Ĩsaya 9:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Kusangwa omwana asyabutwa busana netu, twasyahabwa omugala, Nʼobutabale bwasyabya oko bitigo biwe. Erĩna liwe lyasyahulwa mo Mũhanĩ Wʼeriswekera. Nyamuhanga Omũtokĩ, Tata Wʼerikota, Omunya-mwami Wʼobuholo.

Ĩsaya 9:6 Iomraidhean Croise

2 Samwelĩ 7:13

Asyahĩmba enyũmba busana nʼerĩna lyage, nage nasyasĩkya ekĩtũmbĩ kyʼobwami buwe kera na kera.

2 Samwelĩ 7:16

Nʼekĩtũnga kyawe nʼobwami bwawe bũkandĩsyasĩkĩbwa na kera embere syawe; ekĩtũmbĩ kyawe kyʼobwami kyasyasĩkĩbwa kera na kera.

1 Abami 10:9

Omũyĩsa abye oko Mwami Mukulu Nyamuhanga wawe, oyukakutsemera, erĩkũhĩra oko kĩtũmbĩ kyʼobwami kyʼAbaĩsraelĩ; kusangwa Omwami Mukulu mwanza Abaĩsraelĩ kera na kera, kyaleka iniakuyira mo mwami, erikola erĩbanza libuya nʼekwenene.

1 Abami 2:33

Omusasi wabo kwʼasyasuba atya oko mutwe wa Yoabũ, nʼoko mutwe wʼabana buwe kera na kera. Nĩkwa uku Dawĩdĩ nʼoko bana buwe, nʼoko kĩtũnga kiwe, nʼoko kĩtũmbĩ kiwe kyʼobwami hasyabya Obuholo kera na kera bũkalũa oko Mwami Mukulu.

1 Abami 2:45

Nĩkwa omwami Solomono asyatsumulwa, nʼekĩtumbĩ kyʼobwami kya Dawĩdĩ kyasyasĩkĩbwa embere syʼOmwami Mukulu ebiro byosĩ.

Nehemĩa 9:32

Neryo lino, Nyamuhanga wetu, omukulu, nʼowʼobũtokĩ, na Nyamuhanga wʼerĩũbahya, oyũkategaya endagano nʼobubuya bʼolwanzo, supone obũlĩge bosĩ obo, Suleke bukabya nga buke embere syawe obwabĩrĩtũhĩkako, nʼoko bami betu, nʼabakulu betu, nʼabahererĩ betu, nʼabamĩnyererĩ betu, nʼabotata wetu, nʼabandu bawe bosĩ, erĩtsũka oko mugulu wʼabami bʼeAsũrĩa nʼerĩhĩka mũnabwĩre.

Esyonyimbo 45:3

Ubohe omũyalĩ wawe oko ndungu yawe, uwe mwami, embangĩ; Uli wʼobũtokĩ nʼowʼerikengwa!

Esyonyimbo 45:6

Ekĩtũmbĩ kyʼobwami ekyo Nyamuhanga abirikuha, kyasyakota! Ukatabala oko bwami bwawe omwʼibanza litunganene.

Esyonyimbo 45:7

Wanzĩre eritunganene, kandi ũkakwa ebibi byʼobusu, Kikaleka Nyamuhanga, ye Nyamuhanga wawe, akayisoga we, Kandi abĩrĩkũtũlĩra kwʼobutseme kwilaba obo akaha abandi.

Esyonyimbo 50:1

Embangĩ, ye Nyamuhanga, Omwami Mukulu, abĩrĩbũga; Akabirikira ekihugo kyosĩ erĩtsũka aho eryuba likahuluka nʼerĩhĩka aho likalengera.

Esyonyimbo 72:17

Erĩna liwe siribiriranawe na kera; Engulu yiwe ikote ngʼeryuba. Abandu bayitsumule busana naye, Ebihanda byosĩ bipipe Omwami.

Esyonyimbo 72:3

Neryo ekitaka kibane omugaso; Nʼekihanda kyʼabandu kibane eritunganene.

Esyonyimbo 72:7

Ekitunganene kikanye omugulu akabyaho, Nʼomugaso abyeho omugulu omukera akĩnakoleraya.

Esyonyimbo 85:10

Olwanzo nʼeritendiregula byasyahĩndana haguma; Ekitunganene nʼobuholo byasyahĩndana.

Esyonyimbo 89:5

Omwami Mukulu, emyanya yʼelubula ikimbira emyatsi yʼeriswekera yawe; Ikimba emyatsi yʼeritindalegula lyawe.

Emĩsyo 8:23

Nahĩrawa erĩtsũka kera erĩlũa oko nzũko, Ekihugo kite kyabya.

Ĩsaya 10:21

Abasĩgalira basyasubula, bo basĩgalira ewa Yakobo, uku Nyamuhanga wʼobũtokĩ.

Ĩsaya 11:5

Eritunganene lyasyabya mukoba wʼembindi yiwe, nʼobutalegula bwasyabya mukoba wʼenda yiwe.

Ĩsaya 16:5

Ekĩtũmbĩ kyʼobwami kyasyahanganĩbwa omwʼisasira. Omũtswerĩ asyĩkala kukyo omwʼitendiregula, omo hema ya Dawĩdĩ, kandi asyasondasonda erĩbanza libuya, nʼerianguha erikola eritunganene.

Ĩsaya 26:12

Omwami Mukulu wasyatũhanganĩrya Obuholo; kusangwa wabiritukolera emĩbĩrĩ yetu yosĩ nibya.

Ĩsaya 26:3

Wasyateya omo buholo bũhĩkene ekihanda kyʼerĩyĩsũnza lĩsĩkĩre, Kusangwa kikayiketera we.

Ĩsaya 28:29

Ekĩ nakyo kĩkalũa oko Mwami Mukulu wʼemilondo, oyo wayira amahano wʼeriswekera, nʼamenge wuwe mo manene.

Ĩsaya 32:1

Lebaya, omwami asyatabala omo litunganene, nʼabanya-mwami basyatabala omwʼĩbanza lyʼekwenene.

Ĩsaya 37:32

Kusangwa abasĩgalira erĩlũa eYerũsalema basyahuluka, nʼerĩlũa oko kitwa kyʼeSĩonĩ hasyahuluka abakasyabala. Omũhwa wʼOmwami Mukulu asyakola ekĩ.

Ĩsaya 53:10

Nĩkwa molyatsemesya Omwami Mukulu erĩmũhũnza. Abĩrĩmwagalya. Amayiyira eribya buhere bwʼolubanza, asyalola oko bana buwe, asyatomekera ebiro biwe, nʼeritsemesya libuya lyʼOmwami Mukulu lyasyagasa omo byala biwe,

Ĩsaya 53:2

Kusangwa mwakulira embere siwe ngʼekiti kyolo-kyolo, kandi ngʼomũlĩhĩ omo kitaka kyũmĩre. Siawite omubiri atendere kutse erĩkangabasanĩa lyʼOmwami erikaleka itwamulolako. Kandi siawite olulangiro olukaleka itwamwanza.

Ĩsaya 53:5

Nĩkwa mwahũtalĩbwa busana nʼamalolo wetu, mwahĩnokala busana nʼebibi byetu. Erisuyirwa lyʼobuholo bwetu molyamubyako, nʼomo mĩbĩbũ yiwe tũkalamĩbawa.

Ĩsaya 63:16

Kusangwa uli Tata wetu, nomo Abrahamũ atanatwasĩ, na Ĩsraelĩ sialituminya. Uwe, Mwami Mukulu uli Tata wetu, Omũtongolya wetu erĩtsũka kera lyo lĩna lyawe.

Ĩsaya 66:12

Kusangwa Omwami Mukulu ati, Lebaya, nasyamũhererya Obuholo ngʼolũsĩ, nʼolukengerwa lwʼebihanda ngʼolũsĩ lũbwayĩre. Nenyũ mwasyonga, mwasyahekwa oko ndungu, mwasyasumbangirwa oko marwĩ.

Ĩsaya 7:14

Busana nʼekyo Omukama ĩyowene asyabaha ekiminyikalo: lebaya, omumbesa asyaheka obukule, naye asyabuta omugala, neryo asyahula erĩna liwe mo Emanũelĩ.

Ĩsaya 8:18

Lebaya, ĩngye haguma nʼabana abo Mwami Mukulu abirimba, tuli busana nʼebiminyikalo nʼebyʼeriswekera omo Ĩsraelĩ bĩkalũa oko Mwami Mukulu wʼemilondo, oyo wĩkere oko Kitwa kyʼeSĩonĩ.

Yeremĩa 31:22

Uwe mwali oyutawite erĩkĩrĩrya, wasyaganga-ganga emigulu yingahi kwehĩ? Kusangwa Omwami Mukulu abirihangika omwatsi muhya-muhya omo kihugo: Ĩsraelĩ asyamusonda-sonda.

Danĩelĩ 2:44

Nʼoko biro byʼabami abo, Nyamuhanga wʼelubula asyahanganĩa obwami obũtendĩsyaherĩbwa na kera, kutse eritabala lyabo siryendĩsyasĩgĩrwa abandi bandu; nĩkwa bwasyatulanga mo bihande bihande nʼeribuga amami gosĩ aya, nabo bwasyahangana kera na kera.

Danĩelĩ 7:14

Naye mwahabwa eritabala, nʼolukengerwa, nʼobwami, abandu bosĩ nʼebihanda, nʼemĩbũge bamukolere; eritabala liwe ni ʼtabala lya kera na kera, eritendisyahwaho, nʼobwami buwe ni bwami obũtendĩsyaherĩbwa.

Hagaĩ 2:9

Olukengerwa lwʼerĩnyũma lwʼenyũmba eyĩ lwasyabya lunene kwilaba olwʼerĩmbere, Omwami Mukulu Wʼemilondo atya; nʼOmwami Mukulu Wʼemilondo ati, Omo mwanya oyũ nasyaha Obuholo.

Matayo 1:1

Ekitabu kyʼesyondengo sya Yesu Kristo, mugala wa Dawĩdĩ, mugala wa Abrahamũ.

Matayo 1:23

Lebaya, omumbesa asyaheka obukule, asyabuta omugala, nʼerĩna liwe lyasyahulwa mo Emanuelĩ, nĩʼbũga ambu: Nyamuhanga haguma netu.

Matayo 11:27

Tata wage abirimba emyatsi yosĩ. Sihali oyo wasĩ Omugala nina Tata, kandi sihali oyo wasĩ Tata nina Mugala, nʼomundu oyo Mugala anzĩre erĩmũbĩsũlĩra.

Matayo 28:18

Neryo Yesu mwasa mwabũga nabo ati, Ehamũlĩ yosĩ nabirihabwayo omo lubula nʼomo kihugo.

Luka 1:35

Nʼomũlaĩka mwamũsũbĩrya ati, Omũlĩmũ Abũyĩrĩre asyakũhĩkako, nʼobũtokĩ bʼOwendata Kutsibu bwasyakũsũkũlĩrya; busana nʼomwatsi oyo, omwana abũyĩrĩre oyo wasyabuta asyahulwa mo Mugala wa Nyamuhanga.

Luka 2:11

Kusangwa mũnabwĩre oko mũyĩ wa Dawĩdĩ, Omũlamya wenyũ abiributwa, Iye Omukama Kristo.

Luka 2:14

Olukengerwa uku Nyamuhanga oyuli ahendata kutsibu! Nʼobuholo oko kihugo oko bandu bakamũtsemesaya!

Luka 21:15

Kusangwa nasyabaha ebĩnywa nʼamenge ayo sihali enzĩgũ yenyũ yasyatoka erĩsĩnga kutse eriyigana.

Yoane 1:14

NʼEkĩnywa ekyo mokyabya mundu, naye mwĩkala omo katĩkatĩ ketu. Netu motwalangira olukengerwa luwe ĩloswĩre nʼolukogo nʼekwenene. Olukengerwa olũ lwabya olwa Mugala Ekyusa ekyabutawa na Tata.

Yoane 1:16

Omo lukogo luwe olũtswagĩre abiritutsumula, iniakatuha olukogo nʼolundi lukogo.

Yoane 14:27

Obuholo ngabasĩgĩra, ngabaha Obuholo bwage. Ngabahabo, butsira ngʼekihugo ko kikaha. Sĩmũhangahangaye emitima yenyũ, kandi simubahe.

Emibiri 10:36

Nyamuhanga mwatuma ekĩnywa oko bandu ba Ĩsraelĩ, erĩtũla Engulu Yowene yʼobuholo busana na Yesu Kristo, naye ni Mukama wʼabandu bosĩ.

Emibiri 20:28

Mũyĩtegaye ĩnywebene, kandi mũtegaye ekĩhyo kyosĩ, ekyo Mũlĩmũ Abũyĩrĩre abiribayira eribya balangĩrĩ. Mubye balĩsya bʼekanĩsa ya Nyamuhanga eyo agula omo musasi wuwe ĩyowene-wene.

AbanyaRoma 8:32

Nyamuhanga mwatabalya Omugala wuwe-wuwe, nĩkwa mwamusiga busana nʼĩtwe bosĩ! Oyo watuha Omugala wuwe, siendisyatuha ebindu byosĩ busana naye kwehĩ?

AbanyaRoma 9:5

Ni bana bʼabotata-kulu betu Abrahamũ, Ĩsaka, na Yakobo. Na Kristo oko mubiri ni wʼekihanda kyabo. Iye ni Nyamuhanga ali endata oko bosĩ, apipawe kera na kera. Amina.

1 AbanyaKorinto 1:30

Nĩkwa Nyamuhanga abĩrĩbamatĩkanĩa na Kristo Yesu. Kandi Nyamuhanga abiriyira Kristo eribya menge wetu. Busana na Kristo tukatunganana embere sya Nyamuhanga, kandi busana na Kristo tukabya bana ba Nyamuhanga, nʼeribya bwĩranda.

1 AbanyaKorinto 15:25

Kusangwa litolere Kristo iniatabala erĩhĩka aho Nyamuhanga asyalyatangirira esyonzĩgũ syosĩ syʼahisi.

2 AbanyaKorinto 5:19

Tuti, Nyamuhanga akasanganaya bandu bosĩ ukwʼiye busana na Kristo, isialiganzirabo amalolo wabo. Kandi abirituha ekĩnywa kyʼerĩsanganĩa abandu ukwʼiye.

Eryibuka Ebihano 10:17

Kusangwa Omwami Mukulu Nyamuhanga wenyũ, iye ni Nyamuhanga wʼesyonyamuhanga, nʼOmwami Mukulu wʼabakama, yo mukulu, ye mbangĩ, na Nyamuhanga wʼeriswekera, oyuteyira obutaga, kutse erĩĩmya ekyũtũlĩro.

AbanyaKolosai 2:3

Kusangwa obuteke bosĩ bwʼamenge, nʼeriminya bĩbĩseme omo byala bya Kristo.

1 Timoteo 3:16

Sihali oyo wangagana obukulu bwʼerĩkũmbo lyʼekisomo kyetu tuti, Mwabutuka omo mubiri wʼabandu, Mwasĩngana ngʼomutunganene omo Mũlĩmũ, Kandi mwalolwako nʼabamalaĩka, Mwatũlaganĩbwa omo katĩkatĩ kʼebihanda, Mwĩkĩrĩrĩbwa omo kihugo, Mwatwalwa omo lukengerwa lwʼelubula.

Tito 2:13

itukalindirira nʼamaha gʼomũyĩsa ekiro kyʼobutseme, kandi tukalindirira erihuluka lyʼolukengerwa lwa Nyamuhanga wetu mukulu, nʼomũlamya wetu, Yesu Kristo.

AbaEbrania 1:8

Nĩkwa Nyamuhanga akabũga busana nʼomugala ati, Ekĩtũmbĩ kyawe kyʼobwami, uwe Nyamuhanga, ni kya kera na kera, Ukatabala oko bwami bwʼerĩbanza.

AbaEbrania 13:20

Nyamuhanga abĩrĩlũbũkya Omukama wetu Yesu oko baholĩ, oyuli Mũlĩsya mukulu busana nʼerĩũta omusasi wuwe omo ndagane ya kera na kera. Neryo Nyamuhanga wʼobuholo,

1 Yoane 5:20

Nĩkwa tũnasĩ kʼomugala wa Nyamuhanga abĩrĩhĩka, nʼerituha eriminya, itwatoka eriminya Nyamuhanga owʼekwenene. Kandi tumatikene na Nyamuhanga owʼekwenene, kandi tumatikene nʼomugala wuwe Yesu Kristo. Oyũ ni Nyamuhanga wʼekwenene, kandi iye ni ngebe yʼerikota.

Eribisurirwa 19:16

Oko kanzu yiwe nʼoko kihinga kiwe habya hasakĩre erĩna liti, Omwami wʼabami, nʼOmukama wʼAbakama.

Abatswerĩ 13:18

Nʼomũlaĩka wʼOmwami Mukulu mwabũga ati, Busana nakĩ ũkabũlaya erĩna lyage kwehĩ? Kusangwa ni kyʼeriswekera.