Luka 17:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Yesu mwabwira abiga buwe ati, Emyatsi eyĩkakolesaya abandu bʼebibi ikandisyasa kwenene, nĩkwa obũlĩge oko yukaletayo!

Nouveau Testament et Psaumes en Ndandi Version 1962

¹ Neryo mwabwira abiga buwe ati, Ebikatwikalaya bikandi syasa kundu; nikwa obulige kwoyu kaletabyo!

Luka 17:1 Iomraidhean Croise

Matayo 16:23

Nĩkwa Yesu mwakeba mwabũga na Petero ati, Uwe Satanĩ, ubye enyũma kwĩngye! Uli ndwĩkale yage kusangwa amalengekanĩa wawe si wa Nyamuhanga nĩkwa ni wʼabandu.

Matayo 18:7

Obũlĩge oko kihugo busana nʼemyatsi eyikaleka bandu ibatswa! Nĩkwa emyatsi eyĩ ikandisyakolwa, nĩkwa obũlĩge oko mundu oyukaleka bandu ibatswa batya!

Luka 16:31

Nĩkwa Abrahamũ mwamubwira ati, Bamatĩndowa Musa nʼabamĩnyererĩ, sibendisyayisinga nomo mundu angalũa oko baholĩ.

AbanyaRoma 14:13

Neryo tuleke eritswerana, nĩkwa mũbũge muti, omundu sĩahĩre kindu ekyangatwĩkalya mũlĩkyabo, kutse erireka akawa omo bibi.

AbanyaRoma 16:17

Balĩkyetu, ngabalemba-lemba, mũ­tegaye busana nʼabo bakaleta erigabana, nʼemyatsi yʼerĩtwĩkalya, abatekwama erĩkangĩrĩrya eryo mwakangĩrĩrĩbawa. Musagebo.

1 AbanyaKorinto 10:32

Simukole ekyangaleta omwaga oko Bayũda, kutse oko bʼEbihanda, kutse oko kanĩsa ya Nyamuhanga.

1 AbanyaKorinto 11:19

Kusangwa litolere ihabya erigabana omo katĩkatĩ kenyũ, neryo abakakwama ndeke ibaminyikala.

1 AbanyaKorinto 8:13

Neryo ebyalya byamaleka mũlĩkyetu akakola ebibi, sindiendisyaswalya esĩswĩ na kera, ngasyakolesya mũlĩkyetu yʼebibi.

1 Timoteo 4:1

Nĩkwa Omũlĩmũ akabũga ndeke ati, Oko migulu yʼenyũma-nyũma abandi basyatswa okwʼĩkĩrĩrya lyabo, ibakakwama ebĩrĩmũ byʼerĩtebya nʼerĩkangĩrĩrya lyʼesyombĩnga.

Eribisurirwa 2:14

Nĩkwa ngakukunga oko yindi myatsi mike, nyiti, uwite haguma nawe abakakwama erĩkangĩrĩrya lya Balama, oyo wakangĩrĩraya Balaka ngoko angaleka abandu ba Ĩsraelĩ erikola ebibi, balye akalyo akaherawa oko syosanamu, nʼerĩsĩngĩra.

Eribisurirwa 2:20

Nĩkwa ngakukunga oko mwatsi oyũ nyiti, Ũkalĩga omũkalĩ oyo ye Yezebele oyukayahula mo mũmĩnyererĩ wʼobũkalĩ, kandi akakangĩrĩraya nʼerĩtalya abagombe bage erikola erĩsĩngĩra nʼerirya akalyo akakahererawa esyosanamu.