Luka 1:74 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷⁴ Atuhe erĩtongolĩbwa omo byala byʼeyonzĩgũ syetu, Itwamukolera butsira buba,

Nouveau Testament et Psaumes en Ndandi Version 1962

⁷⁴ Atuhe, itukatongolibawa omo byala byesyonzigu syetu, Itwamukolera butsira obuba,

Luka 1:74 Iomraidhean Croise

2 Abami 17:39

Nĩkwa mwasyubaha Omwami Mukulu, Nyamuhanga wenyũ, naye asyabalamya omo byala byʼesyonzĩgũ syenyũ syosĩ.

Esyonyimbo 119:134

Ũnyĩlamaye oko bakanyĩnũbaya, Inatoka erikenga ebihano byawe.

Ĩsaya 43:21

Abandu abo nayihangikira, basyabũga eripipa lyage.

Ĩsaya 45:17

Ĩsraelĩ abĩrĩlamĩbwa nʼOmwami Mukulu nʼerilama lya kera na kera. Ĩnywe simwendisyahemulwa kutse erĩsĩngwa na kera na kera.

Zekarĩa 8:19

Omwami Mukulu Wʼemilondo akabũga ati, Eritsira akalyo oko mukera wʼakani, nʼeritsira akalyo oko wʼakatanu, nʼeritsira akalyo oko wʼakalinda, nʼeritsira akalyo oko mukera wʼerĩkũmĩ, lyasyabya butseme nʼeritsanga, nʼerirya ĩnene lyʼobutseme busana nʼekĩtũnga kya Yũda. Busana nʼekyo mwanze ekwenene nʼobuholo.

Luka 1:71

Tũlamĩbawe oko nzĩgũ syetu, Nʼomo byala byʼabosĩ abakatũkwa obusu.

Luka 1:73

Erĩlahĩrya eryo alahĩrĩraya tata wetu Abrahamũ.

Luka 1:75

Tubye babũyĩrĩre nʼabatunganene Embere siwe Omo biro byetu byosĩ.

AbanyaRoma 6:22

Nĩkwa lino mwabiriboholwa oko bibi, mwabiribya bakobe ba Nyamuhanga, mukabana endũndĩ yʼeribya nʼemigendere mĩbũyĩrĩre, nʼendũlĩ ni ngebe yʼerikota.

AbanyaRoma 8:15

Kusangwa Omũlĩmũ ogo Nyamuhanga abaha, sialibayira mo bakobe, Sialireka mukubaha kandi. Nĩkwa Omũlĩmũ akabayira mo bagala ba Nyamuhanga; kandi omo bũtokĩ bwʼOmũlĩmũ tukabirikira tuti, Tata! Tata!

2 Timoteo 1:7

Kusangwa Omũlĩmũ ogo Nyamuhanga abirituha Sialireka tukubaha; nĩkwa Omũlĩmũ wuwe akatũsũlaya omo bũtokĩ nʼolwanzo, nʼerĩyĩteya.

AbaEbrania 2:15

Kandi iniatoka eribohola abosĩ ababya ngʼabakobe omo biro byabo byosĩ busana nʼeriubaha oluholo.

AbaEbrania 9:14

kumbe kwilaba aho, omusasi wa Kristo akeraya. Kristo omo Mũlĩmũ Wʼerikota mwayiha uku Nyamuhanga ngʼobuhere obute ko kĩtĩngũ. Omusasi wuwe oyo, akeraya obunyamutima bwetu oko mĩbĩrĩ eyĩkatwĩta, itwatoka erikolera Nyamuhanga oyuliho.

Eribisurirwa 2:10

Sigubahe ebĩkandĩsyakwagalya. Lebaya! Satanĩ ikasonda erigusa abandi bʼũkwʼĩnywe bʼomo mũlĩkĩ, mulengaweko, kandi mwasyagalwa ebiro ĩkũmĩ. Ubye nʼobutalegula erĩhĩka oko luholo, nage nasyakuha embĩta yʼengebe.