Ĩsaya 7:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Kandi omugulu babwira ekĩtũnga kya Dawĩdĩ, bati, eSũrĩa yabirilagana na Efũraĩmũ. Neryo omutima wa Ahazĩ mwatitimana, nʼomutima wʼabandu buwe ngʼemiti yʼomũsĩtũ kwʼikatitimana omwʼihunga.

Ĩsaya 7:2 Iomraidhean Croise

2 Samwelĩ 7:16

Nʼekĩtũnga kyawe nʼobwami bwawe bũkandĩsyasĩkĩbwa na kera embere syawe; ekĩtũmbĩ kyawe kyʼobwami kyasyasĩkĩbwa kera na kera.

1 Abami 11:32

Nĩkwa asyabya nʼekihanda kiguma busana nʼomugombe wage Dawĩdĩ, na busana nʼeYerũsalema, omũyĩ ogo nayisoga omo bihanda byosĩ bya Ĩsraelĩ;

1 Abami 12:16

Neryo omugulu Abaĩsraelĩ bosĩ balangira ngoko mwami sĩalĩtowabo, abandu mobasũbĩrya omwami bati, Tuwite erĩgabo lyahi uku Dawĩdĩ kwehĩ? Kandi situwite mwandu uku mugala wa Yese; ĩnywe Baĩsraelĩ, muye omo mahema wenyũ; na lino, uwe Dawĩdĩ, Ũlebaye ekĩtũnga kyawe ĩkyokyene. Neryo Abaĩsraelĩ mobasuba omo mahema wabo.

1 Abami 13:2

Neryo omundu oyo mwabirikirira ekiherero omo kĩnywa kyʼOmwami Mukulu ati, Uwe kiherero, uwe kiherero, Omwami Mukulu ati, Lebaya, omugala asyabutwa busana nʼekĩtũnga kya Dawĩdĩ, erĩna liwe yo Yosĩa; nʼukʼuwe hasyahongerwa abahererĩ bʼahendata abakahĩsaya obukwa ukʼuwe, nʼamakũha wʼabandu basyahĩsĩrĩryago endata kuwe.

2 Emyatsi yʼEmigulu 25:10

Neryo Amazĩa mwasololabo, omulondo owamũhĩkako akalũa ewa Efũraĩmũ, basube ewabo. Busana nʼekyo erihitana lyabo molyakala kutsibu busana na Yũda, mobasuba ewabo ibahitene kutsibu.

2 Emyatsi yʼEmigulu 28:12

Neryo abandi bʼoko bakulu bʼabana ba Efũraĩmũ, ye Azaria mugala wa Yohana, na Berekĩa mugala wa Mesĩlĩmotĩ, na Yehĩzĩkĩa mugala wa Salumu, na Amasa mugala wa Ahadĩlaĩ, mobanegena nʼabalũa oko malwa,

Esyonyimbo 11:1

Ngasagira ewʼomwami Mukulu, Busana nakĩ ukambwira uti, Usagire oko bitwa ngʼenyonyũ.

Emĩsyo 28:1

Ababi bakatibita omugulu hate mundu ũkwamĩrebo; Nĩkwa abatunganene bawite obũbangĩ ngʼendale.

Ĩsaya 11:13

Neryo obũha bwa Efũraĩmũ bwasyalũaho, nʼababendereraya Yũda basyatindwa. Na Efũraĩmũ sĩendĩsyakwa Yũda yʼobũha, na Yũda sĩendĩsyendererya Efũraĩmũ.

Ĩsaya 22:22

Neryo ekĩboholĩ kyʼekĩtũnga kya Dawĩdĩ nasyahĩrakyo oko kitigo kiwe, omugulu akakingula, isihali oyo wasyakingaho, kandi omugulu akakingaho isihali oyo wasyakigulaho.

Ĩsaya 37:27

Busana nʼekyo esyondũlanĩ syabo syabya nʼamaka make, mobahanga-hangya nʼerihemulwa. Mobabya ngʼebiti byʼomolĩ, kandi ngʼebiti bibisi, ngʼebiti biri oko nyitwe, bikuma bite byakula.

Ĩsaya 37:35

Kusangwa nasyalwira omũyĩ oyũ nʼerĩlamyago, busana nage, na busana na Dawĩdĩ omugombe wage.

Ĩsaya 6:13

Nĩkwa hasyabya erĩgabo liguma lyʼokwʼĩkũmĩ mukyo, nalyo lyasyabya ekyangahĩsĩbwa, ngʼomuti wʼeterebĩntĩ, nʼomuti wʼomũalonĩ nʼendĩna yago ĩkasĩgala omugulu akakondawa embuto ĩbũyĩrĩre nĩ ndĩna yago.

Ĩsaya 7:13

Neryo mwabũga ati, Lino muhulikirire, ĩnywe kĩtũnga kya Dawĩdĩ! Ni mwatsi muke busana nenyũ erirenga eriyibombeka lyʼabandu, muti mukasonda erirenga eriyibombeka lya Nyamuhanga wage nibya kwehĩ?

Ĩsaya 7:17

Omwami Mukulu asyakuletako, nʼoko bandu bawe, nʼoko kĩtũnga kya tata wawe omwami wʼeAsũrĩa, ebiro bingaha ebite byahĩka erĩtsũka ekiro Efũraĩmũ ayigaba oko Yũda.

Ĩsaya 7:5

Kusangwa eSũrĩa, Efũraĩmũ, nʼomugala wa Remalĩa, babiriya embĩta nyibi busana nawe, bati,

Ĩsaya 8:12

Sũbũge uti, Nĩ mbĩta! Omo byosĩ ebyo abandu aba bakahula mo mbĩta. Kutse simubahe ebyo bakubaha, kutse eribya nʼobuba bwakyo.

Ĩsaya 9:9

Nʼabandu bosĩ basĩkyo, Efũraĩmũ nʼesyondũlanĩ syʼeSamarĩa, abakabũga omwʼiyiheka nʼomo butsibu bwʼomutima bati,

Yeremĩa 21:12

Omwami Mukulu ati, Uwe kĩtũnga kya Dawĩdĩ, Ukole erĩbanza litunganene obuli kiro, mũlamaye omundu oyo bahũngako oko byala byʼomũnũbya, erihitana lyage likasyahuluka ngʼomuliro erĩhĩsya, isihali oyo wangalĩmyago, busana nʼebibi byʼemĩbĩrĩ yabo.

Hosea 12:1

Efũraĩmũ akalya erihunga, akakwama erihunga lyʼendata emigulu yosĩ; akakanyaya amabehĩ nʼomwaga; kandi akayira endagano na Asũrĩa, nʼamagũta akatwalawa eMĩsĩrĩ.

Matayo 2:3

Omugulu omwami Herode owa ekĩ, mwahanga-hangya, nʼabandu bosĩ bʼeYerũsalema mobabya batya.