Ĩsaya 8:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Ubohe erĩtũlago, ũhĩre ekĩbohĩ oko migambo omo katĩkatĩ kʼabiga bage.

Ĩsaya 8:16 Iomraidhean Croise

2 Abami 11:12

Neryo mwahũlũkya omugala wʼOmwami, kandi mwamũhĩra kwʼembĩta, kandi mwamuha erĩtũlago lyʼemigambo, mobamuyira mo mwami, nʼerĩmũhakabya amagũta; neryo mobakangatira ebyala, bati, Omwami akote!

Esyonyimbo 25:14

Omwami Mukulu nĩ mwĩra wʼabandu abakamukenga, Kandi akakangĩrĩrayabo endagano yiwe.

Ĩsaya 50:4

Omukama Omwami Mukulu abirinyiha olulimi lwʼomwiga, inabana eriminya erĩsĩkya oyukaluha omo kĩnywa. Akanyĩbũkaya obuli ngyakya akabũkaya okũtũ kwage erihulikirira ngʼomwiga.

Ĩsaya 54:13

Nʼabagala bawe bosĩ basyakangĩrĩrĩbwa nʼOmwami Mukulu, nʼobuholo bwʼabagala bawe bwasyabya bungi.

Ĩsaya 8:20

Okwʼĩkangĩrĩrya nʼokwʼĩtũlago! Bamatĩndabũga ngʼekĩnywa ekĩ, ni kusangwa sibawite eryibuka.

Danĩelĩ 12:4

Nĩkwa uwe Danĩelĩ, ũbĩse ebĩnywa ebĩ, kandi ũkũmbe ekitabu erĩhĩka oko mugulu wʼendũlĩ yʼemigulu. Abandu bangi basyalaba eyĩ nʼeyĩ, nʼeriminya lyasyakanyirira.

Danĩelĩ 9:24

Amayenga makũmĩ alinda abirihamulwa busana nʼabandu bawe, nʼoko mũyĩ wawe abũyĩrĩre eribuga amalolo nʼeribuga ebibi, nʼerireta embanulo busana nʼebibi, nʼerireta eritunganene rya kera na kera, nʼerĩhĩra ekĩbohĩ okwʼilota nʼobũmĩnyererĩ, nʼerĩhakabya amagũta ahabũyĩrĩre kutsibu.

Matayo 13:11

Neryo Yesu mwasũbĩryabo ati, Ĩnywe mwabirihabwa eriminya erĩkũmbo lyʼobwami bwʼelubula, nĩkwa abandi sibetahabwa eriminyalyo.

Mariko 10:10

Neryo babere babisuba omo nyũmba, abiga mobabũlya Yesu busana nʼomwatsi oyo.

Mariko 4:34

Kandi mwatabũga nabo atetwĩrabo mũsyo; nĩkwa omugulu abya nʼabiga buwe, mwakũmbũlĩrabo emyatsi yosĩ.

1 AbanyaKorinto 2:14

Nĩkwa omundu oyutawite Omũlĩmũ sialitoka eribana olũsũnzo olũkalũa oko Mũlĩmũ. Kandi sialiminyalo kusangwa ni myatsi yʼobũkĩrũ busana naye. Kusangwa endũndĩ yalo ikasohawa omo menge wʼOmũlĩmũ.

Eryibuka Ebihano 4:45

Erĩ nĩ ʼtũlago, nʼemigambo, nʼebilayiro ebyo Musa abwira abana ba Ĩsraelĩ, omugulu balũa eMĩsĩrĩ,

AbaEbrania 3:5

Neryo Musa abya butsira eriregula ngʼomugombe omo nyũmba yosĩ ya Nyamuhanga; Musa mwatũla emyatsi eyo Nyamuhanga akasyabũga enyũma.

Eribisurirwa 10:4

Neryo omugulu emĩlũmo irinda yʼobũtũkũ yamabĩlũma, nabya ngasonda erisaka. Nĩkwa monowa omulenge akalũa elubula ati, Uyire emyatsi eyo emĩlũmo irinda ĩkabĩbũga mwʼĩkũmbo, susakeyo!

Eribisurirwa 19:10

Neryo monatũlama ahisi embere syʼebisando biwe erĩmũramya. Naye mwabũga nage ati, Sukole utya! Ĩngye indi mugombe mũlĩkyenyũ haguma nawe, nʼabalĩkyenyũ abakatũla omwatsi wa Yesu. Ũramaye Nyamuhanga! Kusangwa erĩtũla omwatsi wa Yesu nĩ kĩrĩmũ kyʼeriminyerera.

Eribisurirwa 2:17

Oyuwite amatwĩ, owe ebyo Mũlĩmũ akabwira esyokanĩsa! Oyũkakĩnda, nasyamuha oko mana awabĩsĩre. Kandi nasyamuha erĩbwe lyeru-lyeru, erĩsakĩreko erĩna lihya-lihya, erĩtasĩbwe nʼomundu yo nʼoyukangiriralyo.

Eribisurirwa 5:1

Kandi monalangira ekitabu omo byala byʼamali byʼoyo wĩkere oko kĩtũmbĩ kyʼobwami. Ekitabu ekĩ Ĩkĩsakĩre oko syombande ĩbĩrĩ, omwisi nʼenyũma, kandi ĩkĩmatĩre omo bĩbohĩ birinda.

Eribisurirwa 5:5

Nĩkwa omuguma gʼoko bakulu mwabũga nage ati, Uleke eririra, lebaya! Endale yʼekihanda kya Yũda, Omwitsikulu wa Dawĩdĩ, abĩrĩkĩnda, atoke erisanzula ekitabu, nʼerĩtwa ebĩbohĩ birinda.