Ĩsaya 7:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Kusangwa omutwe wʼeSũrĩa ni Damaseke, nʼomutwe wʼeDamaseke nĩ Rezĩnĩ. Nʼomo myaka makũmĩ ndatu nʼeyĩtanu (65) Efũraĩmũ asyabũnangwa mo bitswe-bitswe, isiendisyaswabya kihanda.

Ĩsaya 7:8 Iomraidhean Croise

Enzũko 14:15

Neryo Abramu mwagabanĩa abagombe buwe omo kiro, neryo mwĩta esyonzĩgũ esyo, kandi mwakwamirirabo erĩhĩka eHoba, eyiri oko luhande lwʼamalembe lwʼeDamasĩkĩ.

2 Samwelĩ 8:6

Neryo Dawĩdĩ mwahĩra abateya omo Sũrĩa yʼeDamaseke; nʼAbasũrĩa mobabya bagombe ba Dawĩdĩ, mobahaka omuhako. NʼOmwami Mukulu mwakĩndĩsya Dawĩdĩ ehosĩ aya.

Ezera 4:2

Mobasegera hakũhĩ na Zerũbabelĩ, nʼabakulu bʼebĩtũnga byʼabotata, mobabwirabo bati, Mũtũlĩgĩre erĩhĩmba haguma nenyũ; kusangwa tukasonda-sonda Nyamuhanga wenyũ, nga nywe; netu twabya tukamuhongera erĩtsũka oko biro bya Esarĩ-hadonĩ omwami wʼeAsũrĩa, oyo watuleta eno.

Ĩsaya 8:4

Kusangwa omwana oyo asyabya ate aminya erĩbũga ati, Tata wage, na Koyo wage, ebindu byʼeDamasekĩ nʼeminyego yʼeSamarĩa byasyahekerwa embere syʼOmwami wʼeAsũrĩa.

Ĩsaya 9:11

Busana nʼekyo, Omwami Mukulu asyahanganĩa esyonzĩgũ sĩkalũa ewa Rezĩnĩ erilwa naye, kandi asyalwĩsĩsanĩa esyonzĩgũ syabo,

Ĩsaya 9:9

Nʼabandu bosĩ basĩkyo, Efũraĩmũ nʼesyondũlanĩ syʼeSamarĩa, abakabũga omwʼiyiheka nʼomo butsibu bwʼomutima bati,

Yeremĩa 49:23

Busana nʼeDamasekĩ. Hamatĩ na Arpadĩ bamahemuka, kusangwa babĩrĩowa engulu nyibi, emitima yabo ĩkalũa omo nda. Hali obũlĩge oko ngetsi. Siritoka eritekana.

Ezekĩelĩ 27:18

Damasekĩ abya mũtũndĩ wawe busana nʼobungi bwʼobũsokĩ bwawe, kandi busana nʼobungi bwʼemĩsĩndo yosĩ yʼebindu busana nʼebĩnyũ byʼeHelbonĩ, nʼobweya bwʼembũlĩ bweru-bweru.

Hosea 13:1

Omugulu Efũraĩmũ abũga, mohabya erititimana; iye mwayĩhamya omo Ĩsraelĩ; nĩkwa omugulu ahalaya omo Baalĩ, neryo mwahola.