Luka 1:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Kandi ababiri bosĩ babya batunganene embere sya Nyamuhanga, ibakakwama ndeke ebihano byosĩ nʼebilayiro byʼomukama.

Nouveau Testament et Psaumes en Ndandi Version 1962

⁶ Nabosi babiri babya batunganene embere syo Mungu, ibakalendera omo bihano neritegeka ryoMukama butsira ekyo bangatsongerwako.

Luka 1:6 Iomraidhean Croise

Enzũko 17:1

Neryo omugulu Abramu abya wʼemyaka makũmĩ mwenda nʼomwenda Omwami Mukulu mwamuhulukira, mwabũga naye ati, Ĩngye indi Nyamuhanga Omũtokĩ Wʼebyosĩ. Ulendere embere syage, ũhĩkane.

Enzũko 6:9

Aya wa masako wʼesyondengo sya Noa. Noa abya mundu utunganene, ĩnĩahĩkene omo syondengo siwe. Noa mwabya akalendera haguma na Nyamuhanga.

Enzũko 7:1

Omwami Mukulu mwabwira Noa ati, Ingira uwe nʼekĩtũnga kyawe kyosĩ omo bwato, kusangwa nabirikulangira kʼutunganene embere syage omo lulengo Olũ.

1 Abami 15:5

kusangwa Dawĩdĩ mwakola ekitunganene omo meso wʼOmwami Mukulu mwatakitira ehandi erĩsĩga kindu nʼekiguma oko byosĩ amuhana ebiro byosĩ byʼeribyaho liwe, go nʼomwatsi wa Ũrĩa Omũhĩtĩ.

1 Abami 9:4

Nĩkwa uwe wamalendera embere syage ngoko tata wawe Dawĩdĩ alendera, omwʼĩhĩkana lyʼomutima, nʼomo litunganene, nʼerikola ebyosĩ ngoko nabirikuhana, nʼerĩteya emigambo yage, nʼebilayiro byage;

2 Abami 20:3

Uwe Mwami Mukulu ngakulakira nyiti Wibuke ngoko nalendera embere syawe omo kwenene nʼomutima ahĩkene, kandi nabirikola ebibuya omo meso wawe Na Hezekĩa mwalira kutsibu.

2 Emyatsi yʼEmigulu 17:4

nĩkwa mwasonda-sonda Nyamuhanga wa tata wuwe, mwakwama ebihano biwe, mwatakola ngoko Baĩsraelĩ bakola.

Yobũ 1:1

Omo kihugo kyʼeŨzĩ habya mundu erĩna liwe iyo Yobũ; nʼomundu oyo abya ahĩkene nʼoyutunganene, nʼoyukakenga Nyamuhanga, ĩnĩakahũtata oko bibi.

Yobũ 1:8

Neryo Omwami Mukulu mwabũlya Satanĩ ati, Wabĩrĩganĩrya omwatsi wʼomugombe wage Yobũ kwehĩ? Kusangwa sihali oyuli nga ye omo kihugo, omundu oyũhĩkene nʼoyutunganene, oyukakenga Nyamuhanga, nʼerĩhũtatira ebibi.

Yobũ 9:2

Kwenene nyĩnasĩ ko bine bitya; Nĩkwa omundu anganatoka eribya oyutunganene embere sya Nyamuhanga kwehĩ?

Esyonyimbo 119:6

Namakenga ebihano byawe byosĩ, Neryo sĩndĩendĩsyakwa esĩsonĩ.

Luka 1:7

Kandi isibawite bana, kusangwa Elĩzabetĩ abya mugumba, nʼababiri bosĩ ibabirikekeluha.

Luka 16:15

Nĩkwa Yesu mwabwirabo ati, Ĩnywe muli abakayĩtũngananaya omo meso wʼabandu, nĩkwa Nyamuhanga anasĩ emitima yenyũ. Kusangwa ebyo abandu bakaganĩraya nga ni binene, Sibiri na mugaso omo meso wa Nyamuhanga.

Luka 2:25

Neryo habya omundu eYerũsalema oyukahulawa mo Sĩmeonĩ. Abya mundu utunganene iniakakenga Nyamuhanga. Abya akalinda erilama lyʼeĨsraelĩ; nʼOmũlĩmũ Abũyĩrĩre abya haguma naye.

Emibiri 2:25

Kusangwa Dawĩdĩ mwabũga busana na Yesu ati, Monalangira Omukama embere syage emigulu yosĩ; Kusangwa ali oko byala byage byʼamali, ĩsĩnangatũndwa.

Emibiri 23:1

Neryo Paũlo mwatungerera bandu bʼerĩbũgĩro bo ndeke, neryo mwabũga nabo ati, Ĩnywe balĩkyetu! Nabiribyaho embere sya Nyamuhanga erĩhĩka mũnabwĩre nʼobunya-mutima bubuya.

Emibiri 24:16

Neryo ngayitsinga eribya ebiro byosĩ nʼobunya-mutima bubuya, embere sya Nyamuhanga, nʼembere syʼabandu.

Emibiri 8:21

Suwite ekihande kutse erĩgabo omo mũbĩrĩ oyũ, kusangwa omutima wawe siatunganene embere sya Nyamuhanga.

AbanyaRoma 8:4

Nyamuhanga mwakola atya, ebilayiro byʼEmigambo bibererere omwisi wetu, ĩtwe tukalendera omo mibere yʼOmũlĩmũ, butsira omo mibere yʼomubiri.

1 AbanyaKorinto 11:2

Nĩkwa ngabapipa kusangwa mukanyibuka ebiro byosĩ, imukakwama ndeke erĩkangĩrĩrya, ngoko nabahalyo.

2 AbanyaKorinto 1:12

Kusangwa tukayihalamba omo mwatsi oyũ: tuti Obunya-mutima bwetu bũkatũlago buti, tukayitwala omo kihugo, kandi omo katĩkatĩ kenyũ, omo myatsi mibuya nʼeyʼekwenene embere sya Nyamuhanga, kandi tukayitwala omo lukogo lwa Nyamuhanga butsira omo menge wʼabandu.

Eryibuka Ebihano 5:33

Mwasyagendera omo nzira yosĩ eyo Mwami Mukulu Nyamuhanga wenyũ abiribahana, imwatoka eribyaho, kandi omwatsi wenyũ iniatoka erĩũwana, kandi nʼebiro byenyũ ibyatoka eribya bingi omo kihugo ekyo mwasyasĩgalya.

AbanyaFilipi 2:15

Imwatoka eribya abakũmayĩre nʼeribya bandu babuya, abana ba Nyamuhanga abate ko mwatsi, abĩkere omo katĩkatĩ kʼekihugo kĩhengemĩre, nʼekyʼomwaga. Nenyũ mukaminyikala ngʼesyotala omo kihugo.

AbanyaKolosai 1:22

Nĩkwa lino Nyamuhanga abĩrĩbasanganĩa ukwʼiye omo luholo lwʼomubiri wa Yesu, iniatoka eribaleta embere sya Nyamuhanga imune babũyĩrĩre nʼababuya, butsira ekĩnywa ekyangabahandikirira.

1 AbanyaTesalonika 3:13

Kandi Omukama asĩkaye emitima yenyũ imwabya abahĩkene nʼababũyĩrĩre embere sya Nyamuhanga wetu ye Tata, omugulu Omukama wetu Yesu asyasa haguma nʼabandu buwe bosĩ.

2 Petero 3:14

Neryo abanze, kusangwa mukalindirira emyatsi eyĩ, muyitsinge eribanika embere sya Nyamuhanga ngʼabandu babuya butsira ebĩtĩngũ, Ĩmwĩkere naye buholo.

1 Yoane 2:29

Mwamabya mũnasĩ Kristo kwʼatunganene, muminye kwʼabosĩ abakakola ebitunganene, babiribya bana ba Nyamuhanga.

1 Yoane 2:3

Twamateya ebihano bya Nyamuhanga, tukaminya ko tũmwasĩ.

1 Yoane 3:7

Bana bage balere, simuleke omundu akabateba. Omundu oyukakola ebitunganene, atunganene ngoko Kristo naye atunganene.