Luka 2:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Yosefũ naye mwalũa oko mũyĩ wʼeNazaretĩ, eGalĩlaya, mwaya eYũdea, oko mũyĩ ahulawa mo Betelehemũ, aho mwami Dawĩdĩ abutawa, kusangwa abya wʼekihanda nʼekĩtũnga kya Dawĩdĩ.

Nouveau Testament et Psaumes en Ndandi Version 1962

⁴ Yosefu nibya mwahetukira eYudea, akalwa eGalilaya, omuyi wa Nazareti, iniakaya oko muyi wa Dawidi owakahulawa mo Betelehemu kusangwa abya wenyumba nekitunga kya Dawidi,

Luka 2:4 Iomraidhean Croise

Enzũko 35:19

Neryo Rakelĩ mwahola, mwatabwa omo nzira yʼeEfũratĩ (eyu ye Betelehemũ).

Enzũko 48:7

Nage, omugulu nahĩka ePadanĩ, monakwĩrwa Rakelĩ omo kihugo kyʼeKanana omo nzira, ĩtũkĩsĩya ĩtwahĩka eEfurata; nage monamutaho omo nzira ikaya Efurata (eyo nĩ Betelehemũ).

Mĩka 5:2

Nĩkwa uwe Betelehemũ-Efurata, oyuli muke eribya omo katĩkatĩ kʼamaelfu wʼeYũda, umʼuwe mwasyahuluka omuguma busana nage oyo wasyabya mũtabalĩ omo Ĩsraelĩ, erihuluka liwe litula kera oko migulu ya kera na kera.

Matayo 1:20

Nĩkwa omugulu Yosefũ abya akaganĩrya omwatsi oyũ, lebaya, omũlaĩka wʼomukama mwamubutukira omo nzolĩ mwamubwira ati, Uwe Yosefũ, mugala wa Dawĩdĩ, Sigubahe erĩherũkya Marĩa mo mũkalĩ wawe, kusangwa obukule buwe ni bwʼOmũlĩmũ Abũyĩrĩre.

Matayo 2:23

Nĩkwa mwahĩka oko mũyĩ wʼeNazaretĩ neryo mwĩkalayo, erĩberererya ebyo bamĩnyererĩ babũga bati, Asyahulwa mo Mũnazaretĩ.

Luka 2:3

Neryo abandu bosĩ mobaya oko tsapa eyo, obuli mundu oko wabo.

Luka 2:5

Ayayo busana nʼeriyatsapa haguma na Marĩa, oyo asĩmolaya, inina mukule.

Luka 4:16

Neryo Yesu mwaya eNazaretĩ aho akulira, nʼoko kiro kyʼeSabato mwaya omo nyũmba yʼerĩhĩndanamo ngʼemibere yiwe. Neryo mwahangana erisoma Amasako.

Yoane 1:46

Neryo Natanaelĩ mwamũbũlya ati, Kwʼekindu kyowene kyanganalũa eNazaretĩ kwehĩ? Fĩlĩpo mwamubwira ati, Wase Ũlebaye.

Yoane 7:42

Amasako Sĩalĩtabũga ati, Kristo akalũa oko lubuto lwa Dawĩdĩ, nʼeributirwa eBetelehemũ, omũyi wa Dawĩdĩ abyamo kwehĩ?

Rũta 1:19

Neryo ababiri ko bagenda batya erĩhĩka eBetelehemũ. Neryo mokyabya omugulu bahĩka eBetelehemũ, omũyĩ gosĩ mobahũlũngũkanĩa busana nabo, bati, Oyũ nina Naomĩ kwehĩ?

Rũta 2:4

Neryo lebaya, Boazĩ mwasa akalũa eBetelehemũ, kandi mwabwira abagesĩ ati, Omwami Mukulu abye nenyũ. Nabo mobamũsũbĩrya bati, Omwami Mukulu akutsumule.

Rũta 4:11

Nʼabandu bosĩ ababya omo lũkyo lwʼomũyĩ, nʼabakulu mobabũga, bati, Tuli balangĩrĩ. Omwami Mukulu ayire omũkalĩ oyukingira omo nyũmba yawe nga Rakelĩ kandi nga Lea, ababiri abahĩmba enyũmba ya Ĩsraelĩ: kandi Ukole ebitolere omo Efurata, kandi uhalambawe eBetelehemũ.

Rũta 4:17

Kandi abakalĩ balĩkyabo mobamuluka erĩna, bati, Naomĩ amabutirwa omugala; neryo mobahula erĩna liwe mo Obedĩ. Naye nʼĩse wa Yese, ĩse wa Dawĩdĩ.

1 Samwelĩ 16:1

Neryo Omwami Mukulu mwabũga na Samwelĩ ati, Wasyakolyahi eriririra Saũlo ĩnũnasĩ ko nabirimugana eribya mwami wa Ĩsraelĩ kwehĩ? Wosũlaye omwʼĩhembe lyawe mwʼamagũta, ugende. Ngandikutuma eyiri Yese, Omunya Betelehemũ; kusangwa nabiriyibanira omwami omo bagala buwe.

1 Samwelĩ 16:4

Neryo Samwelĩ mwakola ebyo Mwami Mukulu abũga, neryo mwagenda eBetelehemũ. Nʼabakulu bʼomũyĩ oyo mobayahĩndana naye ibanemutitimana, bati, Unemwasira buholo kwehĩ?

1 Samwelĩ 17:12

Nĩkwa Dawĩdĩ abya mugala wʼOmunya Efũratĩ wʼeBetelehemũ-yũda, iniakahulawa mo Yese; naye abya awite bagala munani; nʼomundu oyo abya mũsyakulu oko mugulu wa Saũlo, iniamakota omo katĩkatĩ kʼabandu.

1 Samwelĩ 17:58

Na Saũlo mwabũga naye ati, Uwe mũlwana uli mugala wandi kwehĩ? Na Dawĩdĩ mwasũbĩrya ati, Ingye indi mugala wʼomugombe wawe Yese Munya Betelehemũ.

1 Samwelĩ 20:6

Kandi tata wawe amanyibula, neryo ũbũge uti, Dawĩdĩ ka mwakanyisaba olugendo lwʼeriya eBetelehemũ eka wuwe; kusangwa iri obuhere bwʼomwaka busana nʼekĩtũnga kyosĩ.