Ĩsaya 9:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Wasyakanyĩrĩrya ekihanda, wasyakanyĩa obutseme bwabo. Basyatsema embere syawe ngʼobutseme bwʼamagese, ngʼabandu abakatsema omugulu bakagaba eminyego.

Ĩsaya 9:3 Iomraidhean Croise

Nehemĩa 9:23

Mowakanyĩsĩsya abana babo ngʼesyongũnũnũ syʼomo kyanya, mowaletabo omo kihugo ekyo wabwira abotata wabo, uti basyingiramo nʼerĩsĩgalyakyo.

Yobũ 12:23

Akahamaya ebihanda, nʼerĩheryabyo. Akatomekera ebihanda, nʼerisondolabo mo banyegwa.

Esyonyimbo 107:38

Kandi mwatsumulabo, nabo mobabya nʼabana bangi, Kandi mwataleka ebihangulo byabo ibyakeha.

Esyonyimbo 119:162

Ko ngatsema nyitya busana nʼerilaga lyawe, Ngatsema ngʼoyukabana obuteke bunene.

Esyonyimbo 4:7

Wabĩrĩhĩra obutseme omo mutima wage, Obũlabĩre obutseme bwʼabandu abawite ebyalya nʼebĩnyũ.

Ĩsaya 10:26

NʼOmwami Mukulu wʼemilondo asyamũhanganĩrya endwala yʼakabugu, eyiri ngʼerĩkwa lyʼeMĩdĩanĩ oko lĩbwe lyʼeOrebũ, nʼomũtso wuwe asyabya oko ngetsi, kandi asyasumbago ngoko akola eMĩsĩrĩ.

Ĩsaya 12:1

Nʼoko kiro ekyo wasyabũga uti, Ngandikuha ewasĩngya, Uwe Mwami Mukulu kusangwa nomo wananyihitanako, erihitana lyawe lyabirihwaho, kandi ũkanyĩkĩranaya.

Ĩsaya 14:5

Omwami Mukulu abĩrĩbũnanga omũtso wʼababi, omũtso wʼabatabalĩ,

Ĩsaya 25:9

Nʼoko kiro ekyo kyasyabũgwa, kiti, Lebaya, Oyũ yo na Nyamuhanga wetu Oyo twalinda, naye atoke erĩtũlamya. Oyũ yo na Mwami Mukulu; oyo twabiririnda, Tutsange tutseme omo mulamo wuwe.

Ĩsaya 26:15

Uwe Mwami Mukulu wabĩrĩkanyĩrĩrya ekihanda, wabĩrĩkanyĩrĩrya ekihanda, wabiripipwa. Wabiritanika erĩgalĩhya emitano yosĩ yʼekihugo.

Ĩsaya 35:10

Abatongolĩbawa bʼOmwami Mukulu basyasubula, nʼerihĩka eSĩonĩ ĩbakũta obogo bʼobutseme, nʼobutseme bwa kera na kera bwasyabya oko mitwe yabo. Basyabana eritsangamuka nʼeritsema, nʼobũlĩge nʼerihumulikana byasyatibita.

Ĩsaya 35:2

Yasyalasya omusanga munene, nʼeritsanga nʼobutseme nʼerĩũta obogo bwʼobutseme. Yasyahabwa obubuya bwʼeLebanonĩ, yasyahabwa obubuya bwʼeKaramelĩ nʼeSaronĩ. Basyalangira olukengerwa lwʼOmwami Mukulu, erĩkangabasanĩa lya Nyamuhanga wetu.

Ĩsaya 54:1

Utseme, uwe mũkalĩ oyutabuta; Uyitsangure, wamaye, iwe utakunda; kusangwa omũkalĩ oyo walekeranĩbawa, awite abana kwilaba omũkalĩ oyuwite ĩba, kusangwa Omwami Mukulu atya.

Ĩsaya 55:12

Kusangwa mwasyahuluka nʼobutseme, nʼerisondolwa omo buholo. Ebitwa nʼehitwa byasyũta obogo bwʼobutseme embere syenyũ. Nʼemiti yosĩ yʼomolĩ yasyakangatira ebyala byayo.

Ĩsaya 61:10

Nasyatsemera Omwami Mukulu kutsibu, omutima wage asyatsema uku Nyamuhanga wage, kusangwa abĩrĩnyambalya esyongimba syʼomulamo, abirinyiswika ekanzu yʼeritunganene, ngʼĩba wʼomũherũkĩ akayisitika omo kikoba kyʼomusanga, kandi ngʼomũherũkĩ oyukayisitika omo mabwe wuwe awakangĩre gʼobũgũlĩ.

Ĩsaya 61:7

Omo mwanya wʼesĩsonĩ syenyũ mwasyabya nʼamagabo abiri, nʼomo mwanya wʼerihemulwa basyũta obogo bwʼeritsemera erĩgabo lyabo. Busana nʼekyo basyasĩgalya amagabo abiri omo kihugo kyabo. Obutseme bwʼerikota bwasyabya bwabo.

Ĩsaya 65:14

Lebaya, abagombe bage basyũta obogo mo butseme bʼomutima, nĩkwa ĩnywe mwasyalira omo bũlĩge obʼomutima, kandi mwasyayilakira busana nʼekĩrĩmũ kĩbũnĩkĩre.

Ĩsaya 65:18

Nĩkwa emigulu yosĩ mutseme mutsange umwʼebyo ngahangika, kusangwa lebaya, ngahangika eYerũsalema eribya bũyĩsyandiro, nʼabandu bago eribya busana nʼobutseme.

Ĩsaya 66:10

Mutseme haguma nʼeYerũsalema, mutsemereko ĩnywe bosĩ mwanzĩreko. Ĩnywe bosĩ mukalirirako, mutseme kutsibu haguma nayo omo butseme.

Yeremĩa 31:7

Kusangwa Omwami Mukulu ati, Mwimbire Yakobo nʼobutseme, mũbũgaye obogo omo katĩkatĩ kʼabakulu bʼebihanda. Mũtũlego, mupipe, mũbũge muti, Uwe Mwami Mukulu, ũlamaye abandu bawe, abasaka oko Baĩsraelĩ.

Hosea 4:7

Omugulu bakanyirira kutsibu, mobanvĩhalĩrya kutsibu; nasyabindula olukengerwa lwabo mwʼĩsonĩ.

Abalawĩ 26:13

Ĩngye indi Mwami Mukulu Nyamuhanga wenyũ, oyo wabalũsaya omo kihugo kyʼeMĩsĩrĩ, isimwabya bakobe babo; kandi nabĩrĩbũnanga emiti yʼengomo yʼobukobe bwenyũ, nʼerireka imwalendera ĩmũnayĩsĩngĩkĩre.

Zekarĩa 10:8

Nasyasugundirabo, erĩhĩndanĩabo; kusangwa nabĩrĩtongolyabo; nabo basyabya bangi ngoko babya erĩmbere.

Zekarĩa 2:11

Nʼebihanda bingi byasyasangana nʼOmwami Mukulu oko kiro ekyo, kandi basyabya bandu bage; nage nasyĩkala omo katĩkatĩ kawe, nawe wasyaminya ko Mwami Mukulu Wʼemilondo anyituma ukʼuwe.

Zekarĩa 8:23

Omwami Mukulu Wʼemilondo akabũga ati, Oko biro ebyo, abandu ĩkũmĩ abakalũa oko bihanda byʼobuli mũbũge, basyahamba oko mũsĩke wʼolukimba lwʼOmũyũda bati, Uleke tugende nawe, kusangwa twabĩrĩowa ko Nyamuhanga ali haguma nawe.

Luka 11:22

Nĩkwa omugulu omundu oyũmũlengĩre amaka akamuhamba nʼerĩmũkĩnda, akamũlũsaya kwʼebindu biwe byosĩ byʼamalwa, ebyo ayiketere, kandi akagaba ebyo ahũnga.

Emibiri 8:8

Nĩkwa mohabya obutseme bunene eSamarĩa.

AbanyaFilipi 4:4

Mutseme omo migendere yenyũ busana nʼOmukama emigulu yosĩ; kandi ngababwira nyiti, Mutseme!

1 Petero 1:8

Neryo mukanza Yesu Kristo nomo mutetamulolako, kandi mũkamwĩkĩrĩraya nomo mutetamulangira lino, kandi mukatsema kutsibu nʼobutseme obutetoka eriahulwa, obuwite olukengerwa.

Abatswerĩ 5:3

Muhulikirire, ĩnywe bami; Mutege okũtũ, ĩnywe batabalĩ, Ĩngye, nĩna ngye, nasyimbira Omwami Mukulu; Nasyimba eripipa oko Mwami Mukulu, Nyamuhanga wa Ĩsraelĩ

Abatswerĩ 7:22

Nʼomugulu babuha esyongubi magana asatu (300), Omwami Mukulu mwahĩra omũyalĩ wʼobuli mundu eribindukira mũlĩkyabo, omo basĩrĩkanĩ bosĩ; nʼabasĩrĩkanĩ mobatibita erĩhĩka eBetĩsĩta ebwanga bwʼeZerera, erĩhĩka oko mutano wʼeAbelĩ-mehola, hakũhĩ nʼeTabata.

Abatswerĩ 8:12

Omugulu Zeba na Salmũna batibita; Gĩdeonĩ mwakwamabo; neryo mwahamba abami babiri bʼeMĩdĩanĩ, Zeba na Salmũna, neryo mwakĩnda abasĩrĩkanĩ babo bosĩ.

1 Samwelĩ 30:16

Neryo abere abĩkolyabo eyĩkwa eyo, lebaya, ibamabiyisanza ehosĩ oko kitaka, ibakalya nʼerĩpũlya, nʼerisata, busana nʼebinyegwa bingi ebyosĩ bahũnga omo kihugo kyʼAbafĩlĩstĩnĩ, nʼomo kihugo kya Yũda.