Luka 13:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Omũkalĩ abyaho oyo wabya kwʼekĩrĩmũ kibi ekyamũlwalaya emyaka erĩkũmĩ nʼomunani. Omũkalĩ oyo abya akondomĩre isialitoka erĩũnamukala.

Nouveau Testament et Psaumes en Ndandi Version 1962

¹¹ Neryo lebaya habya omukali abya alwere ekirimu kyendwala emituta erikumi nomunani; iniako ndomire isiaritoka eriunamuka.

Luka 13:11 Iomraidhean Croise

Yobũ 2:7

Neryo Satanĩ moyalũa ahali Omwami Mukulu, moyaswĩrya Yobũ nʼebimata bibi erĩtsũka omo bulyatiro bwʼebisando biwe erĩhĩka aho kahũlĩhũlĩ kʼomutwe wuwe.

Esyonyimbo 145:14

Omwami Mukulu akawatĩkaya abosĩ abali omo bũlĩge; Akasumba abosĩ ababĩrĩkehĩbwa.

Esyonyimbo 146:8

Omwami Mukulu akaha erilangira oko syondĩma-time. Omwami Mukulu akasumba abosĩ abakakehĩbawa; Omwami Mukulu anzĩre abandu buwe abatunganene.

Esyonyimbo 38:6

Namũnama, ngagalawa kutsibu, Ngalira omo musibo gosĩ.

Esyonyimbo 42:5

Nyĩkwĩre obũlĩge busana nakĩ kwehĩ? Busana nakĩ ngaganga-ganga kwehĩ? Ngandĩhĩra uku Nyamuhanga kwʼamaha, kandi ngandimupipa, Iye Omũlamya wage na Nyamuhanga wage.

Esyonyimbo 6:2

Uwe Mwami Mukulu, unyiganyire kusangwa namuma, Uwe Mwami Mukulu, ũnyĩlamaye, kusangwa ngahwa.

Matayo 4:23

Kandi Yesu mwatĩmba eGalĩlaya hosĩ, erĩkangĩrĩrya omo manyũmba wabo wʼerĩhĩndanamo, nʼerĩtũlaganĩa Engulu Yowene yʼobwami, nʼerĩlamya abandu bʼobuli mũsĩndo wʼendwala, nʼobuli mũsĩndo wʼobũkonĩ omo katĩkatĩ kʼabandu.

Mariko 9:21

Neryo Yesu mwabũlya ĩse wʼomũlwana oyo ati, Amatabya atya oko biro bingahi kwehĩ? Naye mwamũsũbĩrya ati, Kyamũtsũka iniakine mulere.

Luka 13:12

Yesu abere amulolako, mwamubirikira ati, Mũkalĩ, wamaboholwa kwʼendwala yawe!

Luka 13:16

Nʼomũkalĩ oyo, mwali wa Abrahamũ, oyo eSatanĩ yaboha emyaka erĩkũmĩ nʼomunani, siritolere akaboholwa omo mũlĩkĩ oyũ, oko kiro kyʼeSabato kwehĩ?

Luka 21:28

Nĩkwa omugulu emyatsi eyĩ ĩkatsũka erĩhĩka, muhangane, musumbe emitwe yenyũ, kusangwa erĩtongolĩbwa lyenyũ lĩkahĩka hakũhĩ.

Luka 8:2

nʼabakalĩ nibya abalamĩbawa kwʼebĩrĩmũ bibi nʼesyondwala. Ye Marĩa oyukahulawa mo Magdalene, oyo walũsĩbawa kwʼesyombĩnga sirinda,

Luka 8:27

Neryo Yesu abere ahĩka oko mũsĩke wʼengetsi oko kitaka, omundu muguma mwahĩndana naye ĩnĩakalũa omo mũyĩ. Omundu oyo abya kwʼesyombinga, kandi isialiambala esyongimba oko biro binene, ĩsĩalĩkala omo nyũmba, nĩkwa omo katĩkatĩ kʼesisinda,

Luka 8:43

Neryo omũkalĩ muguma abyaho oyo wabya akwĩre obũkonĩ bwʼerĩlũsya omusasi oko myaka ĩkũmĩ nʼĩbĩrĩ. Kandi abya iniabiribugira ebindu biwe byosĩ oko banganga, kandi sihabya mundu watoka erĩmũlamya.

Emibiri 3:2

Neryo oko lũkyo lwʼeHekalũ olukahulawa mo Lubuya habya amundu oyo wabutawa inina kirema. Obuli kiro babya bakahekera omundu oyo yʼoko lũkyo olo busana nʼerĩsabĩrĩrya ebindu oko bandu ababya bakingira omo Hekalũ.

Emibiri 4:22

Kandi omundu oyo walamĩbawa omo kitiko-tiko ekyo abya wʼemyaka eyĩlabĩre amakũmĩ ani.