Luka 19:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Kusangwa Omugala wʼOmundu mwasa erisonda-sonda nʼerĩlamya ababya batere.

Nouveau Testament et Psaumes en Ndandi Version 1962

¹⁰ Kusangwa Mugala womundu mwasa erisonda-sonda nerilamya abatala.

Luka 19:10 Iomraidhean Croise

Ezekĩelĩ 34:12

Ngoko mũlĩsya akalembera ekihangulo kiwe omo musibo omugulu ali omo katĩkatĩ kʼesyombũlĩ siwe esipanzikene, litya nasyalembera esyombũlĩ syage nyitya. Nasyalamyasyo ehosĩ eyo syapanzikanira omo kiro kyʼebĩtũ nʼomwĩrĩmya.

Ezekĩelĩ 34:16

Nasyasondasondya esitere, nʼerĩsũbũlya esyapanzapanzawa, nʼerisenga esyabũnĩka, nʼerĩsĩkya esyabya silwere. Nĩkwa esĩnenehĩre nʼesyʼamaka nasyaheryasyo. Nasyalĩsyasyo omwʼitswera.

Matayo 1:21

Asyabuta omugala, nawe wasyamwahula mo Yesu, kusangwa asyalamya abandu buwe oko bibi byabo.

Matayo 10:6

Nĩkwa muye oko mbũlĩ sitere syʼekihanda kya Ĩsraelĩ.

Matayo 15:24

Nĩkwa Yesu mwasũbĩrya ati, Natumawa oko syombũlĩ esĩherĩre syʼenyũmba ya Ĩsraelĩ nyisa.

Matayo 18:10

Mũlebaye isimwapona omuguma gʼoko bana balere aba. Kusangwa ngababwira nyiti, abamalaĩka babo, omo lubula bakalola oko bũsũ bwa Tata wage oyuli elubula ebiro byosĩ. [

Matayo 18:11

Kusangwa Omugala wʼomundu mwasa erĩlamya abatere.]

Luka 15:32

Nĩkwa lĩwe litolere itwalya nʼeritsema, kusangwa mugala wenyũ oyũ abya aholĩre na lino aneho, kandi abya ĩnĩaherĩre, neryo lino abiribanika.

Luka 15:8

Kutse omũkalĩ oyuwite esyofranka ĩkũmĩ amatalya oluguma, akakolakĩ kwehĩ? Akakaya etala, nʼerĩbĩrya enyũmba yiwe, nʼerikwesa ndeke erĩhĩka aho akandibaniralo.

Yoane 3:17

Kusangwa Nyamuhanga mwatatuma Mugala wuwe omo kihugo eribya Mũtswerĩ wakyo, nĩkwa abye Omũlamya wakyo.

AbanyaRoma 5:6

Kusangwa omugulu twabya butsira maka, Kristo mwaholera abakola-nabi, oko mugulu Nyamuhanga ayisoga.

AbaEbrania 7:25

Busana nʼekyo akatoka erĩlamya lino nʼebiro byosĩ abakahĩka uku Nyamuhanga busana naye. Kandi akakota busana nʼerisabirabo.