Ĩsaya 7:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Umubwire uti, Ũtegaye, Ubye bũkũtũ; subahe, kutse omutima wawe sialembere, busana nʼemikira ĩbĩrĩ yʼebĩsĩnganĩkya ebĩkatũmba, busana nʼerihitana lĩkalĩre lya Rezĩnĩ nʼeSũrĩa, nʼomugala wa Remalĩa.

Ĩsaya 7:4 Iomraidhean Croise

2 Abami 15:27

Omo mwaka wʼamakũmĩ atanu nʼeyĩbĩrĩ wa Azaria omwami wa Yũda, Peka mugala wa Remalĩa mwatsũka eribya mwami oko Ĩsraelĩ eSamarĩa, mwatabala emyaka makũmĩ abiri.

2 Emyatsi yʼEmigulu 20:17

Ĩnywe simwendisyalwa omo malwa aya; muyiteke, muhangane, mulangire erĩlamya lyʼOmwami Mukulu eriri haguma nenyũ, ĩnywe Bayũda nʼAbanya Yerũsalema; simubahe, kutse erĩhanga-hangya; omo ngyakya muhuluke kubo; kusangwa Omwami Mukulu ali haguma nenyũ.

Ĩsaya 10:24

Neryo Omukama Omwami Mukulu wʼemilondo, akabũga ati, ĩnywe bandu bage abĩkere eSĩonĩ, simubahe Omũasũrĩa, nomo angakũswĩrya omo ngonĩ, nʼerisumba omũtso wuwe erilwa nawe, ngoko eMĩsĩrĩ yakola.

Ĩsaya 30:15

Kusangwa Omukama Omwami Mukulu, Oyũbũyĩrĩre wa Ĩsraelĩ abĩrĩbũga ati, Omwʼibinduka nʼerireka ebibi, nʼeriluhuka mwasyalamĩbwa. Omwʼiyibombeka nʼeriyiketera ni maka wenyũ. Nĩkwa momũtalĩga.

Ĩsaya 30:7

Erĩwatĩkya lya Mĩsĩrĩ ni busa Siriri nʼendũndĩ, Kikaleka inamwahula mo Rahabũ, oyo wabĩrĩkwa.

Ĩsaya 35:4

Mubwire abandu bʼomutima owakasata muti, Mũsĩke, simubahe. Lebaya, Nyamuhanga wenyũ asyasa nʼerĩkĩsya, eririha lya Nyamuhanga lyasyahĩka, nĩkwa asyabalamya.

Ĩsaya 37:6

Na Ĩsaya mwabwirabo ati, Mukandibwira omukama wenyũ muti, Omwami Mukulu akabũga ati, Sigubahe ebĩnywa ebyo wabĩrĩowa, ebyo mwami wʼeAsũrĩa anyitsuma.

Ĩsaya 41:14

Sigubahe, uwe kihanda kya Yakobo, uwe munyole, nenyũ abalume ba Ĩsraelĩ simubahe. Omwami Mukulu ati, Ngandĩkũwatĩkya, nʼomũtongolya wawe, Oyũbũyĩrĩre wa Ĩsraelĩ.

Ĩsaya 7:1

Neryo oko biro bya Ahazĩ mugala wa Yotamũ, mugala wa Ũzĩa, omwami wʼeYũda, Rezĩnĩ omwami wʼeSũrĩa, na Peka mugala wa Remalĩa, omwami wʼeĨsraelĩ, mobahetuka eriyalwa nʼeYerũsalema, nĩkwa mobatatoka erĩkĩndago.

Ĩsaya 7:8

Kusangwa omutwe wʼeSũrĩa ni Damaseke, nʼomutwe wʼeDamaseke nĩ Rezĩnĩ. Nʼomo myaka makũmĩ ndatu nʼeyĩtanu (65) Efũraĩmũ asyabũnangwa mo bitswe-bitswe, isiendisyaswabya kihanda.

Ĩsaya 7:9

NʼeSamarĩa ni mutwe wa Efũraĩmũ, kandi mugala wa Remalĩa ni mutwe wʼeSamarĩa. Mwamatendĩkĩrĩrya, kwenene sĩmwendĩsyahanganĩbwa.

Ĩsaya 8:4

Kusangwa omwana oyo asyabya ate aminya erĩbũga ati, Tata wage, na Koyo wage, ebindu byʼeDamasekĩ nʼeminyego yʼeSamarĩa byasyahekerwa embere syʼOmwami wʼeAsũrĩa.

Ĩsaya 8:6

Kusangwa abandu aba babirigana amagetsi wʼeSĩloa awakasenda bolo-bolo, ibakatsemera Rezĩnĩ, nʼomugala wa Remalĩa.

Ekiriro 3:26

Ni kibuya omundu akalinda bũkũtũ, Busana nʼerĩlamya lyʼOmwami Mukulu.

Amosĩ 4:11

Omwami Mukulu ati, Nabĩrĩbatĩngĩtya ngoko natĩngĩtaya eSodomo nʼeGomora, nenyũ mwabya ngʼekĩsĩnganĩkya ekikatsagurawa omo muliro; nĩkwa simwetanyisubako.

Habakũkĩ 2:3

Kusangwa esyonzolĩ sikine busana nʼomugulu ategekawa, nasyo sikanguha erĩhĩka oko ndũlĩ yasyo, nasyo sisyendisyabiha; nomo syangalinda, ulindesyo; kusangwa sĩkandĩsyahĩka kwenene, sisyendisyamala.

Zekarĩa 3:2

Neryo Omwami Mukulu mwabwira Satanĩ ati, Omwami Mukulu akukunge, uwe Satanĩ! Ega, Omwami Mukulu oyo wabiriyisoga eYerũsalema akukunge! Oyũ si mutahi owapũrawa omo muliro kwehĩ?

Matayo 10:28

Kandi simubahe abakĩta omubiri, nĩkwa sibetoka erĩĩta omutima; nĩkwa kumbe mwangubaha Nyamuhanga oyukatoka erĩherya omutima nʼomubiri omo Kũlĩmũ.

Matayo 24:6

Mwasyowa engulu yʼamalwa nʼolombĩ lwʼamalwa; mũlebaye, simubahe. Emyatsi eyĩ itolere ĩyahĩka, nĩkwa endũlĩ isiriyaberwa.

Eryibuka Ebihano 20:3

asyabwirabo ati, Ĩnywe Baĩsraelĩ, mowe, mũkayĩtũnda hakũhĩ nʼerilwa nʼesyonzĩgũ syenyũ; omutima wenyũ sialembere; simubahe, kutse erititimana, kutse sĩmũkwe bo buba;

1 Samwelĩ 17:32

Neryo Dawĩdĩ mwabũga na Saũlo ati, Sihabye omundu oyukalembera kʼomutima busana naye; omugombe wawe akandiyalwa nʼOmũfĩlĩstĩnĩ oyũ.