Luka 1:32 - AMASAKO ABOYTRTRE WA NYAMUHANGA AWAKAHULAWA MO BIBLIA

³² Asyabya mukulu, kandi asyahulwa mo Mugala wa Nyamuhanga Wʼendata Kutsibu. Omukama Nyamuhanga asyamuha ekĩtũmbĩ kyʼobwami kya tata-kulu wuwe Dawĩdĩ.

Nouveau Testament et Psaumes en Ndandi Version 1962

³² Asyabya mukulu, asyahulwa mo Mugala woWendata Kutsibu; oMukama Mungu asyamuha ekitumbi kya tata wuwe Dawidi,

Luka 1:32 Iomraidhean Croise

2 Samwelĩ 7:16

Nʼekĩtũnga kyawe nʼobwami bwawe bũkandĩsyasĩkĩbwa na kera embere syawe; ekĩtũmbĩ kyawe kyʼobwami kyasyasĩkĩbwa kera na kera.

Esyonyimbo 132:11

Omwami Mukulu mowalaga endagane ĩbũyĩrĩre oko mugombe wawe Dawĩdĩ, Kandi sĩwendĩsyatwayo, uti, Nasyahĩra omundu muguma wʼoko lubuto lwawe eribya mwami, Naye asyatabala enyũma wawe.

Esyonyimbo 132:12

Abagala bawe bamakwama endagane yage, Nʼerikwama ebihano ngahanabo, Abana babo nibya, basyakukwama ngʼabami ebiro byosĩ.

Ĩsaya 16:5

Ekĩtũmbĩ kyʼobwami kyasyahanganĩbwa omwʼisasira. Omũtswerĩ asyĩkala kukyo omwʼitendiregula, omo hema ya Dawĩdĩ, kandi asyasondasonda erĩbanza libuya, nʼerianguha erikola eritunganene.

Yeremĩa 17:25

Neryo abami nʼabanya-mwami basyingira omo syongyo syʼomũyĩ oyũ, ĩbĩkere oko kĩtũmbĩ kyʼobwami kya Dawĩdĩ, ibane oko syogalĩ nʼoko sabayĩrĩ, ibo nʼabanya-mwami babo, abandu bʼeYũda, nʼesyondũlanĩ syʼeYerũsalema, nʼomũyĩ oyũ asyĩkalwamo kera na kera.

Yeremĩa 22:2

uti, Uwe mwami wʼeYũda, oyo wĩkere oko kĩtũmbĩ kya Dawĩdĩ kyʼobwami, uhulikirire ekĩnywa kyʼOmwami Mukulu, uwe, nʼabagombe bawe, nʼabandu bawe abakingira omo syongyo esĩ.

Danĩelĩ 2:44

Nʼoko biro byʼabami abo, Nyamuhanga wʼelubula asyahanganĩa obwami obũtendĩsyaherĩbwa na kera, kutse eritabala lyabo siryendĩsyasĩgĩrwa abandi bandu; nĩkwa bwasyatulanga mo bihande bihande nʼeribuga amami gosĩ aya, nabo bwasyahangana kera na kera.

Matayo 1:1

Ekitabu kyʼesyondengo sya Yesu Kristo, mugala wa Dawĩdĩ, mugala wa Abrahamũ.

Matayo 12:42

Oko Kiro Kyʼeritswera, Omwami wʼobũkalĩ wʼeLutambi lwʼeYĩkwa asyahangana haguma nʼabandu bʼolulengo luno, nʼerĩsĩngabo kusangwa alũa oko ndũlĩ syʼekihugo erĩowa amenge wa Solomono; neryo lebaya, oyũlengĩre Solomono ane hano!

Matayo 28:18

Neryo Yesu mwasa mwabũga nabo ati, Ehamũlĩ yosĩ nabirihabwayo omo lubula nʼomo kihugo.

Matayo 3:11

Nĩkwa ĩngye ngababatĩsaya omo magetsi erĩkangya ngoko mwabiribindula emitima yenyũ erireka ebibi; nĩkwa oyukandisyasa enyũma kwĩngye asyababatĩsya omo Mũlĩmũ Abũyĩrĩre nʼomo muliro. Kandi anyĩrengĩrye maka, nage sinyitolere erimuhekera esyongendero siwe.

Mariko 14:61

Nĩkwa Yesu mwabya bũkũtũ mwatamũsũbĩrya. Kandi Omũhererĩ Mukulu oko bahererĩ bosĩ mwamũbũlya ati, Uli Kristo, Omugala wa Nyamuhanga wʼomũyĩsa kwehĩ?

Mariko 5:7

mwalaka nʼomulenge munene ati, Indi na mwatsi wahi nawe, uwe Yesu, Mugala wa Nyamuhanga Wʼendata Kutsibu kwehĩ? Ngakulemba-lemba busana na Nyamuhanga sũnyagalaye!

Luka 1:15

Kusangwa asyabya mundu mukulu omo meso wʼomukama. Syasyepũlaya bĩnyũ kutse obwabũ bwʼomuliro; kandi asyũsũlĩbwa nʼOmũlĩmũ Abũyĩrĩre isialiabutwa.

Luka 1:35

Nʼomũlaĩka mwamũsũbĩrya ati, Omũlĩmũ Abũyĩrĩre asyakũhĩkako, nʼobũtokĩ bʼOwendata Kutsibu bwasyakũsũkũlĩrya; busana nʼomwatsi oyo, omwana abũyĩrĩre oyo wasyabuta asyahulwa mo Mugala wa Nyamuhanga.

Luka 1:76

Nawe, mwana wage, wasyahulwa mo Mũmĩnyererĩ wʼOwendata Kutsibu. Kusangwa wasyatangirira embere syʼOmukama erĩowanĩa esyonzira siwe.

Luka 3:16

Yoane mwabwirabo ati, Ngababatĩsaya omo magetsi, nĩkwa oyukasa anyĩrengĩrye amaka, nage sinyitolere erĩkũndũla emikoba yʼoko ngendero siwe. Iye asyababatĩsya omo Mũlĩmũ Abũyĩrĩre nʼomo muliro.

Luka 6:35

Nĩkwa mwanze esyonzĩgũ syenyũ, mokolerebo ebibuya, mubweke, simusonde eribwekulwa. Nʼoluhembo lwenyũ lwasyabya lungi, kandi nenyũ mwasyabya bagala bʼOwendata Kutsibu; kusangwa ni mwenge oko batesĩma nʼabandu babi.

Yoane 12:34

Neryo endeko moyamũsũbĩrya iti, Twabĩrĩowa omo Migambo iti Kristo ayĩkala kera na kera. Neryo ũkabũga uti kwehĩ? Uti, Omugala wʼOmundu atolere iniasumbirwa endata. Omugala wʼOmundu oyũ nindi kwehĩ?

Yoane 6:69

Netu twabĩrĩkĩrĩrya twabiriminya kʼuli Mũbũyĩrĩre wa Nyamuhanga.

Emibiri 16:17

Neryo omwana-muto oyo mwatukwama tuna Paũlo iniakabirikira ati, Abandu aba ni bagombe ba Nyamuhanga Wʼendata Kutsibu! Bakabatũlĩra enzira yʼerilama!

Emibiri 2:30

Abya mũmĩnyererĩ, kandi abya asĩ ko Nyamuhanga amulaga endagane. Nyamuhanga mwamũlahĩrya ati akasyahĩra omundu muguma gʼoko bana buwe mo mwami.

Emibiri 2:36

Neryo abandu bosĩ ba Ĩsraelĩ baminye ndeke ngoko Nyamuhanga abiriyira Yesu oyo mwabamba oko musalaba, mo Mukama na Kristo.

Emibiri 7:48

Nĩkwa, Owendata Kutsibu sĩalĩkala omo manyũmba awakahĩmbawa nʼabandu, ngoko mũmĩnyererĩ akabũga ati,

AbanyaRoma 1:4

Nĩkwa omo Bunyamuhanga buwe bũbũyĩrĩre, erĩlũbũka liwe oko baholĩ lĩkakangaya omo bũtokĩ bunene, Yesu kwʼali Mugala wa Nyamuhanga.

Eribisurirwa 3:7

Usake oko mũlaĩka wʼekanĩsa yʼeFĩladelfia, uti, Oyuli mũbũyĩrĩre, nʼoyuli kwenene, oyuwite ekifungulo kya Dawĩdĩ, nʼoyukakingula, isihali oyo wasyakingaho, nʼoyukakinga, isihali omundu oyukakingula, akabũga ebĩnywa ebĩ ati,