Luka 2:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Nʼomũlaĩka mwabwirabo ati, Simubahe! Kusangwa ngabaletera Engulu Yowene yʼobutseme bunene obukasyabya busana nʼabandu bosĩ.

Nouveau Testament et Psaumes en Ndandi Version 1962

¹⁰ Nomulaika mwabwirabo ati, Simubahe; kusangwa lebaya, ngabaletera engulu yowene yobutseme bunene obukasyasira bandu bosi;

Luka 2:10 Iomraidhean Croise

Enzũko 12:3

Nage nasyatsumula abakakutsumula, nʼoyukakutsuma nasyamutsuma. Omwisi syawe ebihanda byosĩ byʼekihugo ĩngye Nyamuhanga nasyatsumulabyo.

Ĩsaya 40:9

Uwe Sĩonĩ ũkatũla engulu yowene, Usambe oko kitwa kiri-kiri. Usumbe omulenge wawe go kutsibu, Nawe Yerũsalema ũkatũla engulu yowene Usumbe omulenge Sigubahe. Ubwire emĩyĩ ya Yũda uti, Nyamuhanga wenyũ yoyũ hano!

Ĩsaya 41:27

Erĩmbere monabwira Sĩonĩ, nyiti, Lebaya, hano ho bali. Kandi monabwira eYerũsalema nyiti, Nasyaha omukwenda wʼengulu yowene.

Ĩsaya 49:6

Ati, Ni mwatsi muke uwe eribya mugombe wage erĩhanganĩa ebihanda bya Yakobo, nʼerĩsũbya abateyĩbawa ba Ĩsraelĩ. Kandi nasyakuyira eribya ekyakakala busana nʼebihanda, omulamo wage ahĩke oko ndũlĩ yʼekihugo.

Ĩsaya 52:10

Omwami Mukulu abiriswikula okuboko kuwe kũbũyĩrĩre, Omo meso wʼebihanda byosĩ. Esyondũlĩ syosĩ syʼekihugo sitoke erilangira Omulamo wa Nyamuhanga wetu.

Ĩsaya 52:7

Ni kibuya erĩowa erĩhĩka lyʼoyukaleta engulu yowene oko bitwa, Oyũkatũla engulu yʼobuholo, Oyukaleta engulu yowene yʼeritsema, Oyũkatũla omwatsi wʼomulamo, Oyukabwira Sĩonĩ, ati, Nyamuhanga wawe yukatabala!

Ĩsaya 61:1

Omũlĩmũ wʼomukama Omwami Mukulu anyiriko, kusangwa Omwami Mukulu abĩrĩnyĩhakabya amagũta, nyirete engulu yowene oko bandu abakagalawa. Abirinyituma erilunga ababũnĩkĩre omo mutima, erĩtũlĩra ababohĩre obwĩranda nʼerikingulira abandu bʼomũlĩkĩ,

Danĩelĩ 10:19

Neryo mwabũga ati, Uwe mundu oyũsĩmĩrwe kutsibu, Sigubahe. Ubye nʼobuholo; ũsĩke nʼamaka, ega, uhande omutima! Nʼomugulu abũga nage, monabana amaka, monabũga nyiti, omukama wage abũge; kusangwa wamanyiha amaka.

Zekarĩa 9:9

Utseme kutsibu uwe mwali wʼeSĩonĩ! Uwe mwali wʼeYerũsalema, wũte obogo! Lebaya, omwami wawe akasa ukʼuwe; atunganene, kandi awite erĩlamya, abĩrĩyĩkehya, kandi ĩkere oko punda, ega, oko kyana kyʼepunda.

Matayo 14:27

Nĩkwa neryo-neryo Yesu mwabũga nabo ati, Mũsĩkaye emitima! Nĩna ngye; simubahe.

Matayo 28:18

Neryo Yesu mwasa mwabũga nabo ati, Ehamũlĩ yosĩ nabirihabwayo omo lubula nʼomo kihugo.

Matayo 28:5

Neryo omũlaĩka mwabũga nʼabakalĩ ati, Simubahe, kusangwa nyĩnasĩ ko mukasonda-sonda Yesu oyo wabambawa oko musalaba.

Mariko 1:15

Ati, Omugulu abiribererera, nʼobwami bwa Nyamuhanga buli hakũhĩ! Mubinduke, erireka ebibi byenyũ, mwĩkĩrĩraye Engulu Yowene.

Mariko 16:15

Neryo Yesu mwabwirabo ati, Muye omo kihugo kyosĩ, mũtũlaganaye Engulu Yowene oko bandu bosĩ.

Luka 1:13

Nĩkwa omũlaĩka mwamubwira ati, Zakarĩa, Sigubahe. Nyamuhanga abĩrĩowa erisaba lyawe, nʼomũkalĩ wawe asyakubutira omũlwana. Wasyahula erĩna liwe mo Yoane.

Luka 1:19

Nʼomũlaĩka mwamũsũbĩrya ati, Ĩngye indi Gabrĩelĩ. Oyukahangana embere sya Nyamuhanga, kandi nabiritumwa erikubwira, nʼerikuletera Engulu Yowene eyĩ.

Luka 1:30

Neryo omũlaĩka mwamubwira ati, Sigubahe, Marĩa, kusangwa wabiribana olukogo ewa Nyamuhanga.

Luka 2:11

Kusangwa mũnabwĩre oko mũyĩ wa Dawĩdĩ, Omũlamya wenyũ abiributwa, Iye Omukama Kristo.

Luka 24:47

Kandi kiti, Omo lĩna liwe omwatsi wʼeribindula omutima nʼerireka ebibi, nʼeribuyira lyʼebibi litolere ĩbyatũlaganĩbwa oko bihanda byosĩ, erĩtsũka eYerũsalema.

Luka 8:1

Enyũma wʼaho Yesu mwatsũka erilaba ehosĩ omo mĩyĩ nʼomo hĩyĩ, ĩnĩakatũlaganaya Engulu Yowene nʼerĩtũla omwatsi wʼobwami bwa Nyamuhanga. Abiga erĩkũmĩ nʼababiri mobagenda haguma naye,

Emibiri 13:32

Netu tũkabatũlĩra Engulu Yowene eyo Nyamuhanga alaga abotata-kulu wetu. Lino Nyamuhanga abĩrĩberererya erilaga erĩ ũkwʼĩtwe bana babo, ĩnĩakalũbũkaya Yesu omo ngebe. Ngoko kĩsakĩre omo Lwimbo lwʼakabiri kiti, Uli Mugala wage, Namakubuta mũnabwĩre.

AbanyaRoma 10:15

Kandi basyatũlago bati, bamatenditumwa kwehĩ? Ngoko kĩsakĩre kiti, Ni kibuya ndeke erĩowa erĩhĩka lyʼabandu bakaleta engulu nyibuya.

AbanyaEfeso 3:8

Ĩngye indi muke kutsibu omo katĩkatĩ kʼabandu ba Nyamuhanga, nĩkwa omo lukogo luwe Nyamuhanga mwamba omũbĩrĩ gowene oyũ wʼerĩtũlĩra Ebihanda engulu yʼobuteke obũlengĩre, obwa Kristo, nabo bũlabĩre obũlengekanĩa.

AbanyaKolosai 1:23

Nĩkwa litolere imwakwama butsira eriregula omwʼĩkĩrĩrya, ĩmũnasĩkĩre ndeke. Sĩmũtũndawe mukaleka amaha wʼEngulu Yowene eyo mowa. Ĩngye Paũlo nabiribya mugombe wʼEngulu Yowene eyĩ, eyĩkakangĩrĩrĩbawa oko bandu bosĩ muna-kihugo.