Luka 10:21 - AMASAKO ABOYTRTRE WA NYAMUHANGA AWAKAHULAWA MO BIBLIA

²¹ Oko ndambĩ eyo Yesu mwatsema kutsibu omo Mũlĩmũ Abũyĩrĩre ati, Ngakupipa uwe Tata, Omukama wʼelubula nʼowʼekihugo, wabĩrĩbĩsa emyatsi eyĩ oko bʼamenge nʼabanyima. Kandi Ega, Tata, kusangwa wabĩrĩbĩsũlĩrayo oko bana balere; ko byakũtsemesaya bitya omo meso wawe.

Nouveau Testament et Psaumes en Ndandi Version 1962

²¹ Noko ndambi eyo mwatsema omo Kirimu Kibuyirire mwabuga ati, Ngakuha ewasingya Tata, Mukama welubula ne kihugo, kusangwa wabiribisa emyatsi eyo oko bamenge naberiminya wabiribisulabyo oko bana balere; ega, Tata, ku sangwa erisonda ryawe ryolukogo ko ryabya ritya.

Luka 10:21 Iomraidhean Croise

Esyonyimbo 24:1

Ekihugo nʼebyosĩ ebiri mukyo ni byʼOmwami Mukulu, Ekihugo nʼabosĩ abĩkere mukyo ni biwe.

Esyonyimbo 25:14

Omwami Mukulu nĩ mwĩra wʼabandu abakamukenga, Kandi akakangĩrĩrayabo endagano yiwe.

Esyonyimbo 8:2

Omwʼipipa lyʼabana balere, nʼesyomekeke wabiriyira maka, Busana nʼesyonzĩgũ syawe, Iwatoka erĩbondererya esyonzĩgũ nʼomũkĩsya.

Ĩsaya 29:14

neryo, lebaya, ngandisyaswakola omũbĩrĩ wʼeriswekera omo katĩkatĩ kʼabandu aba, omũbĩrĩ wʼeriswekera ndeke. Amenge wʼabʼamenge ba banyima asyahera, nʼeriminya lyʼabanyima-nyima abakalangira lyasyabĩswa.

Ĩsaya 35:8

Enzira nene yasyabyayo, nʼembalu, nayo yasyahulwa mo mbalu yʼerĩbũyĩrĩre; abatsandĩre sibendisyalaba muyo. Nĩkwa yasyabya busana nʼabandu abakalabaho. Abandu bakĩrũ sibendisyagalaganda muyo.

Ĩsaya 53:11

Busana nʼeriagalwa lyʼomutima wuwe, asyalangira ekyakakala nʼerĩsĩma. Busana nʼamenge wuwe, Oyutunganene, omugombe wage, asyayira abangi mo batunganene, kandi asyaheka ebibi byabo.

Ĩsaya 62:5

Kusangwa ngoko omũlwana akaherũkaya omumbesa, litya abagala bawe ko basyakũhĩkya batya. Kandi ngoko ĩba wʼomũherũkĩ akatsemera Omũherũkĩ, Nyamuhanga kwʼasyakutsemera atya.

Ĩsaya 66:1

Omwami Mukulu ati, Olubula nĩ kĩtũmbĩ kyage kyʼobwami, nʼekihugo nĩ kĩtũmbĩ kyʼebisando byage. Enyũmba iri hahi eyo mwasyambĩmbĩra kwehĩ? Nʼaho nasyaluhukira ni hahi kwehĩ?

Zefania 3:17

Omwami Mukulu Nyamuhanga wawe ali omo katĩkatĩ kawe, omũlwĩ Oyũkakinda. Asyakutsemera nʼobutseme; asyabasũbya mo bahya-bahya omo lwanzo luwe; asyakutsemera nʼeriimba.

Matayo 16:17

Yesu mwamũsũbĩrya ati, Uli nʼobutseme, uwe Sĩmonĩ mugala wa Yona! Kusangwa sihali mundu wakũmĩnyĩsaya omwatsi oyũ, nĩkwa nina Tata wage oyuli elubula.

Matayo 21:16

Mobabwira Yesu bati, Wamowa ebyo aba bakabũga kwehĩ? Neryo Yesu mwabwirabo ati, Ega, nenyũ simwetasoma amasako ati, Wabĩrĩtegekania eripipa busana nawe erĩkalũa omo muno wʼabana nʼawʼesyomekeke kwehĩ?

Matayo 3:7

Neryo Yoane abere alangira Abafarĩsayo nʼAbasadũkayo bangi bakahĩka busana nʼerĩbatĩsĩbwa, mwabwirabo ati, Ĩnywe bana bʼesyonzoka, nindi wabahana erisaga erikarama erĩkandĩsyahĩka kwehĩ?

Mariko 10:15

Kwenene ngabũga nenyũ nyiti, Oyutiangirira Obwami bwa Nyamuhanga ngʼomwana mulere siendisyingira mubo nʼahake.

Luka 15:5

Omugulu akabanayo, akatsema, ĩnĩahĩrayo oko bitigo biwe,

Luka 15:9

Omugulu akabanalo, akabirikira abĩra buwe nʼabalĩkyabo ati, Mutseme haguma nage, kusangwa nabiribana olufranka olo natalaya!

Yoane 11:41

Neryo mobalũsyaho erĩbwe. Neryo Yesu mwasumba ameso wuwe ati, Tata, ngakuha ewasĩngya kusangwa wabya ũkanyowa.

2 AbanyaKorinto 4:3

Kandi Engulu Yowene yetu yamabya ĩbĩsamĩre, ĩkabĩsama busana nʼabandu abakatogota.

AbanyaEfeso 1:11

Kusangwa Nyamuhanga akakola emyatsi yosĩ ngʼerisonda liwe, ngoko ategekanaya. Kandi Nyamuhanga ayisoga twe eribya bandu buwe omwisi wa Kristo ngoko ayĩsũnza kera-kera.

AbanyaEfeso 1:5

mwayisoga erituyira mo bagala buwe busana na Kristo Yesu. Erĩ ryabya erisonda liwe erĩkamũtsemesaya.