Luka 16:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Neryo omũteya oyo mwayibwira ati, Nasyayira nyiti kwehĩ, kusangwa omukama wage amanyinyega obũteya bwage. Sindi nʼakagala kʼeririma, kandi ngakwa esĩsonĩ syʼerihema.

Nouveau Testament et Psaumes en Ndandi Version 1962

³ Nomubiki oyo mwayibwira ati, Ngandiyira nyiti, kwehi? kusangwa mukama wage amanyinyega eribika. Sindi na kagala keririma, kandi ngakwa esisoni syerihema.

Luka 16:3 Iomraidhean Croise

Esĩterĩ 6:6

Neryo Hamanĩ mwingira. Nʼomwami mwamubwira ati, Nĩkĩ kyangakolerwa omundu oyo mwami akatsemera erĩmũsĩkya kwehĩ? Neryo Hamanĩ mwabũga omo mutima wuwe ati, Nindi oyo mwami angatsemera erĩmũsĩkya kwilaba kwĩngye kwehĩ?

Emĩsyo 13:4

Ekĩrĩmũ kyʼomugata kĩkayĩtsũtsa, ikitabana kindu; Nĩkwa ekĩrĩmũ kyʼowʼomũhwa kĩkandĩsyanenehĩbwa.

Emĩsyo 15:19

Enzira yʼomugata ni lukunda lwʼamahwa; Nĩkwa enzira yʼabatunganene ikayirawa mo mbalu nene.

Emĩsyo 18:9

Omugata omo mũbĩrĩ wuwe Ni mugala wabo mũhererya.

Emĩsyo 19:15

Obugata bukaleta otũgotserĩ tunene; Nʼomutima wʼomondola asyakwa enzala.

Emĩsyo 20:4

Omugata syanzĩre eririma busana nʼomugulu wʼeritsuku; Busana nʼekyo, oko mugulu wʼerihulula asyasabĩrĩrya, iniatabya nʼekindu.

Emĩsyo 29:21

Oyũkakũlaya omugombe wuwe yo ndeke erĩtsũka omo bwana buwe Enyũma wʼaho asyabya ngʼomugala wuwe.

Ĩsaya 10:3

Neryo mwasyakolakĩ omo kiro kyʼerisuyira, nʼomwʼĩkĩndwa erĩkandĩsyalũa ehali kwehĩ? Mwasyasagira ukundi eribana erĩwatĩkya kwehĩ? Kandi mwasyasĩganĩa obuteke bwenyũ bo hahi kwehĩ?

Yeremĩa 5:31

Abamĩnyererĩ bakaminyerera omo mabehĩ, nʼabahererĩ bakatabala omo hamũlĩ yabo, nʼabandu bage bakanza batya! Nenyũ mwasyakolakĩ omugulu endũlĩ yasyahĩka kwehĩ?

Hosea 9:5

Mwasyakolakĩ oko kiro kyʼerĩhĩndana lĩbũyĩrĩre, oko kiro kikulu kyʼOmwami Mukulu kwehĩ?

Matayo 20:8

Neryo erĩgolo-golo lyabere ryahĩka, Omwenye eririma lyʼebĩnyũ mwabwira omwĩmanĩrĩ wuwe ati, Ubirikire abahĩngĩ Ulihebo obũhĩngĩ bwabo erĩtsũka oko bʼenyũma ũhĩke oko batsũka.

Mariko 10:46

Neryo mobahĩka eYerĩko. Nʼomugulu abya akalũa eYerĩko haguma nʼabiga buwe nʼendeko nene, endĩmatĩme oyukahulawa mo Baratĩmayo, abya ĩkere oko mũsĩke wʼenzira akasabĩrĩrya ebihembo.

Luka 12:17

Neryo omundu oyo mwatsũka erĩganĩrya omo mutima wuwe ati, Nasyakolakĩ kwehĩ? Kusangwa singwite ahʼeribika ebyalya byage byosĩ.

Luka 16:2

Neryo mwamubirikira ati, Ebĩ nĩ byahi ngowa busana nawe kwehĩ? Ulete emiganzo yʼebindu byage Wabere ũkateya, kusangwa siwendisyaswabya mũteya wage.

Luka 16:20

Kandi habya nʼomundu mwera oyukahulawa mo Lazaro iniatsungene kwʼebironda, ĩnĩakahĩrawa oko lũkyo lwʼomundu wʼebindu.

Luka 16:22

Omundu mwera oyũ mwahola, mwahekwa nʼabamalaĩka oko kĩkũba kya Abrahamũ; nʼomundu wʼebindu naye mwahola nibya, mwatabwa.

Luka 16:4

Nyĩnasĩ ekyo ngandikola, neryo omugulu nasyalũsĩbwa oko bũteya, abandu batoke erĩnyĩkokya omo manyũmba wabo.

Luka 18:4

Oko mugulu muli, omũtswerĩ oyo mwatalĩga, nĩkwa mwasala ayibwira ati, Nomo ndeniubaha Nyamuhanga kutse erikenga mundu,

Yoane 9:8

Neryo abalĩkyabo, nʼabamulangira erĩmbere ini mundu ũkasabĩrĩraya, mobabũga bati, Oyũ si yo mundu wabya akĩkala nʼerĩsabĩrĩrya kwehĩ?

Emibiri 3:2

Neryo oko lũkyo lwʼeHekalũ olukahulawa mo Lubuya habya amundu oyo wabutawa inina kirema. Obuli kiro babya bakahekera omundu oyo yʼoko lũkyo olo busana nʼerĩsabĩrĩrya ebindu oko bandu ababya bakingira omo Hekalũ.

Emibiri 9:6

Nĩkwa uhangane, wingire omo mũyĩ, nʼeyo wasyabwirwa ebyo utolere iwakola.

2 AbanyaTesalonika 3:11

Kusangwa tũkowa ngoko hali abandi abakagala-ganda omo katĩkatĩ kenyũ, sibekola omũbĩrĩ, nĩkwa bakayigusa omo mĩbĩrĩ yʼabandi.