Ĩsaya 9:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Abandu abakalendera omo mwĩrĩmya basyalangira ekyakakala kinene. Ababya bĩkere omo kihugo kyʼekyũtsũtsũ kyʼoluholo, ekyakakala kyasyakolerya kubo.

Ĩsaya 9:2 Iomraidhean Croise

Yobũ 10:21

Isindinaya eyo, sindiendisyasubula, Oko kihugo kyʼomwĩrĩmya nʼekyʼekyũtsũtũ kĩkalĩre;

Esyonyimbo 107:10

Abandi babya bĩkere omo mwĩrĩmya nʼomo mũhĩndanĩa, Abandu bʼomũlĩkĩ ibakagalawa omo mahulula,

Esyonyimbo 107:14

Mwahũlũkyabo omo mwĩrĩmya wabo nʼomo mũhĩndanĩa wabo, Kandi mwatsũtsanga amahulula wabo.

Esyonyimbo 23:4

Nomo nangalaba omo musya wʼomwĩrĩmya owakalĩre, Sindiendisyubaha ebibi, kusangwa uli haguma nage; Omwĩgo wawe wʼomũlĩsya, nʼekĩbĩngyo kyawe byasyanyibika omo buholo.

Esyonyimbo 4:8

Ngandigotsera nʼeriyato omo buholo, Kusangwa uwe Mwami Mukulu ĩwowene ukaleka ĩnĩkala butsira eriubaha.

Ĩsaya 50:10

Nindi omo katĩkatĩ kenyũ oyukubaha Omwami Mukulu, oyũkowa omulenge wʼomugombe wuwe kwehĩ? Oyukagenda omo mwĩrĩmya, isiawite ekyakakala kwehĩ? Ayiketere erĩna lyʼOmwami Mukulu, ayisinge Nyamuhanga wuwe.

Ĩsaya 60:19

Eryuba siryendisyaswabyg ekyakakala kyawe omo musibo, Kutse omukera siendisyaswakuha ekyakakala mo mubano. Nĩkwa Omwami Mukulu asyabya kuwe ekyakakala kyʼerikota, Na Nyamuhanga wawe asyabya lukengerwa lwawe.

Ĩsaya 9:1

Nĩkwa obũlĩma-lĩma sibwendisyabya busana nʼoyo wabya omo bũlĩge. Oko mugulu wʼerĩmbere mwapona ekihugo kya Zebũlũnĩ nʼekihugo kya Nafũtalĩ, nĩkwa oko mugulu wʼenyũma asyayirakyo mo kyʼolukengerwa, omo nzira yʼengetsi, eyisirya wʼeYorodanĩ, eGalĩlaya yʼEbihanda.

Amosĩ 5:8

Oyo wahangika eKĩlĩmĩa nʼeOrĩonĩ, nʼeribindula omwʼĩrĩmya owakalĩre eribya ngyakya-ngyakya, nʼerĩhĩra eritungi mo mwĩrĩmya wʼekiro; oyukabirikira amagetsi wʼengetsi erĩũtago oko bulambo bwʼekitaka, Omwami Mukulu lyo lĩna liwe.

Matayo 4:16

Abandu abĩkere omo mwĩrĩmya, Mobalangira ekyakakala kinene! Kandi busana nʼabĩkere omo kihugo nʼomo kyũtsũtsũ kyʼoluholo, Ekyakakala kyamakoleryabo!

Luka 2:32

Ekyakakala kyʼerĩkangya enzira yawe oko Bihanda, Nʼeriha olukengerwa oko bandu bawe Ĩsraelĩ.

Yoane 12:35

Neryo Yesu mwabwirabo ati, Ekyakakala kikine kandi omo katĩkatĩ kenyũ oko katambĩ kake. Mulendere omugulu mukine nʼekyakakala ekyo, omwĩrĩmya siabatange. Oyukalendera omo mwĩrĩmya sĩasĩ eyo akaya.

Yoane 12:46

Nabĩrĩhĩka muna-kihugo ngʼekyakakala, neryo oyũkanyĩkĩrĩraya sĩasyĩkala omo mwĩrĩmya.

Yoane 8:12

Kandi Yesu mwaswabũga nabo ati, Ingye indi kyakakala kyʼekihugo. Oyukanyikwama siendisyalendera omo mwĩrĩmya, nĩkwa asyabya nʼekyakakala kyʼengebe.

AbanyaEfeso 5:8

Kera mwabya omo mwĩrĩmya, nĩkwa lino muli omo kyakakala kyʼomukama. Neryo musibe ngʼabana bʼekyakakala.

1 Petero 2:9

Nĩkwa ĩnywe muli kihanda ekyayisogawa, abahererĩ bʼobwami, ekihanda kĩbũyĩrĩre, abandu ba Nyamuhanga, imwatoka erĩkangya emĩbĩrĩ mibuya ya Nyamuhanga, oyo wababirikira erĩlũa omo mwĩrĩmya nʼeriingira omo kyakakala kiwe kyʼeriswekera.

Abatswerĩ 5:30

Sibetabanabyo, sibetagaba ebyanyega­wa kwehĩ? Omwana-muto, abana-bato babiri oko buli mundu wʼamalwa; Ebinyego byʼesyongimba miringomiringo busana na Sĩsera, Ebinyego byʼolukimba lwʼerangĩ olũsonĩre, Ebinyego byʼesyongimba esĩtsotsĩre oko mbande ĩbĩrĩ, Oko bĩkya byʼoyũkahũnga kwehĩ?