Luka 2:41 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴¹ Neryo ababũtĩ ba Yesu babya bakaya eYerũsalema obuli mwaka busana nʼEbiro Bikulu byʼErikiruka.

Nouveau Testament et Psaumes en Ndandi Version 1962

⁴¹ Nikwa abamubuta mobaya eYerusalema oburi mututa okwirya rye Pasaka.

Luka 2:41 Iomraidhean Croise

Erĩlũayo 12:11

Ko mukandisyalyayo mutya; ĩmũnabohĩre esyombindi syenyũ, nʼesyongeta oko bisando byenyũ, nʼemyũtso omo byala byenyũ; mwasyalyayo lũba-lũba; niʼKiruka lyʼOmwami Mukulu.

Erĩlũayo 12:14

Kandi ekiro ekĩ kyasyabya kikibukwa busana nenyũ, mwasyayirakyo mo kiro kikulu busana nʼOmwami Mukulu; omo syondengo syenyũ mwasyayirakyo mo kiro kikulu omo kilayiro kera na kera.

Erĩlũayo 34:23

Engendo ĩsatu oko mwaka abalume bawe bosĩ basyahuluka embere syʼOmukama Iye Omwami Mukulu, Nyamuhanga wa Ĩsraelĩ.

Abalawĩ 23:5

Oko mukera wʼerĩtsũka, oko kiro kyʼerĩkũmĩ nʼebini kyʼomukera omwʼĩgolo-golo, ni ʼkiruka lyʼOmwami Mukulu.

Emiganzo 28:16

Nʼoko mukera wʼerĩtsũka, oko kiro kyʼerĩkũmĩ nʼebini kyʼomukera, hasyabya Erikiruka lyʼOmwami Mukulu.

Luka 2:42

Neryo omugulu Yesu abya wʼemyaka ĩkũmĩ nʼĩbĩrĩ, mobaya oko biro bikulu ebyo ngoko banabya bakakola,

Yoane 11:55

Neryo Ebiro Bikulu byʼAbayũda byʼErikiruka byabya hakũhĩ, kandi, abandu bangi abalũa okolĩ mobahetukira eYerũsalema embere wʼEbiro Bikulu byʼErikiruka, bati bakwame emitsye yʼerĩyerya.

Yoane 13:1

Nĩkwa embere wʼEbiro Bikulu byʼErikiruka, Yesu mwaminya kwʼendambĩ yiwe yamabĩhĩka eyʼerĩlũa omo kihugo kino, nʼeriya eyiri Ĩse. Abya iniabirianza abuwe ababya omo kihugo, kandi mwanzabo erĩhĩka oko ndũlĩ.

Yoane 2:13

Neryo Ekiro kyʼErikiruka kyʼAbayũda kyabya hakũhĩ, kandi Yesu mwahetukira eYerũsalema.

Yoane 6:4

Neryo Ebiro Bikulu byʼErikiruka byʼAbayũda byabya hakũhĩ.

Eryibuka Ebihano 12:11

Neryo aho Mwami Mukulu Nyamuhanga wenyu asyayisoga erĩĩkalya erĩna liwe, aho ho mwasyaleta ebyosĩ nga­bahana; amahere wenyũ wʼerĩokererya, nʼamahongo wenyũ, nʼekiguma kyʼo­mwʼĩkũmĩ kyenyũ, nʼobuhere bwʼerisu­mba bwʼebyala byenyũ, nʼemisigo yenyũ eyisombwere eyo mwasyalahĩrya busana nʼOmwami Mukulu.

Eryibuka Ebihano 12:18

nĩkwa mwasyalirabyo embere syʼOmwami Mu­kulu Nyamuhanga wenyũ aho Mwami Mukulu Nyamuhanga wenyũ asyayisoga, uwe na mugala wawe, na mwali wawe, nʼomugombe wawe wʼobulume, nʼomu­gombe wawe wʼobũkalĩ, nʼOmũlawĩ oyuli omo syongyo syenyũ; kandi mwasyatse­ma embere syʼOmwami Mukulu Nyamu­hanga wenyũ omo byosĩ ebyala byenyũ bikakola.

Eryibuka Ebihano 16:16

Engendo ĩsatu oko mwaka, abalume bawe bosĩ basyahuluka embere syʼOmwami Mukulu Nyamuhanga wenyũ aho asyayisoga, omo Kiro Kikulu kyʼobundu bute mwʼekĩhamya, nʼomo Kiro Kikulu kyʼAmayenga, nʼomo Kiro Kikulu kyʼEbitalikirire, kandi sibasyehulukira embere syʼOmwami Mukulu yo byala bisa.

1 Samwelĩ 1:21

Nʼomundu oyo ye Elkana, nʼekĩtũnga kiwe kyosĩ mobahetuka eriyaherera Omwami Mukulu obuhere bʼobuli mwaka, erĩlahĩrya liwe.

1 Samwelĩ 1:3

Nʼomundu oyo abya iniakahetukira eSĩlo akalũa oko mũyĩ wuwe obuli mwaka erĩramya nʼeriherera Omwami Mukulu wʼemilondo. Nʼabagala babiri ba Elĩ, ye Hofũnĩ na Fĩnehasĩ abahererĩ oko Mwami Mukulu, babyaho.