Luka 1:70 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷⁰ Abũga ebĩ byo kera omo buno bwʼabamĩnyererĩ buwe babũyĩrĩre.

Nouveau Testament et Psaumes en Ndandi Version 1962

⁷⁰ Ngoko abuga omo buno bwabaminyereri buwe babuyirireeritsuka kera,

Luka 1:70 Iomraidhean Croise

Enzũko 12:3

Nage nasyatsumula abakakutsumula, nʼoyukakutsuma nasyamutsuma. Omwisi syawe ebihanda byosĩ byʼekihugo ĩngye Nyamuhanga nasyatsumulabyo.

Enzũko 3:15

Kandi nasyahĩra obũyĩgũ omo katĩkatĩ kawe nʼomũkalĩ, nʼomo katĩkatĩ kʼekihanda kyawe nʼekihanda kiwe. Iye asyabanda omutwe wawe, nawe wasyabanda akasĩnzĩro kuwe.

Enzũko 49:10

Omũtso wʼobwami sĩendĩsyalũa uku Yũda, Kutse omũtso wʼomũtabalĩ sĩendĩsyalũa hakũhĩ nʼebisando biwe, Erĩhĩka aho Sĩlo asyasira; Kandi abandu basyamowa.

2 Samwelĩ 23:2

Omũlĩmũ wʼOmwami Mukulu akabũga ũmwʼĩngye, Nʼekĩnywa kiwe mokyabya oko lulimi lwage.

Yeremĩa 23:5

Omwami Mukulu ati, Lebaya, ebiro bikasa, nasyahanganĩrya Dawĩdĩ Omutahi owatunganene, naye asyatabala ngʼOmwami nʼerikola nʼamenge, nʼeriyira erĩbanza litunganene omo kihugo.

Yeremĩa 30:10

Neryo Omwami Mukulu ati, Uwe Yakobo, mugombe wage, Sigubahe. Kutse uwe Ĩsraelĩ, subye nʼengitsi. Kusangwa lebaya, nasyakũlamya inyikine hali, nʼabana bawe omo kihugo kyʼobunyegwa bwabo. Na Yakobo asyasubula, nʼeribya nʼobuholo nʼeriluhuka, isihali omundu wasyamũbahya.

Mariko 12:36

Omũlĩmũ Abũyĩrĩre asondola Dawĩdĩ abũge ati, Omukama mwabwira Omukama wage ati, Wĩkale oko byala byage byʼamali, Erĩhĩka aho nasyahĩrĩra esyonzĩgũ syawe eyĩkwa oko bisando byawe.

Luka 24:44

Neryo Yesu mwabwirabo ati, Ebĩ bye bĩnywa nababwira nyikine haguma nenyũ; emyatsi yosĩ eyasakawa busana nage omo Migambo ya Musa nʼebitabu byʼabamĩnyererĩ nʼomo Syonyimbo, yabya itolere iyabererera.

Emibiri 28:25

Neryo mobagenda ibamabiponana, kandi Paũlo ĩnĩamabĩbũga ekĩnywa kiguma ati, Omũlĩmũ Abũyĩrĩre mwabũga kwenene nʼabosokulu wenyũ omo bĩnywa byʼomũmĩnyererĩ Ĩsaya,

AbanyaRoma 1:2

Engulu Yowene eyĩ Nyamuhanga alagayo erĩmbere omo muno wʼabamĩnyererĩ buwe, kandi ĩsakĩre omo Masako abũyĩrĩre.

AbaEbrania 3:7

Neryo, ngoko Mũlĩmũ Abũyĩrĩre akabũga ati, Lero mũnabwĩre, mwamowa omulenge wuwe,

1 Petero 1:12

Nyamuhanga mwabĩsũlĩra abamĩnyererĩ aba ngoko mũbĩrĩ wabo siabya busana nabo ĩbobene, nĩkwa busana nenyũ, omugulu babũga emyatsi eyo mwabĩrĩowa. Kandi abakwenda bʼEngulu Yowene, ababũga omo maka wʼOmũlĩmũ Abũyĩrĩre owatumawa erĩlũa elubula, mobababwira ebyʼekwenene ebĩ. Kandi emyatsi eyĩ abamalaĩka banzĩre eriminyayo.

2 Petero 1:21

Kusangwa sihali eriminyerera eryahĩka na kera omwʼisonda lyʼomundu, nĩkwa abandu mobabũga ebĩnywa ebyo Nyamuhanga ahabo, ĩbakasondolĩbawa nʼOmũlĩmũ Abũyĩrĩre.

2 Petero 3:2

Mwangibuka ebĩnywa abamĩnyererĩ babũyĩrĩre babũga kera, nʼekihano, kyʼomukama nʼomũlamya, ekyo abakwenda benyũ babaha.

Eribisurirwa 19:10

Neryo monatũlama ahisi embere syʼebisando biwe erĩmũramya. Naye mwabũga nage ati, Sukole utya! Ĩngye indi mugombe mũlĩkyenyũ haguma nawe, nʼabalĩkyenyũ abakatũla omwatsi wa Yesu. Ũramaye Nyamuhanga! Kusangwa erĩtũla omwatsi wa Yesu nĩ kĩrĩmũ kyʼeriminyerera.