Luka 2:34 - AMASAKO ABOYTRTRE WA NYAMUHANGA AWAKAHULAWA MO BIBLIA

³⁴ Neryo Sĩmeonĩ mwatsumulabo iniakabwira Marĩa nyĩnya wuwe ati, Lebaya, omwana oyũ abiriyisogwa na Nyamuhanga busana nʼeriwa nʼerilama lyʼabandu bangi omo Ĩsraelĩ. Kandi asyabya kiminyikalo ekikandisyaponwa.

Nouveau Testament et Psaumes en Ndandi Version 1962

³⁴ na Simeoni mwatsumulabo mwabuga na Maria nyinya wuwe ati, Lebaya, omwana oyu abirihirwa okwigwa nerihangana ryabangi beIsraeli, na busana nekimi nyikalo ekikaponawa

Luka 2:34 Iomraidhean Croise

Enzũko 14:19

Neryo Melkĩsedekĩ mwatsumula Abramu, ati, Omũyĩsa abye uku Abramu wa Nyamuhanga Wʼendata Kutsibu, Omũhangĩkĩ wʼolubula nʼekihugo;

Enzũko 47:7

Neryo Yosefũ mwaleta Yakobo ĩse wuwe, mwamũhĩra emuliro wa Farao. Yakobo mwatsumula Farao.

Erĩlũayo 39:43

Kandi Musa mwalebya omũbĩrĩ gosĩ oyo, ibabirikolago; ngoko Mwami Mukulu ahana, ko bakolago batya. Neryo Musa mwatsumulabo.

Ĩsaya 8:18

Lebaya, ĩngye haguma nʼabana abo Mwami Mukulu abirimba, tuli busana nʼebiminyikalo nʼebyʼeriswekera omo Ĩsraelĩ bĩkalũa oko Mwami Mukulu wʼemilondo, oyo wĩkere oko Kitwa kyʼeSĩonĩ.

Hosea 14:9

Omundu oyũ wʼamenge iniatoka eriminya emyatsi eyĩ; nʼoyukaminyerera, aminyeyo. Kusangwa esyonzira syʼOmwami Mukulu situnganene, nʼabatunganene basyalendera musyo; nĩkwa abʼamalolo basyatwĩkala musyo.

Matayo 11:19

Omugala wʼomundu mwasa akalya nʼerĩpũlya, neryo bakabũga bati, Lebaya omundu oyũ! Ni wʼomururu nʼomũkũndĩrya, omwĩra wʼabasolesya nʼabakola-nabi. Nĩkwa amenge wa Nyamuhanga akaminyĩkala omo mĩbĩrĩ yago.

Matayo 12:46

Yesu abere akĩnabũga nʼesyondeko, nyĩnya, nʼabagala babo mobahĩka. Mobahangana eyĩhya ibakasonda-sonda erĩbũga naye.

Matayo 21:44

Nʼoyo wasyatererwako nʼerĩbwe erĩ asyabũnangika mo bitswebitswe; nĩkwa erĩbwe eryo lyamatogera oko mundu, lyasyamũbũnzũngũla mo lũtũtũ.]

Matayo 27:63

bati, Mukama twamibuka ngoko mũtebya oyo abũga omugulu abya akiriho ati, Enyũma wʼebiro bisatu nasyalũbũka.

Luka 2:35

Kandi obũlĩge ngʼomũyalĩ bwasyatsimita omutima wawe, amalengekanĩa wʼemitima mingi atoke erĩbĩsũlwa.

Yoane 3:20

Kusangwa obuli mundu oyukakola ebibi akakwa ekyakakala kyʼobusu, kandi sĩalĩhĩka oko kyakakala, emĩbĩrĩ yiwe mibi ĩkasyamĩnyĩkalĩbwa.

Yoane 5:18

Busana nʼomwatsi oyũ Abayũda mobasonda-sonda erĩmwĩta kwilaba; kusangwa ambu abya akaketa omugambo wʼeSabato, kandi kusangwa abya akahula Nyamuhanga mo Tata wuwe, ĩnĩakayĩrĩngĩrĩranaya na Nyamuhanga.

Emibiri 13:45

Nĩkwa omugulu Abayũda balangira esyondeko, mobũsũla nʼobũha, mobatsũka erĩyĩhanangya bakagana ebĩnywa Paũlo abũga, kandi mobamutsuma.

Emibiri 17:6

Neryo babere babulabo, mobakura Yasona, nʼabandi balĩkyetu embere syʼabakulu bʼomũyĩ bati, Abandu aba babiribindula ekihugo kyosĩ! Na lino babĩrĩhĩka na hano nibya.

Emibiri 24:5

Kusangwa twabĩrĩrebya omundu oyũ kwʼali mũtĩngĩtya, kandi nĩ mũkatĩsanĩa omo katĩkatĩ kʼAbayũda omo kihugo kyosĩ, kandi nĩ mũhanganĩrĩ wʼekihanda kyʼAbanazaretĩ.

Emibiri 28:22

Nĩkwa twanzĩre erĩowa amalengekanĩa wawe, kusangwa tũnasĩ abandu bakahula ekisomo ekĩ kyo nabi ehosĩ.

Emibiri 4:26

Busana nakĩ, ebihanda bikahitana kwehĩ? Busana nakĩ abandu bakaya embĩta ya busa kwehĩ? Abami bʼekihugo bakayisamambula, Nʼabatabalĩ bakaya embĩta yo haguma, Bakalwa nʼOmwami Mukulu, Kandi bakalwa na Kristo wuwe.

Emibiri 6:7

Litya ekĩnywa kya Nyamuhanga mokyakanyirira. Nʼeriganza lyʼabiga nalyo molyakanyirira kutsibu eYerũsalema, nʼabahererĩ bangi mobalĩga erĩkĩrĩrya eryo.

AbanyaRoma 9:32

Busana nakĩ kwehĩ? Kusangwa mobatakwamakyo omo nzira yʼerĩkĩrĩrya, nĩkwa omwʼikola emĩbĩrĩ. Mobatwĩkala okwʼĩbwe erĩkatwĩkalaya abandu.

1 AbanyaKorinto 1:23

nĩkwa ĩtwe tũkakanganaya Kristo oyo wabambawa oko musalaba. Abayũda sĩbanzĩre omwatsi oyũ, nʼabandu bʼEbihanda bakaganza omwatsi oyo mo bũkĩrũ.

AbaEbrania 7:1

Melkĩsedekĩ oyũ, abya mwami wʼeSalemũ, kandi abya omũhererĩ wa Nyamuhanga Owendata Kutsibu. Neryo omugulu Abrahamũ abya akasubula akalũa eyo ayĩtĩra abami, mwahĩndana na Melkĩsedekĩ naye mwamutsumula.

AbaEbrania 7:7

Nĩkwa butsira buhaka omundu muke akatsumulawa nʼomukulu.

1 Petero 4:14

Mwamatsumwa kusangwa mukakwama Kristo, muli nʼomũyĩsa, kusangwa Omũlĩmũ wʼolukengerwa, wʼOmũlĩmũ wa Nyamuhanga ĩkere nenyũ.

1 Samwelĩ 2:20

Na Elĩ mwatsumula Elkana nʼomũkalĩ wuwe, mwabũga ati, Omwami Mukulu akuhe abana oko mũkalĩ oyũ omo mwanya wʼoyo aha Omwami Mukulu. Neryo mobaya eka wabo.