĩ? Tuti Emigambo ni bibi kwehĩ? Iyihi nʼahake! Emigambo yo yaleka inaminya ebibi ngoko biri. Kusangwa sinaminya erirumwa nga nĩkĩ, kumbe Migambo ĩtabũga iti, Subye ukarumawa.

AbanyaRoma 9:14

Neryo tũbũgekĩ kwehĩ? Tuti Nyamuhanga siali kwʼerĩbanza kwehĩ? Iyihi nʼahake!

1 AbanyaKorinto 6:15

Mũnasĩ kwʼemibiri yenyũ nĩ bĩtsũko byʼomubiri wa Kristo. Nyiyire ebĩtsũko bya Kristo mo bĩtsũko byʼomũtetĩ kwehĩ? Iyihi nʼahake!

AbanyaGalatia 2:17

Nĩkwa omugulu tukasonda erĩtũngananĩbwa busana nʼerimatikana na Kristo, itukabanika mo bakola-nabi ngʼEbihanda, neryo Kristo akatuyira mo bakolanabi kwehĩ? Iyehe, nʼahake!

AbanyaGalatia 3:21

Neryo Emigambo ikagana erilaga lya Nyamuhanga kwehĩ? Iyehe nʼahake! Kusangwa kumbe Nyamuhanga aha omugambo owangatoka eriha engebe, kumbe ebitunganene byangabanika omo Migambo.

AbanyaGalatia 6:14

Nĩkwa ĩngye nasyayihalambira omo mwatsi muguma musa, go nʼomusalaba wʼOmukama wetu Yesu Kristo. Kusangwa busana nʼomusalaba oyo ekihugo kyabiribambwa oko musalaba ũkwʼĩngye, kandi nabiribambwa oko musalaba oko kihugo.