Luka 12:42 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴² Neryo Omukama mwasũbĩrya ati, Omwĩmanĩrĩ oyuteregula owʼamenge nindi kwehĩ? Ni mundu oyo mukama wuwe asyamũhĩra erĩrebya abagombe buwe, erihabo erĩgabo lyabo lyʼakalyo oko mugulu atolere.

Nouveau Testament et Psaumes en Ndandi Version 1962

⁴² OMukama mwabuga ati, Nindi yo mwimaniri oyu tebirirawa owamenge kwehi? omu kama wuwe asyamuhira erisuga abandu buwe, nerihabo akalengi kakaryo oko ndambi itolere.

Luka 12:42 Iomraidhean Croise

AbaEbrania 13:17

Mowe abakabasondola, kandi mukole ebyo bakababwira. Bakategaya emitima yenyũ, ngʼabandu abakandĩsyakanganĩa Nyamuhanga ebyo bakola. Neryo bakole batya nʼobutseme butsira obũlĩge. Bamakola nʼobũlĩge sibwendibaletera ndũndĩ.

AbaEbrania 13:7

Mwibuke abasondolĩ benyũ, ababaletera ekĩnywa kya Nyamuhanga. Kandi mwibuke emigendere yabo nʼebyo bakola, mũgerereraye erĩkĩrĩrya lyabo.

2 Timoteo 4:2

Ũtũle Engulu Yowene yiwe, kandi uhatikane erĩtũlayo omo migulu yosĩ, oko mugulu mubi, kutse oko mugulu owene. Ũmĩnyĩsaye abandu bo ndeke, ukungebo, Ũsĩkaye emitima yabo, nʼerĩkangĩrĩryabo nʼeriyibombeka ndeke.

1 Timoteo 5:17

Abakulu abakasondola ndeke baganzawe ngʼabatolere erihembwa kabiri. Kandi kwilaba aho, abakulu abakakola kutsibu omo mũbĩrĩ wʼerĩtũla Engulu Yowene, nʼerĩkangĩrĩrya bandu.

1 Petero 4:10

Obuli mundu abirihabwa olũsũnzo lwʼomũsĩndo olũkalũa uku Nyamuhanga. Mukolerane omo lũsũnzo olo, ngʼabateya bʼolũsũnzo mĩsĩndomĩsĩndo Nyamuhanga akatuha.

Tito 1:7

Kusangwa omukulu Oyukasondola omũbĩrĩ wa Nyamuhanga, litolere iniabya butsira kahinira. Siabye oyukayiheka, kutse oyukahitana lũba, kutse eribya mũkũndĩrya, kutse wʼomwaga, kutse oyuli nʼomwĩso.

Emibiri 20:28

Mũyĩtegaye ĩnywebene, kandi mũtegaye ekĩhyo kyosĩ, ekyo Mũlĩmũ Abũyĩrĩre abiribayira eribya balangĩrĩ. Mubye balĩsya bʼekanĩsa ya Nyamuhanga eyo agula omo musasi wuwe ĩyowene-wene.

Matayo 20:8

Neryo erĩgolo-golo lyabere ryahĩka, Omwenye eririma lyʼebĩnyũ mwabwira omwĩmanĩrĩ wuwe ati, Ubirikire abahĩngĩ Ulihebo obũhĩngĩ bwabo erĩtsũka oko bʼenyũma ũhĩke oko batsũka.

Ezekĩelĩ 34:3

Ĩnywe mukalya ebĩsabũ, imwambala obweya, ĩmwasĩnza esĩnenehĩre, nĩkwa ĩsĩmwelĩsaya ekihangulo.

Ĩsaya 50:4

Omukama Omwami Mukulu abirinyiha olulimi lwʼomwiga, inabana eriminya erĩsĩkya oyukaluha omo kĩnywa. Akanyĩbũkaya obuli ngyakya akabũkaya okũtũ kwage erihulikirira ngʼomwiga.

Emĩsyo 15:23

Omundu akatsema omwʼĩsũbĩrya lyʼobuno buwe; Nʼekĩnywa omo mugulu owene ni kibuya kingahi!

AbaEbrania 3:5

Neryo Musa abya butsira eriregula ngʼomugombe omo nyũmba yosĩ ya Nyamuhanga; Musa mwatũla emyatsi eyo Nyamuhanga akasyabũga enyũma.

1 Timoteo 3:15

Nĩkwa namamala ndambĩ, ngakusakira iwatoka eriminya ngoko abandu bangayĩtondekanĩa omo kĩtũnga kya Nyamuhanga, ekiri ekanĩsa ya Nyamuhanga oyuliho. Ekanĩsa eyo nĩ ndũyĩ nʼeyĩkasĩkaya omwatsi wʼekwenene.

Luka 7:13

Neryo mugulu Omukama amulolako, mwamuganyira, mwamubwira ati, Sulire.

Matayo 13:52

Neryo Yesu mwabwirabo ati, Neryo obuli mũkangĩrĩrya wʼEmigambo oyo wabiribya mwiga wʼobwami bwʼelubula ali ngʼomwenye nyũmba, oyũkahũlũkaya ebindu ebyo abika, ebindu bihya-bihya nʼebindu bikulu-kulu.

Yeremĩa 23:4

Omwami Mukulu ati, Nasyahĩra kusyo kwʼabalĩsya, abakandĩsyalĩsyasyo. Nasyo sisiendisyubaha kandi, kutse erĩkwa engitsi, isisyendisyabulako nʼenguma.

Emĩsyo 27:18

Oyukalimira omuti wʼomũtĩnĩ asyalya ebĩgũma byago; Nʼoyũkasĩkaya Omwami Mukulu wuwe asyasĩkĩbwa.

Emĩsyo 31:15

Akabuka ibukine kiro, Nʼeriha abʼenyũmba yiwe akalyo. Nʼeriha abagombe buwe bʼobũkalĩ omũbĩrĩ wabo.

Luka 7:19

Neryo Yoane mwabirikira abiga buwe babiri, mwatumabo oko Mukama ati, Nina we oyukasa, kutse tulindirire gundi kwehĩ?

Luka 12:43

Obutseme buli oko mugombe oyo mukama wuwe amamweya akakola atya omugulu akahĩka eka!

Erĩlũayo 36:4

Nʼabandu bosĩ bʼamenge abakola omũbĩrĩ wʼahabũyĩrĩre, obuli mundu mwalũa oko mũbĩrĩ wuwe owabya akakola.

Emĩsyo 12:8

Omundu asyasĩkĩbwa ngʼamenge wuwe kwʼali; Nĩkwa owʼomutima wʼepono asyagananwa.