Luka 11:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Utubuyire ebibi byetu, Kusangwa netu tukabuyira obuli mundu oyukatukola nabi. Sigututwale omwʼirengwako.

Nouveau Testament et Psaumes en Ndandi Version 1962

⁴ utubuyire ebibi byetu; kusangwa netu tukabuyira oburi mundu oyuri komwinda wetu; kandi sutulete omwilengwako.

Luka 11:4 Iomraidhean Croise

Enzũko 48:16

Omũlaĩka oyo wanyĩtongolaya kwʼebibi byosĩ, atsumule abalwana aba. Erĩna lyage lyahulawe kubo, nʼerĩna lyʼabotata wage Abrahamũ na Ĩsaka. Bakanye eribya bangi omo kihugo.

1 Abami 8:34

neryo gowe omo lubula, ubuyire ebibi byʼabandu bawe Ĩsraelĩ, iwaswaletabo omo kihugo ekyo waha abotata wabo.

1 Abami 8:36

neryo gowe elubula, ubuyire ebibi byʼabagombe bawe, nʼebyʼabandu bawe Abaĩsraelĩ, omugulu Akakangĩrĩrayabo enzira yowene eyo bangalenderamo; nʼerituma embũla oko kihugo kyawe, ekyo wabiriha bandu bawe eribya mwandu.

Esyonyimbo 121:7

Omwami Mukulu asyakuhanganira omo bwĩko bosĩ; Asyakũteya buholo.

Esyonyimbo 25:11

Uwe Mwami Mukulu, busana nʼerĩna lyawe, Ubuyire ebibi byage, kusangwa ni bingi.

Esyonyimbo 25:18

Ũlebaye amalĩge wage nʼamagalĩ wage, Kandi ubuyire ebibi byage byosĩ!

Danĩelĩ 9:19

Uwe Mukama, wowe; uwe Mukama, ubuyire; uwe Mukama, uhulikirire, Ukole! Busana nʼomwatsi wawe wowene siwamale, uwe Nyamuhanga wage, kusangwa omũyĩ wawe, nʼabandu bawe bakahulawa omo lĩna lyawe!

Hosea 14:2

Hambana nʼebĩnywa, usube oko Mwami Mukulu; umubwire uti, Ũlũsaye ebibi byosĩ, ũtũkokaye nʼolukogo, litya tutoke erireta ebĩnywa byʼemĩnywa yetu.

Matayo 18:35

Neryo Yesu mwabũga ati, Tata wage oyuli omo lubula asyabakola atya mwamatindabuyira obuli mundu mũlĩkyabo omo mitima yenyũ.

Matayo 26:41

Mubye mukasaba nʼerĩteya, isimwingira omwʼirengwako; omutima akalĩga, nĩkwa omubiri ni molo.

Luka 11:5

Neryo Yesu mwabwira abiga buwe ati, Nindi kwĩnywe amabya nʼomwĩra wuwe, neryo akaya ewuwe omo katĩkanene, akamubwira ati, Mwĩra unyibweke mandu asatu.

Luka 13:4

Kutse mũkaganĩraya muti abandu erĩkũmĩ nʼomunani eSĩloamũ abatererawako nʼenyũmba eyĩsũngũlĩkĩre, abahola, muti babya babi kwilaba abandu bosĩ abĩkere eYerũsalema kwehĩ?

Luka 22:46

Neryo mwabwirabo ati, Busana nakĩ mukayato kwehĩ? Muhangane, musabe isimwingira omwʼirengwako.

Luka 8:13

Esyombuto esyatogera oko kitaka kyʼamabwe ba bandu abakowa ekĩnywa nʼeriangirirakyo nʼobutseme. Nĩkwa ekĩnywa ekyo sikiribana emĩrĩhĩ; bakĩkĩrĩraya katambĩ kake, neryo oko mugulu wʼerirengwako, bakatswa.

Yoane 17:15

Sĩndĩkũbũlaya nyiti, Ũlũsayebo omo kihugo, nĩkwa ngakũbũlaya nyiti, Ũtegayebo oko Mubi.

1 AbanyaKorinto 10:13

Erirengwako eryo lĩkabahĩkako lye nʼeryo lyo lĩkanahĩka oko bandi bandu; Nyamuhanga sialiregula, siendĩsyalĩga mukalengwako kwilaba amaka wenyũ; nĩkwa omwʼirengwako eryo asyabaha amaka wʼerĩyĩyĩnĩa, nʼenzira yʼeribala.

AbanyaKolosai 3:13

Neryo muganyirane, mubuyirane omugulu omundu awite omwatsi oko gundi. Ngoko Mukama ababuyira, nenyũ ko mwangabuyira abandi bo mutya.

2 AbanyaTesalonika 3:3

Nĩkwa Omukama sialiregula, kandi asyabasĩkya nʼerĩbateya oko Mubi Oyo.

2 Timoteo 4:18

Neryo Omukama asyanyĩlamya kwʼekibi kyosĩ, nʼerinyitwala buholo omo Bwami buwe bwʼelubula. Neryo olukengerwa lubye ukwʼiye busana na kera na kera. Amina.

Yakobo 2:13

Kusangwa Nyamuhanga siendisyaganyira omundu oyukagana eriganyira ogundi. Nĩkwa eriganyira lĩkakĩnda eritswera.

Eribisurirwa 2:10

Sigubahe ebĩkandĩsyakwagalya. Lebaya! Satanĩ ikasonda erigusa abandi bʼũkwʼĩnywe bʼomo mũlĩkĩ, mulengaweko, kandi mwasyagalwa ebiro ĩkũmĩ. Ubye nʼobutalegula erĩhĩka oko luholo, nage nasyakuha embĩta yʼengebe.

Eribisurirwa 3:10

Kusangwa wabĩrĩteya ekĩnywa kyʼeriyitsingirira lyage, nage nasyakũteya oko ndambĩ yʼerirengwako, kandi nasyakũteya nibya oko ndambĩ eyikandisyasa oko kihugo kyosĩ, erirenga bandu bosĩ abĩkere omo kihugo.