Luka 11:34 - AMASAKO ABOYTRTRE WA NYAMUHANGA AWAKAHULAWA MO BIBLIA

³⁴ Etala yʼomubiri rye rĩso. Omugulu erĩso lyawe likalangira, omubiri wawe gosĩ akũsũla nʼekyakakala; nĩkwa erĩso lyawe lyamabya libi, omubiri wawe akũsũla mʼomwĩrĩmya.

Nouveau Testament et Psaumes en Ndandi Version 1962

³⁴ Eriso ryawe ni luseke lwomubiri wawe; eriso ryawe ryamabya ryowene, omubiri wawe gosi inioswire nekya kakala; nikwa ryamabya ni ribi, omubiri wawe inioswire nomwirimya.

Luka 11:34 Iomraidhean Croise

Enzũko 19:11

Neryo mobaswĩrya abalume abo ababya oko lũyĩ lwʼenyũmba eriyirabo mo ndĩmatĩme, abalere nʼabakulu, kyaleka ibaluha erĩsondya Olũyĩ.

Esyonyimbo 119:18

Ũlĩbũle ameso wage, inatoka erilangira, Emyatsi yʼekwenene yʼeriswekera eyiri omo migambo yawe.

Esyonyimbo 81:12

Kyaleka inahabo erikwama esyonzira syabo esĩkalĩre, Nʼerikola ngoko banzĩre.

Emĩsyo 21:4

Ameso mali-mali nʼomutima wʼeriyiheka, Etala yʼababi, ni kibi.

Emĩsyo 28:22

Oyuwite erĩso libi akanguha eribana ebindu, Ĩsĩasĩ ngoko bwaga bwasyamũhĩkako.

Ĩsaya 29:10

Kusangwa Omwami Mukulu abĩrĩbũtũlĩrako ekĩrĩmũ kyʼotũgotserĩ tunene, kandi abĩrĩrĩba ameso wenyũ, bo bamĩnyererĩ; kandi abiriswika emitwe yenyũ, bo bahanĩ.

Ĩsaya 42:19

Nindi yo ndĩmatĩme, si yo mugombe wage kwehĩ? Kutse si yo mutsiha mukwenda wage oyo ngatuma kwehĩ? Nindi yo ndĩmatĩme ngʼoyuli nʼobuholo haguma nage kutse endĩmatĩme nindi yute ngʼomugombe wʼOmwami Mukulu kwehĩ?

Ĩsaya 44:18

Sĩbasĩ, kutse sĩbeganĩraya, kusangwa abĩrĩhakabya ameso wabo, syatoke erilangira, nʼemitima yabo sibatoke eriminya.

Ĩsaya 5:20

Obũlĩge ukwʼabo abakahula ebibi mo bibuya, nʼebibuya, mo bibi; abakayira omwĩrĩmya mo kyakakala, nʼekyakakala mo mwĩrĩmya; abakahĩra ekĩkalĩhĩre mo kĩsĩhĩre, nʼekĩsĩhĩre mo kĩkalĩhĩre!

Ĩsaya 6:10

Uyire emitima yʼabandu aba mo mitsibu, kandi ũlĩtohaye amatwĩ wabo, kandi ũlĩbe ameso wabo; bakasyalangira nʼameso wabo, nʼerĩowa nʼamatwĩ wabo, nʼeriminya omo mitima yabo, nʼerinyibindukira, Nyamuhanga atya nabo ĩbalamĩbwa.

Yeremĩa 5:21

Muhulikirire ekĩ ĩnywe bandu bakĩrũ, abate nʼeriminya. Abawite ameso, isibelangira. Abawite amatwĩ, ĩsĩbalĩowa.

Mariko 4:12

Litya, Ibatoka erilangira, nĩkwa sĩbalangĩre, Ibatoka erĩowa kandi, nʼerĩowa sibaminye, Bakayabindukira Nyamuhanga, Naye iniabuyirabo.

Mariko 7:22

erirumwa, ebibi byosĩ, eriteba, esyongumbu nyibi, erĩso libi, eritsuma, emiyiheko, obũkĩrũ.

Mariko 8:18

Muwite ameso, simwelangira kwehĩ? Muwite amatwĩ, sĩmũlĩowa kwehĩ? Simulibuka,

Luka 11:35

Neryo mũtegaye ekyakakala ekiri omwisi wenyũ sikibye mwĩrĩmya.

Emibiri 13:11

Na lino lebaya! ebyala byʼomukama bikalwa nawe, Ukandibya ndĩmatĩme isiwendisyalangira ekyakakala oko katambĩ. Neryoneryo ekihohe nʼomwĩrĩmya mobyamubyako, neryo Elema mwalendera akamatamata oyo wangamuwatako oko byala erimusondola.

Emibiri 2:46

Kandi obuli kiro mobasiba bakahĩndana omo Hekalũ nʼomutima muguma. Neryo mobahĩka oko mesa yʼomukama omo buli nyũmba, ibakalira ebyalya byabo haguma-guma, nʼobutseme nʼomutima wʼerĩyĩkehya.

Emibiri 26:18

Ũkandisyalĩbũla ameso wabo, ibatoka eribinduka erĩlũa omo mwĩrĩmya nʼeribindukira ekyakakala, nʼeribinduka erĩlũa oko butabale bwʼeSatanĩ nʼeribindukira Nyamuhanga. Neryo busana nʼerĩnyĩkĩrĩrya babane eribuyirwa lyʼebibi, kandi babane omwanya omo katĩkatĩ kʼabandu abo Nyamuhanga abiriyisoga, nʼabo abirihigula.

2 AbanyaKorinto 1:12

Kusangwa tukayihalamba omo mwatsi oyũ: tuti Obunya-mutima bwetu bũkatũlago buti, tukayitwala omo kihugo, kandi omo katĩkatĩ kenyũ, omo myatsi mibuya nʼeyʼekwenene embere sya Nyamuhanga, kandi tukayitwala omo lukogo lwa Nyamuhanga butsira omo menge wʼabandu.

2 AbanyaKorinto 11:3

Nĩkwa ngubaha nyiti, Ngoko Eva atebĩbawa nʼamenge mabi wʼenzoka, kwʼamalengekanĩa wenyũ asyatsandĩbwa atya, imwaleka erikwama Kristo nʼolwanzo lwenyũ losĩ, nʼomutima wenyũ gosĩ.

2 AbanyaKorinto 4:4

Sĩbalĩkĩrĩraya kusangwa nyamuhanga mubi wʼekihugo kino abĩrĩrĩba ameso wʼobũlengekanĩa bwabo ati sibalangire ekyakakala kyʼEngulu Yowene eyʼolukengerwa lwa Kristo, oyuli kĩsosekanĩo kya Nyamuhanga.

AbanyaEfeso 1:17

Kandi ngasaba Nyamuhanga wʼOmukama wetu Yesu Kristo, iye Tata oyuwite olukengerwa, abahe omo Mũlĩmũ Abũyĩrĩre, amenge, nʼerĩbĩsũlĩra, imwatoka erimuminya ndeke-ndeke.

AbanyaEfeso 6:5

Abakobe, nenyũ mowe abakama benyũ, mukengebo haguma nʼerititimana nʼomutima owene, ngoko mwangakolera Kristo.

AbanyaKolosai 3:22

Abakobe, mowe abakama benyũ ba muna-kihugo omo myatsi yosĩ. Simukole kusangwa bakabasamalira, imuli ngʼabakatsemesaya abandu basa, nĩkwa mukole nʼomutima owene, imukakenga Omukama Yesu.