Ĩsaya 7:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Neryo oko biro bya Ahazĩ mugala wa Yotamũ, mugala wa Ũzĩa, omwami wʼeYũda, Rezĩnĩ omwami wʼeSũrĩa, na Peka mugala wa Remalĩa, omwami wʼeĨsraelĩ, mobahetuka eriyalwa nʼeYerũsalema, nĩkwa mobatatoka erĩkĩndago.

Ĩsaya 7:1 Iomraidhean Croise

2 Abami 15:25

Na Peka mugala wa Remalĩa, omukulu wuwe wʼemilondo mwaya embĩta erimuhotera, mwamwĩtĩra eSamarĩa, omo kikali kyʼenyũmba yʼOmwami, haguma na Argobĩ na Arĩe; nʼabandu bʼeGĩleadĩ makũmĩ atanu ababya haguma naye; neryo mwamwĩta, mwabya mwami omo mwanya wuwe.

2 Abami 15:27

Omo mwaka wʼamakũmĩ atanu nʼeyĩbĩrĩ wa Azaria omwami wa Yũda, Peka mugala wa Remalĩa mwatsũka eribya mwami oko Ĩsraelĩ eSamarĩa, mwatabala emyaka makũmĩ abiri.

2 Abami 15:37

Omo biro ebyo, Omwami Mukulu mwatsũka erituma Rezĩnĩ omwami wʼeSũrĩa, na Peka mugala wa Remalĩa erilwa na Yũda.

2 Abami 16:1

Oko mwaka wʼerĩkũmĩ nʼeyirinda wa Peka mugala wa Remalĩa, Ahazĩ mugala wa Yotamũ omwami wa Yũda mwatsũka eribya mwami.

2 Abami 16:5

Neryo Rezĩnĩ omwami wʼeSũrĩa na Peka mugala wa Remalĩa omwami wa Ĩsraelĩ mobahetukira eYerũsalema eriyalwa; mobagotera Ahazĩ, nĩkwa mobatatoka erĩmũkĩnda.

Ĩsaya 1:1

Obũlĩme bwa Ĩsaya mugala wa Amosĩ, obo alangira busana nʼeYũda nʼeYerũsalema, omo biro bya Ũzĩa, Yotamũ, Ahazĩ, na Hezekĩa, abami bʼeYũda.

Ĩsaya 8:6

Kusangwa abandu aba babirigana amagetsi wʼeSĩloa awakasenda bolo-bolo, ibakatsemera Rezĩnĩ, nʼomugala wa Remalĩa.

Ĩsaya 9:11

Busana nʼekyo, Omwami Mukulu asyahanganĩa esyonzĩgũ sĩkalũa ewa Rezĩnĩ erilwa naye, kandi asyalwĩsĩsanĩa esyonzĩgũ syabo,

Ezekĩelĩ 27:16

Sũrĩa abya omũtũndĩ wawe busana nʼobungi bwʼobũsokĩ bwawe. Mobaliha busana nʼebindu byawe omo zũmarĩdĩ, nʼolukimba lwʼekinyenze, nʼomũbĩrĩ wʼeritsotsa, nʼekĩtanĩ kibuya, nʼamarĩzanĩ, na akĩkĩ.

Hosea 1:1

Ekĩnywa kyʼOmwami Mukulu mokyahĩka uku Hosea, mugala wa Beerĩ, omo biro bya Ũzĩa, Yotamũ, Ahazĩ, na Hezekĩa, abami bʼeYũda, omo biro bya Yeroboamũ, mugala wa Yoasĩ, omwami wʼeĨsraelĩ.

Mĩka 1:1

Ekĩnywa kyʼOmwami Mukulu ekyahĩka uku Mĩka Omũmorasĩtĩ omo biro bya Yotama, Ahazĩ, na Hezekĩa, abami bʼeYũda, ekyo alangira omo nzolĩ busana nʼeSamarĩa nʼeYerũsalema.