Luka 15:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Omugulu akabanayo, akatsema, ĩnĩahĩrayo oko bitigo biwe,

Nouveau Testament et Psaumes en Ndandi Version 1962

⁵ Neryo amabi banayo, iniahirayo oko bitigo biwe, inianemotsema.

Luka 15:5 Iomraidhean Croise

Ĩsaya 62:12

Nabo basyahulabo mo kihanda kĩbũyĩrĩre, Abatongolĩbawa bʼOmwami Mukulu. Nawe wasyahulwa mo, Oyo Wasonda-sondĩbawa, Omũyĩ owatesĩganĩbawa.

Ĩsaya 62:5

Kusangwa ngoko omũlwana akaherũkaya omumbesa, litya abagala bawe ko basyakũhĩkya batya. Kandi ngoko ĩba wʼomũherũkĩ akatsemera Omũherũkĩ, Nyamuhanga kwʼasyakutsemera atya.

Ĩsaya 63:9

Omo malĩge wabo gosĩ naye mwagalwa, nʼomũlaĩka wʼembere siwe mwalamyabo. Mwatongolyabo omo lwanzo luwe nʼerisasira liwe. Kandi mwatelulabo, mwahekabo ebiro byosĩ bya kera.

Ezekĩelĩ 18:23

Omukama Iye Omwami Mukulu ati, Ngatsema busana nʼoluholo lwʼababi kwehĩ? Nĩkwa kumbe angabũnũkala akalũa omo syonzira siwe, iniabyaho.

Ezekĩelĩ 33:11

Ubwirebo uti, Omukama Iye Omwami Mukulu ati, Ngoko nyiriho! Sinditsemera oluholo lwʼababi, nĩkwa nyiti, kumbe ababi bakaleka enzira yabo babyeho. Mũbũnũkale, mũbũnũkale muleke esyonzira syenyũ nyibi! Busana nakĩ uwe kihanda kya Ĩsraelĩ, ukasonda erihola kwehĩ?

Mĩka 5:4

Naye asyahangana, asyalĩsya ekihangulo kiwe omo maka wʼOmwami Mukulu, omo lukengerwa lwʼerĩna lyʼOmwami Mukulu Nyamuhanga wuwe. Nabo basyĩkalaho; kusangwa oko mugulu oyo asyabya mukulu erĩhĩka oko syondũlĩ syʼekihugo.

Mĩka 7:18

Nindi yo Nyamuhanga nga we, oyukabuyira ebibi, nʼerikiruka okwʼihona lyʼamasĩgalira wʼabandu buwe kwehĩ? Sialibika erihitana liwe kera na kera, kusangwa akatsemera obubuya bʼolwanzo.

Zefania 3:17

Omwami Mukulu Nyamuhanga wawe ali omo katĩkatĩ kawe, omũlwĩ Oyũkakinda. Asyakutsemera nʼobutseme; asyabasũbya mo bahya-bahya omo lwanzo luwe; asyakutsemera nʼeriimba.

Luka 15:32

Nĩkwa lĩwe litolere itwalya nʼeritsema, kusangwa mugala wenyũ oyũ abya aholĩre na lino aneho, kandi abya ĩnĩaherĩre, neryo lino abiribanika.

Luka 15:4

Omundu ũkwʼĩnywe amabya awite esyombũlĩ ĩgana, amatalya enguma, akakolakĩ, kwehĩ? Akasĩganaya esyombũlĩ amakũmĩ mwenda nʼomwenda omo mbwarara, akayakwamirira embũlĩ eyitere erĩhĩka aho asyabanirayo.

Luka 15:6

nʼeritwalayo eka wuwe. Neryo akabirikira bĩra buwe nʼabalĩkyabo haguma, iniabwirabo ati, Mutseme haguma nage, kusangwa namabana embũlĩ yage eyĩlwe yitere!

Luka 19:9

Neryo Yesu mwamubwira ati, Mũnabwĩre erilama lyamahĩka omo nyũmba eyĩ, kusangwa naye ni mwana wa Abrahamũ.

Luka 23:43

Neryo Yesu mwamubwira ati, Kwenene ngabũga nawe; mũnabwĩre Ukandibya haguma nage omo Paradĩso.

Yoane 15:11

Nabiribabwira emyatsi eyĩ, obutseme bwage bubye omo mitima yenyũ, kandi obutseme bwenyũ bũhĩkane.

AbanyaEfeso 2:10

Kusangwa Nyamuhanga atubumba, nʼerĩtũmatĩkanĩa na Kristo Yesu, abirituhangika ati tukole emĩbĩrĩ yowene eyo akokotaya kera, ati tubye tukakolayo.

AbanyaEfeso 3:7

Nyamuhanga omo lũsũnzo lwʼolukogo luwe mwanyĩhĩra mo mugombe wʼerĩtũla Engulu Yowene. Kandi mwambalo omo bũtokĩ buwe bunene.

1 AbanyaTesalonika 1:5

Neryo motwabaletera Engulu Yowene, butsira omo bĩnywa bisa, nĩkwa omo maka, nʼomo Mũlĩmũ Abũyĩrĩre, nʼerĩsĩngana lyʼomwatsi wʼekwenene. Mũnasĩ emikolere yetu omo katĩkatĩ kenyũ; ngoko twakola busana nʼerĩbawatĩkya.

2 Timoteo 2:26

Neryo basyaswabana obũlengekanĩa bowene nʼeribala ekitego kya Dĩabolo, oyukahambabo busana nʼerikola erisonda lyayo.

AbaEbrania 12:2

Neryo tũhĩre ameso wetu uku Yesu oyukatuleta okwʼĩkĩrĩrya nʼoyũkaberererayalyo. Kusangwa Yesu mwayĩyĩnĩa oko musalaba, abya asĩ obutseme obwasyabya buwe, kandi mwatalebya esĩsonĩ syago nga kindu. Lino ĩkere oko luhande lwʼamali lwʼekĩtũmbĩ kyʼobwami kya Nyamuhanga.

1 Petero 1:5

Emĩyĩsa eyo ni busana nenyũ abakateyĩbawa omo maka wa Nyamuhanga busana nʼerĩkĩrĩrya lyenyũ, imukalindirira erilama eryo likandisyabĩsũlwa oko mugulu wʼenyũma-nyũma.