Ĩsaya 8:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Neryo lino, lebaya, Omukama akahetũkĩrayabo amagetsi wʼolũsĩ Efũratĩ, awakalĩre nʼamangi, oyo ni mwami wʼeAsũrĩa nʼolukengerwa luwe losĩ. Nalo lwasyasa nʼerilaba omo syonzira syalo syosĩ, nʼeritswaga oko mikyingyi yalo yosĩ.

Ĩsaya 8:7 Iomraidhean Croise

Enzũko 6:17

Neryo nage, lebaya, ngaleta erigunga lyʼamagetsi oko kihugo, erĩherya, ebyosĩ ebikahumula ebiri nʼengebe omwisi wabyo eyĩkwa oko bũtũkũ. Obuli kindu kiri omo kihugo kyasyahola.

2 Abami 19:32

Neryo Omwami Mukulu akabũga busana nʼomwami wʼeAsũrĩa ati, Siendisyingira omo mũyĩ oyũ, kutse erilasa omusoha aho, kutse sĩendĩsyahĩka embere syago nʼengabo, kutse sĩendĩsyahanganĩa ekilundo kyʼekitaka kugo.

Ezera 4:10

nʼebindi bihanda ebyo Osĩnaparĩ, wʼomukulu nʼowʼerĩsĩkĩbwa, aleta nʼerĩhĩra omo mũyĩ wʼeSamarĩa, nʼomo kindi kihugo eyisirya oko lũsĩ lwʼeEfurata.

Esyonyimbo 46:4

Hali olũsĩ olukaleta obutseme oko mũyĩ wa Nyamuhanga. Nʼoko nyũmba ĩbũyĩrĩre yʼOwendata Kutsibu.

Esyonyimbo 72:8

Obwami buwe bwasyahĩka oko ngetsi nʼoko yindi ngetsi, Erĩtsũka oko Lũsĩ Efũratĩ nʼerĩhĩka oko ndũlĩ syʼekihugo.

Ĩsaya 10:16

Busana nʼekyo Omukama, Omwami Mukulu wʼemilondo, asyatuma akabonde omo katĩkatĩ kʼesyombangĩ siwe; nʼomo mwanya wʼolukengerwa luwe omuliro asyaka ngʼeriaka lyʼekirimi kyʼomuliro.

Ĩsaya 10:5

Obũlĩge oko Asũrĩa, omũtso wʼerihitana lyage, engonĩ eyiri omo byala biwe ni ʼhitana lyage!

Ĩsaya 11:15

NʼOmwami Mukulu asyaherya ekihande kyʼengetsi yʼeMĩsĩrĩ, nʼomwʼihunga liwe erĩkahĩsaya, asyahũnga-hũngya ebyala biwe oko Lũsĩ Efũratĩ, kandi asyaswĩryalo iniagabalo mo nyũsĩ sirinda, nʼerireka abandu ibasoka ahũmĩre.

Ĩsaya 28:15

Kusangwa mwabĩrĩbũga muti, Twabiriyira endagano nʼoluholo, twabirisakana nʼeKũlĩmũ. Omugulu ekĩhũnzo kyʼeribwaga kyasyalaba, sikyendĩsyatũhĩkako; kusangwa twabiriyira amabehĩ eribya busayiro bwetu, kandi twabĩrĩyĩbĩsa omwʼĩtebya.

Ĩsaya 28:17

Nage nasyayira eritswera omo lukoba lwʼerirengako, nʼeritunganene omo lulengo. Neryo amatwa asyakumulira hali obusayiro bwʼamabehĩ, nʼamagetsi asyabwagira ahʼerĩbĩsama.

Ĩsaya 28:2

Lebaya, Omukama awite mundu muguma wʼobũtokĩ nʼowʼamaka. Ngʼembũla yʼamatwa, ekihunga kyʼerĩherya, ngʼomuyaga wʼamagetsi mangi awakabwaga, kwʼasyamugusayo atya ahisi omo byala biwe erĩhĩka oko kitaka.

Ĩsaya 43:2

Omugulu ukalaba omo magetsi, nasyabya haguma nawe, nʼerilaba omo syonyũsĩ, sisyendisyakubwayirako. Omugulu ukalaba omo muliro siwendisyahya, kutse ekirimi kyʼomuliro sĩkyendĩsyakũhĩsya.

Ĩsaya 59:19

Neryo basyubaha batya erĩna lyʼOmwami Mukulu erĩtsũka eyo eryuba likalengera, nʼolukengerwa luwe erĩtsũka eyo eryuba likahuluka, kusangwa asyasa ngʼomũgũmba wʼolũsĩ olo erihunga lyʼOmwami Mukulu lĩkakũna.

Ĩsaya 7:17

Omwami Mukulu asyakuletako, nʼoko bandu bawe, nʼoko kĩtũnga kya tata wawe omwami wʼeAsũrĩa, ebiro bingaha ebite byahĩka erĩtsũka ekiro Efũraĩmũ ayigaba oko Yũda.

Ĩsaya 7:20

Nʼoko kiro ekyo Omukama asyasĩsa omo lugembe olũgũlĩre omo bihugo eyisirya oko Lũsĩ Efũratĩ, yo mwami wʼeAsũrĩa, naye asyasĩsa omutwe, nʼobweya bwʼebisando, kandi asyasĩsa esyonderũ.

Yeremĩa 47:2

Omwami Mukulu ati, Lebaya, amagetsi asyahuluka akalũa elutambi lwʼendata, nago asyabya ngʼolũsĩ olukabwaga, nago asyabwagira omo kihugo nʼoko byosĩ ebirimo, nʼomũyĩ nʼabĩkere mugo. Nʼabalume basyalaka, nʼesyondũlanĩ syosĩ syʼekihugo syasyalira.

Yeremĩa 51:42

Engetsi yamahetukira eBabelĩ. Yamaswikwa nʼerigunga lyʼebisunda byayo.

Ezekĩelĩ 26:19

Kusangwa Omukama Iye Omwami Mukulu ati, Omugulu nasyakuyira mo kĩma kyʼomũyĩ, ngʼemĩyĩ eyite ko bandu, omugulu nasyakuleta kwʼemirindi, nʼamagetsi manene asyakũkũnĩngĩra,

Danĩelĩ 11:10

Neryo abagala buwe basyalwa nʼerĩhĩndanĩa haguma endeko nene yʼemilondo mingi; neryo omuguma wabo asyalaba nʼeritwangana atoke erilwa nʼerĩhĩka ahakongotere hʼOmwami wʼelutambi lwʼeYĩkwa.

Danĩelĩ 11:22

Nʼemilondo yʼamalwa yasyalũsĩbwa embere siwe nʼerĩkĩndwa, nʼomunyamwami wʼendagano nibya.

Danĩelĩ 9:26

Neryo enyũma wʼamayenga makũmĩ ndatu nʼawabiri, Mesĩa asyalũsĩbwaho, isiendisyabya nʼekindu; nʼabandu bʼomunya-mwami oyo wasyasa, basyaherya omũyĩ nʼahabũyĩrĩre. Nʼendũlĩ yago yasyabya erigunga lyʼamagetsi, nʼerĩhĩka oko ndũlĩ hasyabya amalwa; emilala yabiritegekwa.

Amosĩ 8:8

Ekihugo sikyendisyatitimana busana nʼekĩ, nʼobuli mundu oyo wĩkere mukyo eririra kwehĩ? Ega, kyasyahangana ekyosĩ ngʼolũsĩ lwʼeNĩlĩ, kandi kyasyagusangwa nʼerihotoka kandi, ngʼolũsĩ lwʼeNĩlĩ lwʼeMĩsĩrĩ.

Amosĩ 9:5

Neryo Omukama, Omwami Mukulu Wʼemilondo, yo yũkatũla oko kitaka ikyasendekerera, nʼabosĩ abĩkere mukyo basyalira; nakyo ekyosĩ kikayisumba ngʼolũsĩ lwʼeNĩlĩ, kandi kyasyahotoka ndeke ngʼolũsĩ lwʼeNĩlĩ lwʼeMĩsĩrĩ.

Mĩka 1:9

Kusangwa ebironda byago sibyangatoka erĩlamĩbwa; kusangwa byabĩrĩhĩka eYũda; bĩkahĩka oko lũkyo lwʼabandu bage, erĩhĩka eYerũsalema.

Mĩka 5:4

Naye asyahangana, asyalĩsya ekihangulo kiwe omo maka wʼOmwami Mukulu, omo lukengerwa lwʼerĩna lyʼOmwami Mukulu Nyamuhanga wuwe. Nabo basyĩkalaho; kusangwa oko mugulu oyo asyabya mukulu erĩhĩka oko syondũlĩ syʼekihugo.

Mĩka 5:5

Omwami Mukulu asyabya buholo bwetu. Omugulu Omũsũrĩa asyabya akasa omo kihugo kyetu, nʼomugulu asyalyatangirira ebikali byetu, neryo twasyamũhanganĩrya abalĩsya balinda nʼabandu bakulu munani.

Nahũmũ 1:8

Nĩkwa omwʼigunga lyʼeribwaga asyabuga abakalwa naye, kandi asyahigira esyonzĩgũ siwe omo mwĩrĩmya.

Luka 6:48

Asosĩre ngʼomundu wahĩmba enyũmba: mwatakula omwisi mo hali neryo mwahĩra ekibanza okwʼĩbwe. Neryo omugulu erigunga lyʼamagetsi lyasa, olũsĩ molwayĩswĩrya oko nyũmba eyo neryo molutatoka erĩsũka-sũkanĩayo, kusangwa yabya yĩhĩmbĩre ndeke-ndeke.

Eribisurirwa 17:15

Neryo omũlaĩka mwambwira ati, Amagetsi ago walangira, ago mũkalĩ mũmalaya ĩkereko, ni bandu, nʼesyondeko, nʼebihanda, nʼemĩbũge.