Ĩsaya 9:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Erikanya lyʼeritabala liwe ryʼobuholo siryendisyayira ndũlĩ, oko kĩtũmbĩ kyʼobwami bwa Dawĩdĩ nʼoko bwami buwe, erĩhanganĩabo nʼerĩsĩkyabo omo lĩbanza nʼomo litunganene, erĩtsũka lino nʼerĩhĩka kera na kera. Omũhwa wʼOmwami Mukulu wʼemilondo asyakola ekĩ.

Ĩsaya 9:7 Iomraidhean Croise

2 Samwelĩ 7:16

Nʼekĩtũnga kyawe nʼobwami bwawe bũkandĩsyasĩkĩbwa na kera embere syawe; ekĩtũmbĩ kyawe kyʼobwami kyasyasĩkĩbwa kera na kera.

2 Abami 19:31

Kusangwa erĩlũa omo Yerũsalema hasyahuluka abasaka, nʼerĩlũa oko kitwa kyʼeSĩonĩ ababala. Omũhwa wʼOmwami Mukulu asyakola ekĩ.

Esyonyimbo 2:8

Ũbũlaye, nage nasyakuha ebihanda eribya byawe, Kandi nasyakuha emitano yosĩ yʼekihugo.

Ĩsaya 11:1

Neryo erĩsasa lyasyahuluka omo ndĩna ya Yese, nʼomutahi owakalũa omo mĩrĩhĩ yiwe asyabuta ebĩgũma.

Ĩsaya 16:5

Ekĩtũmbĩ kyʼobwami kyasyahanganĩbwa omwʼisasira. Omũtswerĩ asyĩkala kukyo omwʼitendiregula, omo hema ya Dawĩdĩ, kandi asyasondasonda erĩbanza libuya, nʼerianguha erikola eritunganene.

Ĩsaya 2:4

Naye asyatswera omo katĩkatĩ kʼebihanda, nʼeritswera emyatsi busana nʼabandu bangi. Nabo basyahesa emĩyalĩ yabo mwʼĩsũka, nʼamatũmo wabo mo bisara. Ekihanda sikyendisyasumbira ekindi kihanda kyʼomũyalĩ, kutse sibendĩsyaswayĩgĩsya amalwa.

Ĩsaya 26:11

Uwe Mwami Mukulu ebyala byawe bĩyĩsũmbĩre, nĩkwa sibelangirabyo. Nĩkwa bakalangira omũhwa wawe busana nʼabandu, bakahemuka. Ega, omuliro asyabuga esyonzĩgũ syawe.

Ĩsaya 37:32

Kusangwa abasĩgalira erĩlũa eYerũsalema basyahuluka, nʼerĩlũa oko kitwa kyʼeSĩonĩ hasyahuluka abakasyabala. Omũhwa wʼOmwami Mukulu asyakola ekĩ.

Ĩsaya 40:10

Lebaya, Omukama Omwami Mukulu asyasa nʼamaka, Nʼokuboko kuwe kwasyamutabalira. Lebaya, oluhembo luwe luli haguma naye Nʼeririha liwe embere siwe.

Ĩsaya 42:13

Omwami Mukulu asyahuluka ngʼembangĩ. Asyahũhanĩa omũhwa wuwe ngʼomundu wʼamalwa. Asyabirikira, ega, nʼerĩũta obogo. Asyakĩnda esyonzĩgũ siwe.

Yeremĩa 23:5

Omwami Mukulu ati, Lebaya, ebiro bikasa, nasyahanganĩrya Dawĩdĩ Omutahi owatunganene, naye asyatabala ngʼOmwami nʼerikola nʼamenge, nʼeriyira erĩbanza litunganene omo kihugo.

Danĩelĩ 2:35

Neryo ekyuma ekyo nʼeribumba eryo, nʼomulinga, nʼekĩtsĩpa, nʼesyamagetsi, mobyatulangwa mo bihande bihande oko saa nguma, mobyabya ngʼomusunga omo bĩhũmbĩro omugulu wʼobugoma; neryo erihunga molyagũlũkyabyo, neryo mobitaswabanika nʼahake; nʼerĩbwe eryo eryaswĩraya esanamu molyabya kitwa kinene, molyũsũlya ekihugo kyosĩ.

Danĩelĩ 2:44

Nʼoko biro byʼabami abo, Nyamuhanga wʼelubula asyahanganĩa obwami obũtendĩsyaherĩbwa na kera, kutse eritabala lyabo siryendĩsyasĩgĩrwa abandi bandu; nĩkwa bwasyatulanga mo bihande bihande nʼeribuga amami gosĩ aya, nabo bwasyahangana kera na kera.

Danĩelĩ 7:14

Naye mwahabwa eritabala, nʼolukengerwa, nʼobwami, abandu bosĩ nʼebihanda, nʼemĩbũge bamukolere; eritabala liwe ni ʼtabala lya kera na kera, eritendisyahwaho, nʼobwami buwe ni bwami obũtendĩsyaherĩbwa.

Danĩelĩ 7:27

Nʼobwami nʼobutabale nʼobukulu bwʼamami eyĩkwa wʼamatũkũ gosĩ, byasyahabwa oko bandu ba Nyamuhanga Owendata Kutsibu. Obwami buwe ni bwami bwa kera na kera, nʼamatabale gosĩ asyamukolera nʼerimukenga.

Hagaĩ 2:9

Olukengerwa lwʼerĩnyũma lwʼenyũmba eyĩ lwasyabya lunene kwilaba olwʼerĩmbere, Omwami Mukulu Wʼemilondo atya; nʼOmwami Mukulu Wʼemilondo ati, Omo mwanya oyũ nasyaha Obuholo.

Matayo 1:23

Lebaya, omumbesa asyaheka obukule, asyabuta omugala, nʼerĩna liwe lyasyahulwa mo Emanuelĩ, nĩʼbũga ambu: Nyamuhanga haguma netu.

Yoane 12:34

Neryo endeko moyamũsũbĩrya iti, Twabĩrĩowa omo Migambo iti Kristo ayĩkala kera na kera. Neryo ũkabũga uti kwehĩ? Uti, Omugala wʼOmundu atolere iniasumbirwa endata. Omugala wʼOmundu oyũ nindi kwehĩ?

AbaEbrania 1:8

Nĩkwa Nyamuhanga akabũga busana nʼomugala ati, Ekĩtũmbĩ kyawe kyʼobwami, uwe Nyamuhanga, ni kya kera na kera, Ukatabala oko bwami bwʼerĩbanza.

AbaEbrania 7:24

Nĩkwa Yesu kusangwa akakota syalĩũmbaya erikola omũbĩrĩ wuwe wʼobũhererĩ.

Eribisurirwa 19:11

Neryo monalangira olubula ilukingukere, neryo lebaya, habya esabayĩrĩ nyeru-nyeru. Oyukagenda kuyo akahulawa mo Oyuteregula nʼowʼekwenene. Kandi omo litunganene akatswera nʼerilwa amalwa.