Luka 16:23 - AMASAKO ABOYTRTRE WA NYAMUHANGA AWAKAHULAWA MO BIBLIA

²³ Ekũlĩmũ omundu wʼebindu mwabya akagalwa, neryo mwasumba ameso wuwe mwalangira Abrahamũ ehali, na Lazaro iniane oko kĩkũba kiwe.

Nouveau Testament et Psaumes en Ndandi Version 1962

²³ nomo kurimu, iniakagalawa, mwasumba ameso wuwe, mwalangira Abrahamu hali na Lazaro oko kikuba kiwe.

Luka 16:23 Iomraidhean Croise

Esyonyimbo 16:10

Kusangwa sĩwendĩsyasĩga ekĩrĩmũ kyage omo Kũlĩmũ, Kandi siwendisyaleka Omũbũyĩrĩre wawe akalola okwʼihonda.

Esyonyimbo 49:15

Nĩkwa Nyamuhanga asyanyĩlamya, Asyanyĩkokya erĩnyĩlũsya oko maka wʼoluholo.

Esyonyimbo 86:13

Olwanzo lwawe olutyusa busana nage ni lungi! Wabĩrĩnyĩlamya omo Kũlĩmũ mo hali.

Esyonyimbo 9:17

Ababi basyasuba omo Kũlĩmũ, Nʼebihanda byosĩ ebikibirirawa Nyamuhanga.

Emĩsyo 15:24

Oko bʼamenge enzira yʼengebe ikahetuka, Iniaminya erĩlũa omo Kũlĩmũ eyĩkwa.

Emĩsyo 5:5

Ebisando biwe bikandagalira oko luholo; Nʼebika biwe bikahambana nʼeKũlĩmũ;

Emĩsyo 7:27

Enyũmba yiwe ni nzira ikaya eKũlĩmũ, Yandagalĩre oko syongonde syʼoluholo.

Emĩsyo 9:18

Nĩkwa sĩasĩ abaholĩ ko baliyo; Nʼabagenĩ buwe ko bali omo mirindi yʼeKũlĩmũ.

Ĩsaya 14:15

Nĩkwa wasyandagalĩbwa erĩhĩka eKũlĩmũ, oko mbande syʼendũlĩ syʼobuhya.

Ĩsaya 14:9

Ekũlĩmũ, ikakutsemera, erĩhĩndana nawe okwʼĩhĩka lyawe; ĩkahanganaya ebĩrĩmũ byʼabaholĩ busana nawe, abasondolĩ bosĩ bʼekihugo, ĩkahanganaya abami bosĩ bʼebihanda, oko bĩtũmbĩ byabo byʼobwami.

Matayo 11:23

Nawe Kapernaũmũ! Wabya wanzĩre erĩhamĩbwa elubula kwehĩ? Wasyaguswa omo Lĩfero. Kusangwa kumbe ebitiko-tiko ebyakolawa omo katĩkatĩ kenyũ, byalikolawa eSodomo, eSodomo ngʼikineho erĩhĩka na lino.

Matayo 18:9

Kandi erĩso lyawe lyamaleka ukatswa, ukuleryo, uguseryo; lyowene ndeke busana nawe eriingira omo ngebe nʼerĩso liguma kwilaba eriguswa omo Kũlĩmũ yʼomuliro nʼameso abiri.

Matayo 23:33

Ĩywe nzoka, ĩnywe bana bʼesyonzoka! Mwasyabala muti olubanza lwʼomuliro wʼeKũlĩmũ.

Matayo 5:22

Nĩkwa ngababwira nyiti oyukahitana uku mugala wabo asyaletwa embere wʼomũtswerĩ, kandi oyũkabũga na mugala wabo ati, uwe mbulamugaso; asyabya nʼomusango embere wʼerĩbũgĩro lyʼabatswerĩ; nʼoyũkabũga ati, Uwe mũkĩrũ! Asyabya nʼomusango wʼeriya omo muliro wʼeKũlĩmũ.

Matayo 5:29

Nʼerĩso lyawe lyʼamali lyamaleka iwakola ebibi, ukuleryo, uguseryo! Kusangwa lyowene ukʼuwe ekĩtsũko kiguma kyʼomubiri wawe ikyahera kwilaba omubiri wawe gosĩ eriguswa eKũlĩmũ.

Matayo 8:29

Neryo lebaya, abandu abo mobalaka bati, Tuli na mwatsi wahi nawe, uwe Mugala wa Nyamuhanga, kwehĩ? Ũkahĩka hano erĩtwagalya embere wʼomugulu kwehĩ?

Luka 16:24

Neryo omundu wʼebindu mwabirikira kutsibu ati, Tata Abrahamũ! unyiganyire, Utume Lazaro ahĩre omutwe-mutwe wʼomunwe wuwe omo magetsi aholokaye olulimi lwage, kusangwa ngagalawa omo kirimi ekĩ kyʼomuliro.

Luka 16:28

eyo ngwite abagala betu batanu, abwirebo ahanebo, bakasyasyahĩka hano ahali eriagalwa.

Luka 8:28

Abere alola uku Yesu, neryo mwalaka, mwawa ahisi embere siwe, neryo mwabũga nʼomulenge munene ati, indi nʼomwatsi wahi nawe, uwe Yesu, Mugala wa Nyamuhanga Wʼendata Kutsibu, ngakulemba-lemba nyiti sũnyagalaye.

1 AbanyaKorinto 15:55

Uwe luholo, erĩkĩnda lyawe liri hahi kwehĩ? Uwe luholo, eritsimita lyawe lirihi kwehĩ?

2 Petero 2:4

Kusangwa Nyamuhanga mwatabalya abamalaĩka abakola ebibi, nĩkwa mwagusabo omo lĩfero eyo bakabikawa omo mahulula nʼomo mwĩrĩmya, eririndirira ekiro kyʼeritswera.

Eribisurirwa 20:10

Neryo Dĩabolo oyo watebabo mwaguswa omo ngetsi yʼomuliro nʼobũsĩngo, aho enyama eyo nʼomũmĩnyererĩ wʼamabehĩ bagusawa; basyagalwa omo musibo nʼomo kiro kera na kera.