Luka 2:32 - AMASAKO ABOYTRTRE WA NYAMUHANGA AWAKAHULAWA MO BIBLIA

³² Ekyakakala kyʼerĩkangya enzira yawe oko Bihanda, Nʼeriha olukengerwa oko bandu bawe Ĩsraelĩ.

Nouveau Testament et Psaumes en Ndandi Version 1962

³² Oluseke busana neribisulirwa oko Bihanda Na busana nolukengerwa lwa bandu bawe Israeli.

Luka 2:32 Iomraidhean Croise

Esyonyimbo 85:9

Kwenene asĩkĩre erĩlamya abakamukenga, Nʼolukengerwa luwe lũsĩgale omo kihugo kyetu.

Ĩsaya 11:10

Kandi oko kiro ekyo, ebihanda byasyaya oko mwana wa Yese naye asyimana eribya bendera yʼebihanda. Ahʼeriluhukira huwe hasyabya olukengerwa.

Ĩsaya 4:2

Oko kiro ekyo Omutahi wʼOmwami Mukulu asyabya mubuya nʼowʼolukengerwa, nʼesyombuto syʼekihugo syasyabya mbuya nʼebyambalo byʼabandu ababala ba Ĩsraelĩ.

Ĩsaya 45:25

Omo Mwami Mukulu abana bosĩ ba Ĩsraelĩ basyabana erĩbanza libuya, nʼeriyihalamba.

Ĩsaya 49:6

Ati, Ni mwatsi muke uwe eribya mugombe wage erĩhanganĩa ebihanda bya Yakobo, nʼerĩsũbya abateyĩbawa ba Ĩsraelĩ. Kandi nasyakuyira eribya ekyakakala busana nʼebihanda, omulamo wage ahĩke oko ndũlĩ yʼekihugo.

Ĩsaya 49:9

Nʼeribwira ababohĩre, nyiti, Muhuluke; nʼeribwira abali omo mwĩrĩmya nyiti, Mũyĩkanganaye. Basyalira omo nzira, nʼahendata hosĩ hasyabya obũlĩsĩryo bwabo.

Ĩsaya 51:4

Munyihulikirire ĩnywe bandu bage, munyitegere amatwĩ, uwe kihanda kyage. Kusangwa nasyahũlũkya omugambo, kandi nasyahanganĩa erĩbanza lyage litunganene eribya kyakakala busana nʼebihanda.

Ĩsaya 60:19

Eryuba siryendisyaswabyg ekyakakala kyawe omo musibo, Kutse omukera siendisyaswakuha ekyakakala mo mubano. Nĩkwa Omwami Mukulu asyabya kuwe ekyakakala kyʼerikota, Na Nyamuhanga wawe asyabya lukengerwa lwawe.

Ĩsaya 9:2

Abandu abakalendera omo mwĩrĩmya basyalangira ekyakakala kinene. Ababya bĩkere omo kihugo kyʼekyũtsũtsũ kyʼoluholo, ekyakakala kyasyakolerya kubo.

Yeremĩa 2:11

Ekihanda kyabiribindula esyonyamuhanga syakyo esite nyamuhanga kwehĩ? Nĩkwa abandu bage babiribindula olukengerwa lwabo busana nʼekite nʼendũndĩ.

Zekarĩa 2:5

Kusangwa ĩngye, Omwami Mukulu ati, nasyabya lũhĩmbo lwʼomuliro busana nayo, erĩtĩmba oko mbande syosĩ, nasyabya lukengerwa omo katĩkatĩ kayo.

Matayo 4:16

Abandu abĩkere omo mwĩrĩmya, Mobalangira ekyakakala kinene! Kandi busana nʼabĩkere omo kihugo nʼomo kyũtsũtsũ kyʼoluholo, Ekyakakala kyamakoleryabo!

Luka 2:10

Nʼomũlaĩka mwabwirabo ati, Simubahe! Kusangwa ngabaletera Engulu Yowene yʼobutseme bunene obukasyabya busana nʼabandu bosĩ.

Luka 2:31

Ogo wabĩrĩkokotya embere syʼabandu bosĩ,

Emibiri 26:23

Bati, Kristo asyagalwa, kandi busana nʼerĩlũbũka liwe oko baholĩ, asyabya owʼerĩmbere wʼerĩtũla omwatsi wʼekyakakala kyʼerilama oko bandu bʼAbayũda, nʼoko bandu bʼEbihanda.

Emibiri 28:28

Neryo Paũlo mwabũga ati, Ĩnywe muminye ngoko erilama erĩ rya Nyamuhanga lyabiritumwa oko Bihanda. Nabo basyahulikirira nibya! [

1 AbanyaKorinto 1:31

Neryo ngoko Amasako akabũga ati, Oyukayihalamba, ayihalambe umwʼebyo Omukama abirikola.

Eribisurirwa 21:23

Kandi omũyĩ oyo siali nʼobwaga bwʼeryuba kutse omukera byʼerĩkolerya mugo, kusangwa olukengerwa lwa Nyamuhanga lũkakolerayago nʼetala yago ni Kyana kyʼEmbũlĩ.