Luka 20:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Neryo omugulu wʼeriera lyʼebĩnyũ mwatuma omugombe oko balĩmĩ abo, atoke eribana oko bĩgũma byʼeririma lyʼebĩnyũ; nĩkwa abalĩmĩ abo mobamũswĩrya nʼerĩmũsũbũlya byala bisa.

Nouveau Testament et Psaumes en Ndandi Version 1962

¹⁰ Noko mugulu werigesa mwatuma omugombe oko bahingi, ati, bamuhe oko biguma byebinyu; nikwa abahingi mobamuswirya, mobamu higa naye mwasubula busa.

Luka 20:10 Iomraidhean Croise

1 Abami 22:24

Neryo Zedekĩa omugala wa Kenana mwahĩka hakũhĩ, mwaswĩrya Mĩkaya okwʼĩtema, mwabũga ati, Omũlĩmũ wʼOmwami Mukulu mwandabĩreko omo nzira yahi erĩbũga nawe kwehĩ?

2 Abami 17:13

Nĩkwa Omwami Mukulu mwakunga Ĩsraelĩ na Yũda, omo buno bwʼobuli mũmĩnyererĩ, nʼobuli mũlangĩrĩ ati, Mubinduke oko syonzira syenyũ nyibi, mũtegaye ebihano byage nʼemigambo yage, ngʼemigambo yosĩ eyo nahana abotata wenyũ nʼebyo nabatumirako omo buno bwʼabamĩnyererĩ, abagombe bage.

1 Emyatsi yʼEmigulu 19:4

Neryo Hanũnĩ mwahamba abagombe ba Dawĩdĩ, mwasĩsabo, mwatwĩra esyongimba syabo omo katĩkatĩ, erĩhĩka oko matako wabo, neryo mwatsindikabo.

2 Emyatsi yʼEmigulu 16:10

Neryo Asa mwahitana oko mũhanĩ, mwamũhĩra omo nyũmba yʼomũlĩkĩ; kusangwa abya amuhiteneko kutsibu busana nʼomwatsi oyũ. Kandi Asa mwanũbya abandi bandu oko mugulu oyo.

Nehemĩa 9:26

Nomo bine bitya mobatetakenga, mobahona ukʼuwe, mobagusa emigambo yawe yʼenyũma wʼemigongo yabo, mobĩta abamĩnyererĩ bawe abahanabo batoke erisuba ukʼuwe, kandi mobakola ebĩtsũmĩ binene.

Nehemĩa 9:30

Nĩkwa mowalindabo emyaka mingi nʼerihanabo omo Mũlĩmũ wawe omo bamĩnyererĩ bawe; nĩkwa mobatanza eritega matwĩ. Busana nʼekyo mowahĩrabo omo byala byʼebihanda byʼebihugo.

Esyonyimbo 1:3

Ali ngʼomuti owaherĩre oko mũsĩke wʼolũsĩ; Owakahetaya omo kirimo kyago, Nʼebikoma byago sibiriuma. Nʼebyosĩ omundu oyũ akakola bikatsumulawa.

Yeremĩa 2:30

Mongaswĩrĩraya bagala bawe bo busa. Mobatalĩga erikungwa. Omũyalĩ wenyũ abĩrĩĩta abamĩnyererĩ benyũ, ngʼendale eyĩkaheraya.

Yeremĩa 20:2

Neryo Pasũrĩ mwahamula erĩswĩrya omũmĩnyererĩ Yeremĩa, kandi mwamũhĩra omo bisayi byʼomũlĩkĩ ebiri oko lũkyo lwʼendata lwa Benyamĩna olwabya omo nyũmba yʼOmwami Mukulu.

Yeremĩa 35:15

Kandi nabiribatumira abagombe bage bosĩ abamĩnyererĩ, eritumabo kandi nʼakandi nyiti, Lino musubule obuli mundu alũe omo nzira nyibi yiwe, mũtũngananaye emĩbĩrĩ yenyũ, kandi simukwame esindi nyamuhanga erĩramyasyo, neryo mwasyĩkala omo kihugo ekyo nabiribaha nʼabotata-kulu wenyũ. Nĩkwa momutatega amatwĩ wenyũ, kutse erimbulikirira.

Yeremĩa 5:24

Sĩbebũga omo mutima wabo bati, Lino tubahe Omwami Mukulu Nyamuhanga wetu, oyukaha embũla omo kirimo kyayo, eyʼerĩmbere nʼeyʼenyũma oko kirimo kyayo; oyukatubikira emigulu yʼerigesa eyahulawa.

Luka 13:34

Uwe Yerũsalema, Yerũsalema! Ũkĩta abamĩnyererĩ nʼerĩĩtabo omo mabwe abatumawa ukʼuwe! Ngendo singahi nabya nyanzĩre erĩhĩndanĩa abana bawe bo haguma, ngʼerĩbũtĩ ko lĩkahĩndanaya emĩpyege yalyo omo bĩpũpa byalyo, nĩkwa Simwabya mwanzĩre!

Luka 20:11

Neryo mwatuma ogundi mugombe; nĩkwa abalĩmĩ abo mobamũswĩrya nibya nʼerimuhemula, mobamuhiga, naye mwasubula byala bisa.

Luka 20:9

Neryo Yesu mwatwĩra abandu bʼomũsyo oyũ ati, Omundu mwahera eririma lyʼebĩnyũ, neryo mwahĩramo abalĩmĩ, neryo mwaya oko lugendo omo kindi kihugo.

Yoane 15:16

Simwetayisoga ngye, nĩkwa nayisoga nywe, kandi nabĩrĩbahĩra eriyatunda endũndĩ, kandi endũndĩ yenyũ iyatoka eribyaho. Neryo Tata asyabaha ekĩndũkĩ ekyo mũkabũlaya omo lĩna lyage.

AbanyaRoma 7:4

Ko liri ritya busana nenyũ, balĩkyetu, mwabirihola oko Migambo busana nʼomubiri wa Kristo owahola, imwatoka eriherukira oko gundi, oyo walũbũkĩbawa oko baholĩ, imwatoka erireta endũndĩ busana na Nyamuhanga.