Luka 2:51 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵¹ Neryo Yesu mwasuba eNazaretĩ haguma nabo, neryo mwabya akowa ebyo bamubwira. Neryo nyĩnya wuwe mwabika emyatsi yosĩ eyĩ omo mutima wuwe.

Nouveau Testament et Psaumes en Ndandi Version 1962

⁵¹ Neryo mwandagala haguma nabo mwahika eNazareti, mowabo; kandi enyinya wuwe mwabika emyatsi eyi yosi omo mutima wuwe.

Luka 2:51 Iomraidhean Croise

Enzũko 37:11

Nʼabagala babo mobamutsura nĩkwa tata wuwe mwabika ebĩnywa ebĩ byʼomo mutima wuwe.

Esyonyimbo 119:11

Ngabika emigambo yawe omo mutima wage, Neryo sindiendisyakukolera amalolo.

Danĩelĩ 7:28

Eyĩ yo ndũlĩ yʼomwatsi. Nĩkwa ĩngye Danĩelĩ amalengekanĩa wage mwanyĩta obũlĩge bo kutsibu, nʼobũsũ bwage mobwahinduka; nĩkwa monabika omwatsi oyo omo mutima wage.

Matayo 12:46

Yesu abere akĩnabũga nʼesyondeko, nyĩnya, nʼabagala babo mobahĩka. Mobahangana eyĩhya ibakasonda-sonda erĩbũga naye.

Matayo 3:15

Nĩkwa Yesu mwamũsũbĩrya ati, Ũnyĩrĩgĩre lino. Kusangwa omo nzira eyĩ litolere ĩtwaberererya ebitunganene byosĩ bya Nyamuhanga. Neryo Yoane mwalĩga.

Mariko 1:9

Omo biro ebyo Yesu mwalũa eNazaretĩ omo kihugo kyʼeGalĩlaya, na Yoane mwamũbatĩsya omo Yorodanĩ.

Mariko 6:3

Oyũ si yo mũbatsĩ wʼesyombago, mugala wa Marĩa, na mugala wabo Yakobo, na Yose, na Yũda, na Sĩmonĩ kwehĩ? Nʼabali babo sĩbĩkere haguma netu eno kwehĩ? Neryo mobamugana batya.

Luka 18:37

Neryo mobamubwira bati, Yesu wʼeNazaretĩ yukalaba.

Luka 2:19

Nĩkwa Marĩa mwibuka emyatsi yosĩ eyĩ ĩnĩakaganĩrayayo omo mutima wuwe.

Luka 2:39

Neryo babere babibuyirira ebyosĩ ebyo Migambo yʼomukama ĩkabũga, mobasuba eGalĩlaya, oko Nazaretĩ eka wabo.

Luka 4:16

Neryo Yesu mwaya eNazaretĩ aho akulira, nʼoko kiro kyʼeSabato mwaya omo nyũmba yʼerĩhĩndanamo ngʼemibere yiwe. Neryo mwahangana erisoma Amasako.

Luka 4:23

Neryo Yesu mwabũga nabo ati, Nyĩnasĩ mukandimbwira omũsyo oyũ ati, Omunganga, ũyĩlamaye; kandi mwasyambwira muti, Ukole hano eka wenyũ, ebyo wakola eKapernaũmũ ngoko towa, ubikole nʼena wenyũ eno.

AbanyaEfeso 5:21

Kusangwa mukakenga Kristo, obuli mundu owe mũlĩkyabo.

1 Petero 2:21

Kusangwa Nyamuhanga ababirikira busana nʼomwatsi oyũ. Kusangwa Kristo nibya mwagalwa busana nenyũ, neryo mwabasĩgĩra olugobe olo mwangakwama.