Luka 10:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Neryo mwabwirabo ati, Ebyʼerigesa ni bingi, nĩkwa abahĩngĩ ni bake. Neryo musabe Omukama wʼerigesa atume abahĩngĩ omwʼigesa liwe.

Nouveau Testament et Psaumes en Ndandi Version 1962

² Kandi mwabuga nabo ati, Erigesa ni nene nikwa abakoli bomubiri ni bake; nikwa musabe Mukama werigesa atume abahingi okwigesa riwe.

Luka 10:2 Iomraidhean Croise

1 Abami 18:22

Neryo Elĩya mwabwira abandu ati, Ingye, ĩngyowene namasĩgala mo mũmĩnyererĩ wʼOmwami Mukulu; nĩkwa abamĩnyererĩ ba Baalĩ ni bandu magana ani nʼamakũmĩ atanu.

Esyonyimbo 68:11

Omukama mwahamula omwatsi, Neryo abakalĩ bangi mobatũla engulu eyo.

Yeremĩa 3:15

Nage nasyabaha abalĩsya abawite omutima ngʼowage, abakandĩsyabalĩsya nʼamenge nʼeriminya.

Zekarĩa 11:17

Obũlĩge oko mũlĩsya mũpenehĩ oyũkasĩganaya ekĩhyo! Omũyalĩ asyabya oko kuboko kuwe, nʼoko lĩso liwe lyʼamali; okuboko kuwe kwasyuma kwenene, nʼerĩso liwe lyʼamali lyasyabya mwĩrĩmya kutsibu.

Zekarĩa 11:5

Abakagulasyo bakĩtasyo, isibalisuyirawa, kandi obuli mundu oyũkagũlayasyo akabũga ati, Omwami Mukulu apipawe, kusangwa nabiribya muteke! Nʼabalĩsya basyo sibeganyirasyo.

Emiganzo 11:17

Nage nasyandagala nʼerĩkanĩa nawe aho; kandi nasyĩmya oko Mũlĩmũ owali ukʼuwe, nasyahĩrago kubo; nabo basyaheka omuheke wʼabandu haguma nawe, isiwahekaga ĩgowene.

Emiganzo 11:29

Na Musa mwabũga naye ati, Uli nʼobũha busana nage kwehĩ? Kumbe abandu bosĩ bʼomwami Mukulu nĩ bamĩnyererĩ, kumbe Omwami Mukulu angahĩra Omũlĩmũ guwe go kubo!

Matayo 20:1

Kusangwa obwami bwʼelubula bulingene nʼomwenye kitaka oyo watsinduka erĩsondya abahĩngĩ busana nʼeririma liwe lyʼebĩnyũ.

Mariko 13:34

Ali ngʼomundu oyuli oko lugendo lwʼekindi kihugo omugulu akalũa eka, akasĩgĩra abagombe buwe obuli mundu omũbĩrĩ wuwe, akategeka omũteya wʼolũyĩ ategaye,

Mariko 16:15

Neryo Yesu mwabwirabo ati, Muye omo kihugo kyosĩ, mũtũlaganaye Engulu Yowene oko bandu bosĩ.

Mariko 16:20

Neryo abiga nabo mobahuluka nʼerĩyatũlaganĩa ehosĩ, nʼomukama inianemukola haguma nabo ĩnĩakaberereraya ekĩnywa omo biminyikalo ebyakwamabo.

Luka 9:1

Neryo Yesu mwabirikira abiga ĩkũmĩ nʼababiri bo haguma, mwahabo obũtokĩ nʼehamũlĩ yʼerihiga esyombĩnga syosĩ, nʼerĩlamya abakonĩ.

Emibiri 11:19

Neryo abĩkĩrĩrye mobapanza-panzwa busana nʼerĩendererya eryatsũka ekiro Setefano ĩtawa. Abandi mobaya eFoĩnĩkĩ, nʼeKĩpũro, nʼeAntĩokĩa, ibakabwira Abayũda basa ekĩnywa kya Kristo.

Emibiri 13:2

Neryo omugulu babya bakakolera Omukama nʼeritsira akalyo, Omũlĩmũ Abũyĩrĩre mwabũga ati, Munyisombolere Barnaba na Saũlo busana nʼomũbĩrĩ ogo nabirikirirabo.

Emibiri 13:4

Neryo Omũlĩmũ Abũyĩrĩre abere abituma Barnaba na Saũlo, mobandagalira eSeleũkĩa, nʼerĩlũa eyo mobaya omo bwato oko kitsira kyʼeKĩpũro.

Emibiri 20:28

Mũyĩtegaye ĩnywebene, kandi mũtegaye ekĩhyo kyosĩ, ekyo Mũlĩmũ Abũyĩrĩre abiribayira eribya balangĩrĩ. Mubye balĩsya bʼekanĩsa ya Nyamuhanga eyo agula omo musasi wuwe ĩyowene-wene.

Emibiri 22:21

Neryo Omukama mwabũga nage ati, Ugende! Kusangwa nasyakutuma ehali oko Bihanda.

Emibiri 8:4

Neryo abapanzikana mobaya eyĩ nʼeyĩ bakatũla Engulu Yowene.

1 AbanyaKorinto 12:28

Neryo omo kanĩsa, Nyamuhanga abĩrĩhĩra ebyosĩ omo mianya yabyo; omo mwanya wʼerĩmbere mwahĩra abakwenda, nʼomo mwanya wʼakabiri mwahĩra abatũlĩ bʼomwatsi, nʼowʼakasatu, abakangĩrĩrya, neryo abakakola ebitiko-tiko, neryo olũsũnzo lwʼerĩlamya esyondwala, neryo abakawatĩkaya abandi, neryo abakasondola omũbĩrĩ, neryo abakabũga emĩsĩndo-mĩsĩndo yʼebĩnywa.

1 AbanyaKorinto 15:10

Nĩkwa nyiri ngoko nyine busana nʼolukogo lwa Nyamuhanga, kandi olukogo luwe busana nage molutabya busa. Nĩkwa monakola kwilaba abandi bakwenda bosĩ, nĩkwa sĩ ĩngye nakola, lo nʼolukogo lwa Nyamuhanga olwabya nage.

2 AbanyaKorinto 6:1

Omo mũbĩrĩ ogo tukakola haguma na Nyamuhanga, tukabalemba-lemba tuti mwabiriangirira olukogo lwa Nyamuhanga, neryo simuleke lukabya busa.

AbanyaFilipi 2:21

Kusangwa abosĩ bakakwama emyatsi yabo butsira emyatsi ya Yesu Kristo.

AbanyaFilipi 2:25

Nĩkwa monaganĩrya nyiti litolere inabatumira mũlĩkyetu Epafrodĩto, oyukakola haguma netu, kandi tukalwira Omukama haguma, lye ni mukwenda wenyũ erĩnyĩwatĩkya omo bwaga bwage.

AbanyaFilipi 2:30

Kusangwa abya akĩsĩya iniahola busana nʼomũbĩrĩ wa Kristo. Kandi mwatalanda oko ngebe yiwe, iniakasonda erĩnyĩwatĩkya umwʼebyo mutatoka erikola busana nage.

AbanyaKolosai 1:29

Busana nʼekyo, ngakola kutsibu nʼeriyitsinga nʼomũhwa gosĩ ngʼobũtokĩ bwa Kristo obukakola omwisi wage kutsibu.

AbanyaKolosai 4:12

Epafra, wʼewenyũ, akabakeraya, lye omugombe wa Kristo Yesu. Akayitsinga eribasabira emigulu yosĩ, iniakasaba busana nenyũ ati muhangane, ĩmũhĩkene, ĩmwabĩrĩrĩga kwenene erisonda lyosĩ lya Nyamuhanga.

1 AbanyaTesalonika 2:9

Balĩkyetu, nenyũ mukibuka erikola lyetu nʼendũhĩ yetu, ngoko twakola omo kiro nʼomo musibo tuti, sĩtũbalũhaye omugulu twabakangĩrĩraya Engulu Yowene ya Nyamuhanga.

1 AbanyaTesalonika 5:12

Tukabasaba, balĩkyetu, tuti mũsĩme abakakola kutsibu omo katĩkatĩ kenyũ, abo Mukama abiriyisoga eribasondola nʼeribahana.

2 AbanyaTesalonika 3:1

Neryo eribuga omwatsi, balĩkyetu, tuti, mutusabire, ekĩnywa kya Nyamuhanga kitsungane lũba nʼerikengwa, ngoko mukakengakyo nenyũ.

1 Timoteo 4:10

Ekyo kikaleka itwakola kutsibu nʼerinuba, kusangwa twabĩrĩhĩra amaha wetu uku Nyamuhanga oyuliho, kandi oyuli Mũlamya wʼabandu bosĩ, nĩkwa nĩ Mũlamya kutsibu ukwʼaho busana nʼabĩkĩrĩrye.

2 Timoteo 4:5

Nĩkwa uwe Ũyĩtegaye omo myatsi yosĩ; ũyĩyĩnaye omwʼiagalwa, kandi Ukole omũbĩrĩ wʼerĩtũla Engulu Yowene, Ũberereraye ubugirire emĩbĩrĩ Nyamuhanga akuha.

Filemono 1:1

Ĩngye Paũlo, omundu wʼomũlĩkĩ busana na Kristo Yesu, haguma na Tĩmoteo mũlĩkyetu. Oko mwanze wetu Fĩlemono, oyukakola omũbĩrĩ haguma netu,

AbaEbrania 3:6

Nĩkwa Kristo abya butsira eriregula ngʼomugala oyũkategaya enyũmba ya Nyamuhanga. Netu tuli enyũmba eyo, twamahanda omutima, kandi tukayiketera nʼeriyihalamba omo maha wetu.

Eribisurirwa 2:1

Usake oko mũlaĩka wʼekanĩsa yʼeEfeso uti: Oyũhambĩre esyongũnũnũ sirinda omo byala biwe byʼamali, nʼoyukalendera omo katĩkatĩ kʼemitagala irinda yʼesyamagetsi, akabũga ebĩnywa ebĩ ati,