Ĩsaya 7:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ NʼeSamarĩa ni mutwe wa Efũraĩmũ, kandi mugala wa Remalĩa ni mutwe wʼeSamarĩa. Mwamatendĩkĩrĩrya, kwenene sĩmwendĩsyahanganĩbwa.

Ĩsaya 7:9 Iomraidhean Croise

2 Abami 15:27

Omo mwaka wʼamakũmĩ atanu nʼeyĩbĩrĩ wa Azaria omwami wa Yũda, Peka mugala wa Remalĩa mwatsũka eribya mwami oko Ĩsraelĩ eSamarĩa, mwatabala emyaka makũmĩ abiri.

2 Emyatsi yʼEmigulu 20:20

Nʼengyakya-ngyaka mobahangana nʼeriya omo mbwarara yʼeTekoa; nabo babere bakahuluka, Yosafatĩ mwahangana mwabũga ati, Uwe Yũda nʼesyondũlanĩ syʼeYerũsalema munyihulikirire; mwĩkĩrĩraye Omwami Mukulu Nyamuhanga wenyũ, ko mwasyahanganĩbwa mutya. Mwĩkĩrĩraye abamĩnyererĩ buwe, neryo mwasyabana erĩsĩngana.

Ĩsaya 28:1

Obũlĩge oko kakĩra kʼeriyiheka lyʼabakũndĩrya ba Efũraĩmũ, nʼoko musanga owakuma wʼobubuya buwe bʼolukengerwa, ebiri oko mutwe wʼomusya owabogĩre wʼabandu abakakĩndawa nʼebĩnyũ!

Ĩsaya 5:24

Neryo ngʼekirimi kyʼomuliro ko kikalya esyombuba, kandi ngʼobunyatsi bũmĩre bukawa omo kirimi kyʼomuliro, ko mũlĩhĩ wabo asyabya ngʼerihonda, nʼomusanga wabo asyaguluka ngʼolũtũtũ. Kusangwa babirigana emigambo yʼOmwami Mukulu wʼemilondo, kandi babiripona ekĩnywa kyʼOyũbũyĩrĩre wa Ĩsraelĩ.

Ĩsaya 7:10

Kandi Omwami Mukulu mwaswabũga na Ahazĩ ati,

Ĩsaya 7:4

Umubwire uti, Ũtegaye, Ubye bũkũtũ; subahe, kutse omutima wawe sialembere, busana nʼemikira ĩbĩrĩ yʼebĩsĩnganĩkya ebĩkatũmba, busana nʼerihitana lĩkalĩre lya Rezĩnĩ nʼeSũrĩa, nʼomugala wa Remalĩa.

Ĩsaya 8:4

Kusangwa omwana oyo asyabya ate aminya erĩbũga ati, Tata wage, na Koyo wage, ebindu byʼeDamasekĩ nʼeminyego yʼeSamarĩa byasyahekerwa embere syʼOmwami wʼeAsũrĩa.

Ĩsaya 9:9

Nʼabandu bosĩ basĩkyo, Efũraĩmũ nʼesyondũlanĩ syʼeSamarĩa, abakabũga omwʼiyiheka nʼomo butsibu bwʼomutima bati,

Yeremĩa 43:2

neryo Azaria mugala wa Hosaya, na Yohananĩ mugala wa Karea, nʼabandu bosĩ abayipipa mobabwira Yeremĩa bati, Ũkabũga amabehĩ! Omwami Mukulu Nyamuhanga wetu mwatakutuma erĩbũga ati, Simusyegenda eMĩsĩrĩ erĩĩkalayo.

Mĩka 1:5

Busana nʼerĩhalya lya Yakobo ko liri ritya, na busana nʼebibi byʼekihanda kya Ĩsraelĩ. Erĩhalya lya Yakobo ni ryahi kwehĩ? Si ye Samarĩa kwehĩ? Nʼahendata hʼeYũda ni hayi kwehĩ? Si ye Yerũsalema kwehĩ?

Emibiri 27:11

Nĩkwa omukulu wʼabasĩrĩkanĩ erĩgana mwalĩga ebĩnywa byʼomũsondolĩ wʼobwato, nʼomwenye obwato, kwilaba ebĩnywa Paũlo abũga.

Emibiri 27:25

Neryo ĩnywe balume, muhande emitima yenyũ! Kusangwa nyĩkĩrĩrye Nyamuhanga, ko binemwendisyabya bitya ngoko indiabwirawa.

AbanyaRoma 11:20

Kwenene, nĩkwa moyatahulwa busana nʼerĩtendĩkĩrĩrya lyabo, nawe ukabyamo busana nʼerĩkĩrĩrya lyawe. Subye ukayiheka, nĩkwa ubahe.

AbaEbrania 11:6

Kandi ahate erĩkĩrĩrya omundu siangatoka erĩtsemesya Nyamuhanga, kusangwa litolere oyũkahĩka uku Nyamuhanga ĩnĩkĩrĩrya ko Nyamuhanga aneho, kandi kwʼakahemba abakamusonda-sonda.

1 Yoane 5:10

Oyũkĩkĩrĩraya Omugala wa Nyamuhanga awite erĩtũlago omo mutima wuwe; nʼoyũtĩkĩrĩraya Nyamuhanga, abirimuyira mo mũbehĩ, kusangwa sĩalĩtĩkĩrĩrya omwatsi ogo Nyamuhanga abĩrĩtũla busana nʼomugala wuwe.