Luka 10:15 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁵ Nawe Kapemaũmũ, wasyahamĩbwa elubula kwehĩ? Wasyandagalĩrĩbwa eKũlĩmũ!

Nouveau Testament et Psaumes en Ndandi Version 1962

¹⁵ Nawe Kapernaumu, wasyasumbirwa endata elubula kwehi? Wasya ndagalilibwa ekulimu.

Luka 10:15 Iomraidhean Croise

Enzũko 11:4

Neryo bati, Mwase, tũyĩhĩmbĩre omũyĩ, nʼenyũmba nyirinyiri, omutwe wayo ahĩke elubula, neryo tuyiyirire erĩna tukasyapanza-panzirwa oko bugali bwʼekihugo kyosĩ.

Ĩsaya 5:14

Neryo eKũlĩmũ yabiritomekera esyongumbu syayo, kandi yabirisanza obuno bwayo butsira lulengo. Obubuya bwʼeYerũsalema, nʼendeko yaho, nʼolukanda lwaho, nʼoyukatsema omo katĩkatĩ kaho, bikandagaliramo.

Yeremĩa 51:53

Omwami Mukulu ati, Nomo Babelĩ angahetukira omo kyanya, nomo angakongoterera ahʼendata hʼamaka wuwe, nĩkwa nasyatuma abandu erĩmũherya.

Ezekĩelĩ 26:20

oko mugulu oyo nasyakwandagalya haguma nʼabakandagalira omo buhya, oko bandu bʼomugulu wa kera, nasyakwĩkalya oko bihande byʼeyĩkwa byʼekihugo, ngʼemyanya ya kera yʼekĩma, haguma nʼabakandagalira omo buhya, ĩsĩwendĩsyĩkalwamo nʼabandu. Nĩkwa nasyahĩra olukengerwa omo kihugo kyʼabandu baliho.

Ezekĩelĩ 31:18

Oko muti wahi omo katĩkatĩ kʼemiti yʼeEdenĩ ukalingirirana utya omo lukengerwa nʼobukulu kwehĩ? Nĩkwa wasyandagalĩbwa haguma nʼemiti yʼeEdenĩ oko kitaka eyĩkwa. Wasyagotsera omo katĩkatĩ kʼabatabwene, haguma nʼabo abĩtawa omo mũyalĩ. Farao kwʼali atya nʼendeko yiwe yosĩ! Omukama Iye Omwami Mukulu akabũga atya.

Ezekĩelĩ 32:18

Omugala wʼomundu, ulire busana nʼendeko yʼeMĩsĩrĩ, uleteyo ahisi, ibo nʼabali bʼebihanda byʼamaka omo kihugo kyʼeyĩkwa haguma nʼabakandagalira omo buhya.

Ezekĩelĩ 32:20

Bakandisyawa omo katĩkatĩ kʼabakĩtawa omo mũyalĩ. Akahabawa oko mũyalĩ; babirimukura nʼesyondeko siwe syosĩ.

Ezekĩelĩ 32:27

Kandi sibagotsere hakũhĩ nʼesyombangĩ esyawa isisibwene. Ababiriandagalira eKũlĩmũ haguma nʼebindu byabo byʼamalwa, nʼemĩyalĩ yabo eyahĩrawa eyĩkwa oko mitwe yabo. Nĩkwa erisuyira busana nʼebibi byabo liri oko makũha wabo, nomo erĩũbahya lyʼesyombangĩ lyabya omo kihugo kyʼabandu baliho.

Obadĩa 1:4

Omwami Mukulu ati, Nomo wangalengera endata ngʼerĩsamba, kandi nomo lutu lwawe lwangahĩrwa omo katĩkatĩ kʼesyongũnũnũ, nasyakũkĩmya erĩlũayo.

Matayo 10:28

Kandi simubahe abakĩta omubiri, nĩkwa sibetoka erĩĩta omutima; nĩkwa kumbe mwangubaha Nyamuhanga oyukatoka erĩherya omutima nʼomubiri omo Kũlĩmũ.

Matayo 11:23

Nawe Kapernaũmũ! Wabya wanzĩre erĩhamĩbwa elubula kwehĩ? Wasyaguswa omo Lĩfero. Kusangwa kumbe ebitiko-tiko ebyakolawa omo katĩkatĩ kenyũ, byalikolawa eSodomo, eSodomo ngʼikineho erĩhĩka na lino.

Matayo 4:13

Neryo Yesu mwalũa eNazaretĩ, mwayĩkala eKapernaũmũ, omũyĩ owali hakũhĩ nʼengetsi yʼeGalĩlaya, omo kihugo kya Zebũlũnĩ na Nafũtalĩ.

Luka 13:28

Eyo hasyabya eririra nʼerikeregeta ameno, omugulu mukalangira Abrahamũ na Ĩsaka, na Yakobo, nʼabamĩnyererĩ bosĩ omo Bwami bwa Nyamuhanga, nenyũ imukagusawa eyĩhya.

Luka 16:23

Ekũlĩmũ omundu wʼebindu mwabya akagalwa, neryo mwasumba ameso wuwe mwalangira Abrahamũ ehali, na Lazaro iniane oko kĩkũba kiwe.

Eryibuka Ebihano 1:28

Twasyahetukira hahi kwehĩ? Abagala betu babĩrĩhahũkya emitima yetu, bati, Abandu ni bangi, ni bali-bali kwĩtwe; emĩyĩ ni minene-minene, kandi ĩkangatĩre erĩhĩka omo kyanya; kandi twabirilola yʼoko bagala ba Anakĩ eyo.

2 Petero 2:4

Kusangwa Nyamuhanga mwatabalya abamalaĩka abakola ebibi, nĩkwa mwagusabo omo lĩfero eyo bakabikawa omo mahulula nʼomo mwĩrĩmya, eririndirira ekiro kyʼeritswera.