Luka 11:42 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴² Nĩkwa obũlĩge kwĩnywe Bafarĩsayo! Kusangwa mukaha Nyamuhanga ekiguma kyʼomwʼĩkũmĩ kya munanaa, nʼomũchĩcha, nʼesindi nyenyĩ syosĩ, nĩkwa ĩmũkasĩganaya erĩbanza nʼerianza Nyamuhanga. Kumbe mukakola ebĩ nʼerĩtendĩsĩganĩa ebindi.

Nouveau Testament et Psaumes en Ndandi Version 1962

⁴² Nikwa obuhanya kwi nywe abaFarisayo! Kusangwa mukaleta ekiguma kyerikumi kyamunanaa na muchicha nesindi nyenyi syosi, imukasiga eritunganene nerianza Mungu; ebi mutolere erikolabyo, neri tindasiga ebindi ebyo.

Luka 11:42 Iomraidhean Croise

Nehemĩa 10:37

Kandi twangaleta Obuyilula bwʼeyisyano yetu nʼamahere wetu wʼerisumbwa, nʼebĩgũma byʼemiti yʼemĩsĩndo yosĩ, ebĩnyũ bihya-bihya nʼamagũta, oko bahererĩ, oko syongonde syʼenyũmba ya Nyamuhanga wetu; nʼekiguma kyʼerĩkũmĩ kyʼekitaka kyetu oko Balawĩ; kusangwa Abalawĩ bakangirira ekiguma kyʼerĩkũmĩ omo mĩyĩ yosĩ yetu yʼokolĩ.

Emĩsyo 21:3

Erikola eritunganene nʼekwenene. Bĩkalĩgawa nʼOmwami Mukulu kwilaba ehongo.

Omũgambũlĩ 7:18

Lyowene iwahamba omwatsi muguma, kandi sũlwĩke ekindi, kusangwa oyukubaha Nyamuhanga akahuluka nʼebyosĩ bibiri.

Mĩka 6:8

Uwe mundu, abĩrĩkũkangya kihi kyo kibuya; Omwami Mukulu akakusonda ko kihi kwehĩ, lye nʼerikola erĩbanza litunganene, nʼerianza obwenge, nʼerirendera na Nyamuhanga wawe nʼerĩyĩkehya.

Malakĩ 1:6

Omugala akasĩkaya tata wuwe, nʼomugombe akasĩkaya omukama wuwe. Neryo namabya indi tata, erĩsĩkĩbwa lyage liri hahi kwehĩ? Kandi namabya indi mukama, erinyikenga liri hahi kwe­hĩ? Omwami Mukulu Wʼemilondo akabũga nʼĩnywe bahererĩ abakapona erĩna lyage, Nenyũ muti, Tukapona erĩna lyawe umu kyahi kwehĩ?

Malakĩ 2:17

Mwabĩrĩlũhya Omwami Mukulu omo bĩnywa byenyũ. Nĩkwa mũkabũga muti, Twamamũlũhya ũmũkĩ kwehĩ? ĩmũkabũga muti, Obuli mundu ukakola ebibi ni mubuya omo meso wʼOmwami Mukulu, kandi muti akatsemerabyo; kutse Nyamuhanga wʼerĩbanza litunganene ali hahi kwehĩ?

Malakĩ 3:8

Ko mundu anganĩba uku Nyamuhanga kwehĩ? Nĩkwa ĩnywe mũkanyĩbako. Nĩkwa ĩnywe mũkabũga muti, Twabĩrĩkwĩbako tuti kwehĩ? Omo bihande byʼomwʼĩkũmĩ nʼomwʼĩhĩtya.

Matayo 23:13

Nĩkwa obũlĩge kwĩnywe, abakangĩrĩrya bʼEmigambo nʼAbafarĩsayo, abatebya! Kusangwa mukakingira Obwami bwʼelubula bwʼabandu, kusangwa nenyũ simuliingiramo, kandi sĩmwerĩga bandu abakasonda eriingira, eriyamo. [

Matayo 23:23

Obũlĩge kwĩnywe bakangĩrĩrya bʼEmigambo, nʼAbafarĩsayo, abatebya! Kusangwa mukaha Nyamuhanga ekiguma kyʼomwʼĩkũmĩ kyʼesyonyenyĩ syʼemunanaa, na bĩzarĩ, na jĩra, kandi mwabirireka emyatsi mikulu kwʼaho yʼEmigambo ngʼerĩbanza, nʼeriganyira, nʼeritendiregula. Kumbe mwabirikola emyatsi eyĩ nʼerĩtendĩsĩganĩa ebindi ebyo.

Matayo 23:27

Obũlĩge kwĩnywe bakangĩrĩrya bʼEmigambo nʼAbafarĩsayo, abatebya! Kusangwa muli ngʼesisinda esĩhakabĩrye embemba, esikaminyikala eyĩhya mo nyibuya, nĩkwa omwisi wasyo moswĩre amakũha wʼabaholĩ nʼesyonye syosĩ.

Luka 18:12

Ngatsira akalyo ko ngendo ĩbĩrĩ obuli yenga; kandi ngaha ekiguma kyʼerĩkũmĩ omo byosĩ ngatunda.

Yoane 5:42

Nĩkwa nyĩbasĩ; simuwite olwanzo lwa Nyamuhanga omo mitima yenyũ.

1 Yoane 4:20

Omundu amabũga ati, Nyanzĩre Nyamuhanga, ĩnĩakakwa mũlĩkyabo yʼobusu ini mũbehĩ. Kusangwa Oyũtanzĩre mũlĩkyabo oyo abirilolako, siangatoka erianza Nyamuhanga oyo ate atalolako.

1 Samwelĩ 15:22

Neryo Samwelĩ mwabũga ati, Ko Mwami Mukulu asĩmĩre amahere wʼerĩokererya nʼamahere ngʼerikenga omulenge wʼOmwami Mukulu kwehĩ? Lebaya, erĩowa lyowene kwilaba amahere, nʼerihulikirira lĩlabĩre ebĩsabũ byʼesyombangale.