Luka 2:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Nʼomũlaĩka wʼomukama mwahuluka embere syabo, nʼerĩkangabasanĩa lyʼomukama molyatĩmba kubo, neryo mobubaha kutsibu.

Nouveau Testament et Psaumes en Ndandi Version 1962

⁹ Nomulaika woMukama mwabutukira So, nolu kengerwa lwoMukama molwakangabania mokubo ehosi, mobu baha kutsibu.

Luka 2:9 Iomraidhean Croise

1 Abami 8:11

kyaleka abahererĩ ibatatoka erihangana erikola busana nʼekĩtũ; kusangwa olukengerwa lwʼOmwami Mukulu molũsũlya enyũmba yʼOmwami Mukulu.

Erĩlũayo 16:10

Neryo mokyabya, omugulu Harũnĩ abya akabũga nʼendeko yosĩ yʼabana ba Ĩsraelĩ mobasamalira oko luhande lwʼerirungu, neryo lebaya, olukengerwa lwʼOmwami Mukulu molwahuluka omo kĩtũ.

Erĩlũayo 16:7

Nʼomo ngyakya, mwasyalangira olukengerwa lwʼOmwami Mukulu kusangwa abĩrĩowa emiyitongo yenyũ busana nʼOmwami Mukulu; netu tuli bahi, muti ĩtwe mukatonga kwehĩ?

Ĩsaya 35:2

Yasyalasya omusanga munene, nʼeritsanga nʼobutseme nʼerĩũta obogo bwʼobutseme. Yasyahabwa obubuya bwʼeLebanonĩ, yasyahabwa obubuya bwʼeKaramelĩ nʼeSaronĩ. Basyalangira olukengerwa lwʼOmwami Mukulu, erĩkangabasanĩa lya Nyamuhanga wetu.

Ĩsaya 40:5

Neryo olukengerwa lwʼOmwami Mukulu lwasyabĩsũlwa, Nʼemibiri yosĩ yasyalangiralo haguma; Kusangwa obuno bwʼomwami Mukulu bwabĩrĩbũga.

Ĩsaya 60:1

Hangana, ũkoleraye, kusangwa ekyakakala kyawe kyamasa, nʼolukengerwa lwʼOmwami Mukulu lwabirikuhulukira.

Ezekĩelĩ 3:23

Neryo monahangana, monaya omo bwerere. Neryo, lebaya, olukengerwa lwʼOmwami Mukulu lwabya luhangene aho, ngʼolukengerwa olo nalangira hakũhĩ nʼolũsĩ lwʼeKebarĩ, neryo monawa kibiri-biri.

Matayo 1:20

Nĩkwa omugulu Yosefũ abya akaganĩrya omwatsi oyũ, lebaya, omũlaĩka wʼomukama mwamubutukira omo nzolĩ mwamubwira ati, Uwe Yosefũ, mugala wa Dawĩdĩ, Sigubahe erĩherũkya Marĩa mo mũkalĩ wawe, kusangwa obukule buwe ni bwʼOmũlĩmũ Abũyĩrĩre.

Luka 1:28

Omũlaĩka oyo mwahĩka uku Marĩa mwamubwira ati, Wabũkĩre, uwe mutsumulwa. Omukama ali haguma nawe.

Luka 2:8

Neryo omo kihugo ekyo habya abalĩsya ababya bakasiba omolĩ ĩbakategaya ebihangulo byabo omo kiro.

Luka 24:4

Neryo omugulu batika-tika busana nʼomwatsi oyũ, lebuya, abandu babiri abambite esyongimba sĩkangabasenĩe mobabutukiraho hakũhĩ nabo.

Yoane 12:41

Ĩsaya mwabũga emyatsi eyĩ kusangwa mwalangira olukengerwa lwa Yesu, kandi mwamwahula.

Emibiri 12:7

Neryo lebaya, omũlaĩka wʼomukama mwabulukirabo, nʼekyakakala mokyakolerya omo kyumba ekyo. Neryo omũlaĩka mwabanda uku Petero oko lukanga, mwamũbũkya ati, Hangana lũba! Neryo amahulula mwalũa oko byala biwe.

Emibiri 27:23

Kusangwa omo kiro kino, ye Nyamuhanga, nage indi wuwe, kandi ngamukolera, mwatuma omũlaĩka wuwe erihangana hakũhĩ nage.

Emibiri 5:19

Nĩkwa omo kiro, omũlaĩka wʼomukama mwakingula esyonyũyĩ syʼenyũmba yʼomũlĩkĩ, mwahũlũkĩrya abakwenda bʼeyĩhya, mwabwirabo ati,

2 AbanyaKorinto 3:18

Neryo kusangwa situwite ekitambara oko bũsũ bwetu, tũkakanganaya ngʼomo kiyo olukengerwa lwʼOmukama. Kandi busana nʼolukengerwa luwe tũkahĩndũkĩbawa omo kĩsosekanĩo kiwe omo lukengerwa luwe, kusangwa lũkalũa oko Mukama oyuli Mũlĩmũ.

2 AbanyaKorinto 4:6

Kusangwa Nyamuhanga oyo wabũga ati, Ekyakakala kĩkoleraye omo mwĩrĩmya, ni iye abĩrĩkolerya omo mitima yetu nʼerituha ekyakakala kyʼeriminya olukengerwa lwa Nyamuhanga oluli omo bũsũ bwa Kristo.

1 Timoteo 3:16

Sihali oyo wangagana obukulu bwʼerĩkũmbo lyʼekisomo kyetu tuti, Mwabutuka omo mubiri wʼabandu, Mwasĩngana ngʼomutunganene omo Mũlĩmũ, Kandi mwalolwako nʼabamalaĩka, Mwatũlaganĩbwa omo katĩkatĩ kʼebihanda, Mwĩkĩrĩrĩbwa omo kihugo, Mwatwalwa omo lukengerwa lwʼelubula.

AbaEbrania 12:21

Omwatsi oyo abya akũbahya abandu bo kutsibu. Kyaleka Musa ĩnĩabũga ati, Namubaha kutsibu nʼerititimana.

Eribisurirwa 18:1

Enyũma wʼemyatsi eyĩ, monalangira ogundi mũlaĩka akandagala akalũa elubula. Abya awite ehamũlĩ nene, kandi obubuya buwe mobwakangabasanĩrya ekihugo kyosĩ.

Eribisurirwa 20:11

Neryo monalangira ekĩtũmbĩ kyʼobwami kinene kyeru-kyeru, nʼoyo wĩkere kukyo. Neryo ekihugo nʼolubula mobyasaga obũsũ buwe, kandi omwanya mwataswabanika busana nabyo.