Ĩsaya 7:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Tuhetuke, eriyalwa na Yũda, nʼerĩũbahyago tuyire busana netu ekyũna omo syombĩmbo syako, tũhanganayemo omwami, ye mugala wa Tabeelĩ.

Ĩsaya 7:6 Iomraidhean Croise

1 Abami 12:16

Neryo omugulu Abaĩsraelĩ bosĩ balangira ngoko mwami sĩalĩtowabo, abandu mobasũbĩrya omwami bati, Tuwite erĩgabo lyahi uku Dawĩdĩ kwehĩ? Kandi situwite mwandu uku mugala wa Yese; ĩnywe Baĩsraelĩ, muye omo mahema wenyũ; na lino, uwe Dawĩdĩ, Ũlebaye ekĩtũnga kyawe ĩkyokyene. Neryo Abaĩsraelĩ mobasuba omo mahema wabo.

2 Abami 11:2

Nĩkwa Yehoseba, mwali wʼOmwami Yoramũ, mwali wabo Ahazĩa, mwĩmya Yoasĩ mugala wa Ahazĩa, mwamwĩba omo katĩkatĩ kʼabagala bʼomwami abĩtawa, iye, nʼomũlemberĩ wuwe, mwahĩrabo omo kyumba kyʼerigotseramo; mobamũbĩsa uku Atalia, kyaleka ĩnĩatakwa.

2 Emyatsi yʼEmigulu 13:8

Na lino mũkaganĩraya erĩkakĩrya obwami bwʼomwami Mukulu omo byala byʼabagala ba Dawĩdĩ; nenyũ muli ndeko nene, kandi muwite ebyana byʼesyonde byʼesyamagetsi ebyo Yeroboamũ akokotaya busana nenyũ eribya esyonyamuhanga.

2 Emyatsi yʼEmigulu 21:7

Nĩkwa Omwami Mukulu mwatanza erĩherya ekĩtũnga kya Dawĩdĩ, busana nʼendagano eyo ayira na Dawĩdĩ, ngoko alaga erimuha nʼabana buwe eritabala kera na kera.

2 Emyatsi yʼEmigulu 28:5

Busana nʼekyo, Omwami Mukulu Nyamuhanga wuwe mwamũhĩra omo byala byʼOmwami wʼeSũrĩa; nabo mobamwĩta, mobamũhũngako endeko nene yʼabanyegwa, mobaletabo eDamasekĩ. Kandi mwahĩrwa omo byala byʼOmwami wʼAbaĩsraelĩ, oyo wamwĩta nʼerĩĩta lĩnene.

Esyonyimbo 21:11

Mobayĩsũnza erikukola nabi, nʼeriya embĩta, Mobaganĩrya amenge ago batatoka erikola. Nĩkwa sibendisyatoka.

Esyonyimbo 83:3

Bakaya embĩta erilwa nʼabandu bawe; Bakakanaya haguma erilwa nʼabo ukalembera.

Emĩsyo 19:21

Hali erihimbika lingi omo mutima wʼomundu; Nĩkwa erihana lyʼOmwami Mukulu lyasyahangana.

Ĩsaya 7:1

Neryo oko biro bya Ahazĩ mugala wa Yotamũ, mugala wa Ũzĩa, omwami wʼeYũda, Rezĩnĩ omwami wʼeSũrĩa, na Peka mugala wa Remalĩa, omwami wʼeĨsraelĩ, mobahetuka eriyalwa nʼeYerũsalema, nĩkwa mobatatoka erĩkĩndago.

Ĩsaya 7:5

Kusangwa eSũrĩa, Efũraĩmũ, nʼomugala wa Remalĩa, babiriya embĩta nyibi busana nawe, bati,

Ĩsaya 7:7

Omukama Omwami Mukulu ati, Ekyo sikyendisyahangana, kutse sikyendisyabya.

Ĩsaya 8:6

Kusangwa abandu aba babirigana amagetsi wʼeSĩloa awakasenda bolo-bolo, ibakatsemera Rezĩnĩ, nʼomugala wa Remalĩa.