Ĩsaya 66:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Oyukakera ende ali ngʼoyũkĩta omundu. Oyukahonga ekyana kyʼembũlĩ alingene nʼovũkabũna ebĩkya byʼembwa. Oyukahera obuhere bwʼengano ali ngʼovukahera omusasi wʼengulube. Oyũkokaya obukwa ali ngʼoyukatsumula esanamu. Kusangwa babiriyisoga esyonzira syabo, nʼomutima wabo akatsemera esyonye syabo;

Ĩsaya 66:3 Iomraidhean Croise

Emĩsyo 15:8

Obuhere bwʼababi ni nye oko Mwami Mukulu; Nĩkwa erisaba lyʼabatunganene ni butseme buwe.

Emĩsyo 21:27

Ehongo yʼababi ni nye; Nĩkwa kwilaba aho, omugulu akaletayo nʼobũlengekanĩa bubi.

Ĩsaya 44:19

Kandi sihali oyukibuka, kutse sihali amenge kutse erĩganĩrya erĩbũga ati, Namokya oluhande omo muliro, kandi namokya obundu oko makala wayo nibya. Ngokaya esĩswĩ ngalyasyo. Neryo ekyasĩgala kyayo ngayirakyo mo nye, ngũnama ahisi embere wʼekĩsĩkĩ kyʼomuti!

Ĩsaya 53:6

Ĩtwe bosĩ ngʼesyombũlĩ twabiritala. Twabirikita obuli mundu omo nzira yiwe, nĩkwa Omwami Mukulu abirireka ebibi byetu ĩtwe bosĩ erimuwirako.

Ĩsaya 57:17

Monahitana busana nʼebibi biwe, byʼendũndĩ itatolere monamũswĩrya. Monabĩsa obũsũ bwage monahitana, naye mwakwamirira erikitira ehandi, omo nzira yʼomutima wuwe.

Ĩsaya 65:12

Neryo nasyabalayirira omũyalĩ, nʼĩnywe bosĩ mwasyũnamira erĩĩtwa. Kusangwa nabirikira, nĩkwa momutitaba. Monabũga, momũtowa. Nĩkwa momwakola ebibi omo meso wage, kandi momwayisoga ebyo ndetsemera.

Ĩsaya 65:2

Nabĩrĩkanganĩa ebyala byage omo musibo gosĩ oko bandu bʼerihona, abakalendera omo nzira ĩtowene, ibakakwama amalengekanĩa wabo.

Ĩsaya 66:17

Abakayisolola nʼerĩyerya eriya omo malima, erikwama oyuli omo katĩkatĩ, abakalya esĩswĩ syʼengulube, nʼebyʼesyonye, nʼembeba, basyahwerera haguma, Omwami Mukulu atya.

Yeremĩa 6:20

Obukwa obũkalũa eSeba bũkanyĩhĩkako busana nakĩ kwehĩ? Nʼekiseke kĩsĩhĩre ekĩkalũa omo bihugo byʼehali kwehĩ? Amahere wenyũ wʼerĩokererya sĩalĩgĩrwe, kutse amahere wenyũ sĩalĩnyĩtsemesaya.

Abalawĩ 2:2

Neryo asyaletabo oko bahererĩ, abagala ba Harũnĩ; naye asyĩmya ekiganza kiwe kiguma okwʼĩsyano yʼenzelele nʼoko magũta wabo, haguma nʼoũbanĩ bosĩ bwabo. Nʼomuhererĩ asyokereryabo ngʼeryĩbũkya lyabo oko kiherero, obuhere obũkokĩbawa oko muliro, ekikumbo ekĩsĩhĩre busana nʼOmwami Mukulu,

Hagaĩ 2:14

Neryo Hagaĩ mwasũbĩrya ati, Abandu aba ko bali batya, nʼekihanda ekĩ ko kiri kitya embere syage, Omwami Mukulu atya; nʼobuli mũbĩrĩ wʼebyala byabo kwʼali atya; nʼebyo bakahongeraho bĩtĩsĩrĩre.

Eryibuka Ebihano 14:8

Nʼengulube, kusangwa itũlĩre ekigere nĩkwa sĩrĩsũbũlaya, iyo nĩ nyĩtsandĩrya busana nenyũ; Simusyerya esĩswĩ syayo, kandi sĩmũsyetũla oko bĩnda byasyo.

Eryibuka Ebihano 23:18

Simusyereta obũhĩngĩ bwʼomũtetĩ, kutse obũhĩngĩ bwʼomulume oyukateta ogundi mulume, omo nyũmba yʼOmwami Mukulu Nyamuhanga wenyũ busana nʼerĩlahĩrĩrya. Kusangwa ebibiri ebĩ ni nye oko Mwami Mukulu Nyamuhanga wenyũ.

Abatswerĩ 10:14

Mugende muyalakire esyonyamuhanga esyo mwayisoga; sĩbalamaye oko mugulu wʼobuligo bwenyũ.

Abatswerĩ 21:25

Omo biro ebyo sihabya mwami omo Ĩsraelĩ; obuli mundu mwakola ekyabya kibuya omo meso wuwe ĩyowenewene.

Abatswerĩ 5:8

Mobayisoga esyonyamuhanga nyihyanyihya; Neryo mohabya amalwa omo syongyo. Mohatabya engabo kutse erĩtũmo ebikalolawako Omo katĩkatĩ kʼamaelfu makũmĩ ani omo Ĩsraelĩ.