Ĩsaya 66:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Nage nibya nasyayisoga erisuyirabo, kandi nasyaleterabo ebyo bakubaha. Kusangwa nabirikira, nĩkwa isihali oyo witaba. Monabũga, nĩkwa mobatahulikirira. Mobakolera ebibi omo meso wage, mobayisoga ebyo ndetsemera.

Ĩsaya 66:4 Iomraidhean Croise

2 Abami 21:2

Naye mwakola ekyabya kibi omo meso wʼOmwami Mukulu, ngʼebyʼesyonye syʼebihanda ebyo Mwami Mukulu ahiga embere wʼabana ba Ĩsraelĩ.

2 Abami 21:6

Kandi mwalabya mugala wuwe omo muliro, kandi mwalagula, mwakwama obusaki, kandi mwakola haguma nʼabawite esyombĩnga, nʼabakũmũ; mwakola ebibi binene omo meso wʼOmwami Mukulu, nʼerĩmũhĩtanĩa.

Esyonyimbo 81:12

Kyaleka inahabo erikwama esyonzira syabo esĩkalĩre, Nʼerikola ngoko banzĩre.

Emĩsyo 1:24

Kusangwa nabiribirikira, nenyũ mwabirigana; Nabirisanza ebyala byage, sihali omundu oyukatsomana;

Emĩsyo 10:24

Obuba bwʼababi bwasyamũhĩkako; Nʼabatunganene basyahabwa ebyo bakasonda.

Ĩsaya 50:2

Neryo busana nakĩ omugulu nasa mohatabya mundu kwehĩ? Omugulu nabirikira, busana nakĩ mohatabya mundu ũkanzũbĩraya kwehĩ? Kwʼebyala byage nĩ bĩkũhĩ muti sibyangatoka erĩtongolya kwehĩ? Kutse singwite maka wʼerĩlamya kwehĩ? Lebaya, omwʼikunga lyage ngũmĩrĩraya engetsi, ngayira esyonyũsĩ mo mbwarara. Esĩswĩ syamo sikakumba kusangwa sihali magetsi, sikahola omo nyota.

Ĩsaya 59:15

Ega, ekwenene ikabula. Nʼoyukaleka ebibi akayiyira mo munyego. Neryo Omwami Mukulu mwalangira ekyo, neryo mwatatsemesĩbwa kusangwa sihabya erĩbanza litunganene.

Ĩsaya 59:7

Ebisando byabo bikatibita oko bibi, bakanguha erĩũta omusasi ate nʼomusango. Obũlengekanĩa bwabo nĩ bũlengekanĩa bwʼebibi. Erĩtogotya nʼerĩherya biri ehosĩ bakaya.

Ĩsaya 65:12

Neryo nasyabalayirira omũyalĩ, nʼĩnywe bosĩ mwasyũnamira erĩĩtwa. Kusangwa nabirikira, nĩkwa momutitaba. Monabũga, momũtowa. Nĩkwa momwakola ebibi omo meso wage, kandi momwayisoga ebyo ndetsemera.

Ĩsaya 65:2

Nabĩrĩkanganĩa ebyala byage omo musibo gosĩ oko bandu bʼerihona, abakalendera omo nzira ĩtowene, ibakakwama amalengekanĩa wabo.

Ĩsaya 65:3

Ni bandu abakanyĩhĩtanaya ebiro byosĩ oko bũsũ bwage, abakahongera amahere omo malima, nʼerĩhĩsya obukwa oko matafalĩ.

Ĩsaya 65:7

Omwami Mukulu ati, Ebibi byenyũ nʼebibi byʼabotata wenyũ haguma. Kusangwa babĩrĩhĩsya obukwa oko bitwa, nʼerinyipona oko hitwa. Busana nʼekyo nasyalenga omũbĩrĩ wabo wʼerĩmbere omo bĩkũba byabo.

Yeremĩa 35:17

Busana nʼekyo, Omwami Mukulu, Nyamuhanga wʼemilondo, Nyamuhanga wʼeĨsraelĩ, ati, Lebaya, nasyaleta uku Yũda nʼoko syondũlanĩ syosĩ syʼeYerũsalema erĩkwa lyosĩ eryo nabĩrĩbũga busana nabo. Kandi kusangwa nabũga nabo, nĩkwa mobatowa. Nabirikirabo, nĩkwa sĩbetasũbĩrya.

Yeremĩa 7:13

Na lino, Omwami Mukulu ati, Kusangwa mwabirikola emĩbĩrĩ yosĩ eyĩ, nage monabũga nenyũ, eribuka omo ngyakya-ngyakya nʼerĩbũga, nĩkwa momũtowa, nage monababirikira, nĩkwa momutitaba.

Yeremĩa 7:30

Kusangwa Omwami Mukulu ati, Abana ba Yũda babirikola ekibi omo meso wage. Babĩrĩhĩra ebyʼesyonye omo nyũmba eyikahulawa oko lĩna lyage, erĩtsandyayo.

Ezekĩelĩ 11:8

Nĩkwa nasyabalũsya mugo. Mwabiriubaha omũyalĩ. Litya nage nasyabaletera omũyalĩ, Omukama iye Omwami Mukulu atya.

Ezekĩelĩ 14:4

Neryo ũbũge nabo ubwirebo uti, Omukama Iye Omwami Mukulu ati, Obuli mundu wʼekihanda kya Ĩsraelĩ oyukasingika, esyosanamu siwe omo mutima wuwe, nʼerĩhĩra ekĩkatwĩkalaya kyʼebibi biwe embere syʼobũsũ buwe, neryo akahĩka oko mũmĩnyererĩ, ĩngye Mwami Mukulu nasyaletwa erĩmũsũbĩrya omo mwatsi wʼesyosanamu siwe nyingi,

Ezekĩelĩ 20:25

Kandi monahabo ebihano ebĩtowene, nʼeritswera eryo bate bangatoka eribyaho mulyo.

Matayo 24:24

Kusangwa abakristo bʼamabehĩ nʼabamĩnyererĩ bʼamabehĩ basyahuluka basyakangya ebĩmĩnyĩsyo nʼebyʼeriswekera, busana nʼerĩtalya abayisogawa ba Nyamuhanga, kyamatokekana.

1 Samwelĩ 8:19

Nĩkwa abandu mobagana erihulikirira omulenge wa Samwelĩ; bati, Iyihi, nĩkwa twanzĩre omwami busana netu,