Luka 1:31 - AMASAKO ABOYTRTRE WA NYAMUHANGA AWAKAHULAWA MO BIBLIA

³¹ Kandi lebaya, wasyaheka obukule nʼeributa omũlwana, neryo wasyamwahula mo Yesu.

Nouveau Testament et Psaumes en Ndandi Version 1962

³¹ Neryo lebaya, wasyaheka obukule wasyabuta omugala, wasyamwahula mo Yesu.

Luka 1:31 Iomraidhean Croise

Emĩsyo 23:25

Tata wawe na koyo wawe batseme, Nʼoyo wakubuta ayĩsyandire.

Ĩsaya 7:14

Busana nʼekyo Omukama ĩyowene asyabaha ekiminyikalo: lebaya, omumbesa asyaheka obukule, naye asyabuta omugala, neryo asyahula erĩna liwe mo Emanũelĩ.

Matayo 1:21

Asyabuta omugala, nawe wasyamwahula mo Yesu, kusangwa asyalamya abandu buwe oko bibi byabo.

Matayo 1:23

Lebaya, omumbesa asyaheka obukule, asyabuta omugala, nʼerĩna liwe lyasyahulwa mo Emanuelĩ, nĩʼbũga ambu: Nyamuhanga haguma netu.

Matayo 1:25

Nĩkwa mwatamuminya erĩhĩka aho abutira mugala wuwe. Neryo Yosefũ mwaluka erĩna liwe mo Yesu.

Luka 1:13

Nĩkwa omũlaĩka mwamubwira ati, Zakarĩa, Sigubahe. Nyamuhanga abĩrĩowa erisaba lyawe, nʼomũkalĩ wawe asyakubutira omũlwana. Wasyahula erĩna liwe mo Yoane.

Luka 1:27

Omũlaĩka oyo mwaleta erilayira lya Nyamuhanga oko mumbesa oyo wasĩmolĩbawa nʼomundu oyukahulawa mo Yosefũ, wʼekihanda kya Dawĩdĩ. Erĩna lyʼomumbesa oyo abya iyo Marĩa.

Luka 2:21

Neryo enyũma wʼebiro munani, omugulu wʼerĩbanĩa omwana mwahĩka, neryo mwahulwa mo Yesu, erĩna omũlaĩka amuluka omugulu obukule bwabya bute bwahekwa.

Luka 20:44

Dawĩdĩ mwamwahula mo Mukama, neryo Kristo angatoka eribya mugala wa Dawĩdĩ ati kwehĩ?

AbanyaGalatia 4:4

Nĩkwa omugulu amabiberera, Nyamuhanga mwatuma Omugala wuwe. Omugala oyo mwabutwa nʼomũkalĩ kandi mwabutwa omo mitsye yʼEmigambo yʼAbayũda,