Ĩsaya 6:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Abaserafĩmũ mobahangana ahigulu ukwʼiye. Obuli muguma iniawite ebĩpũpa ndatu. Mwaswika obũsũ buwe omo bibiri, kandi mwaswika ebisando biwe omo bibiri, neryo mwaguluka omo bibiri.

Ĩsaya 6:2 Iomraidhean Croise

Enzũko 17:3

Neryo Abramu mwalambama, neryo Nyamuhanga mwakanĩa naye ati,

1 Abami 19:13

Neryo, omugulu Elĩya owago, mwaswika obũsũ buwe omo syongimba siwe, mwahuluka, mwahangana omo lũkyo lʼomwangalũ. Neryo lebaya, omulenge mwamũhĩkako, owabũga ati, Elĩya, ukakola hano hokĩ kwehĩ?

1 Abami 22:19

Neryo Mĩkaya mwabũga ati, Gowe ekĩnywa kyʼOmwami Mukulu; monalangira Omwami Mukulu ĩnĩanĩkere oko kĩtũmbĩ kiwe kyʼobwami, nʼemilondo yosĩ yʼelubula ibanahangene hakũhĩ naye oko byala biwe byʼamali nʼoko malembe wuwe.

1 Abami 6:24

Nʼobuli bwʼekĩpũpa kiguma kyʼomũkerũbĩ bwabya bwa metere 2.2 nʼobuli bwʼekindi kĩpũpa kyʼomũkerũbĩ bwabya metere 2. Erĩlũa oko ndũlĩ yʼekĩpũpa kiguma erĩhĩka oko yindi ndũlĩ yʼekindi yabya metere 4.

1 Abami 6:27

Neryo mwahĩra amakerũbĩ omwisi wʼekisenge; nʼebĩpũpa byʼamakerũbĩ ĩbĩyĩsanzĩre, nʼekĩpũpa kiguma ĩkĩtũlĩre oko lũhĩmbo luguma, nʼekĩpũpa kyʼogundi mũkerũbĩ ĩkĩtũlĩre oko lundi lũhĩmbo; nʼebĩpũpa byago ĩbĩtũleneko omo katĩkatĩ kʼenyũmba.

1 Abami 8:7

Kusangwa amakerũbĩ mobasanza ebĩpũpa byabo endata oko mwanya wʼerĩsandũko, nʼamakerũbĩ mobaswikira erĩsandũko nʼemiti yalyo.

Nehemĩa 9:6

Uli Mwami Mukulu uwe ĩgowene; mowahangika olubula, obũtũkũ bwʼamatũkũ, haguma nʼemilondo yosĩ yago, ekihugo, nʼebindu byosĩ ko biriko, esyongetsi nʼebyosĩ ko biri musyo, nawe ukaleka ebyosĩ ibyabyaho; nʼemilondo yosĩ yʼelubula ĩkakũramaya.

Yobũ 1:6

Neryo mohabya kiro kiguma, omugulu abagala ba Nyamuhanga bahĩka erĩyĩkanganĩa embere syʼOmwami Mukulu; Satanĩ nayo moyasa omo katĩkatĩ kabo.

Yobũ 15:15

Lebaya, sialiyiketera ababũyĩrĩre buwe; Ega, nʼekyanya si kibuya omo meso wuwe.

Yobũ 4:18

Nyamuhanga sialiyiketera abagombe buwe; Akanahandikirira abamalaĩka buwe oluhabo:

Esyonyimbo 103:20

Mupipe Omwami Mukulu, ĩnywe bamalaĩka bʼamaka nʼobũtokĩ, Abakakenga amahano wuwe, Abakahulikirira ebyo akabũga!

Esyonyimbo 104:4

Ukayira amahunga mo bakwenda bawe, Nʼerĩpalya ũkahĩralyo mo bagombe bawe.

Esyonyimbo 18:10

Kandi mwaguluka oko makerũbĩ, Ega, mwalendera lũba oko bĩpũpa byʼerihunga.

Esyonyimbo 89:7

Nyamuhanga ni wʼolubahwa omwʼĩbũgĩro lyʼababũyĩrĩre, Abosĩ abakamũtĩmbako bakamubaha.

Erĩlũayo 25:20

Nʼamakerũbĩ asyasũkũlĩrya ebĩpũpa byago endata, eriswika ekĩtũmbĩ kyʼeriganyira nʼebĩpũpa byago, nʼamũsũ wago akasamalirana; amũsũ wʼamakerũbĩ asyalola oko luhande lwʼekĩtũmbĩ kyʼeriganyira.

Erĩlũayo 3:6

Kandi mwabũga ati, Ĩngye indi Nyamuhanga wa tata wawe, Nyamuhanga wa Abrahamũ, Nyamuhanga wa Ĩsaka, na Nyamuhanga wa Yakobo. Neryo Musa mwabĩsa ũbũsũ buwe; kusangwa mubaha erilola uku Nyamuhanga.

Erĩlũayo 37:9

Kandi amakerũbĩ iniakasanza ebĩpũpa byago endata, eriswika ekĩtũmbĩ kyʼeriganyira omo bĩpũpa byago, amũsũ wago iniakatungererana; amũsũ wʼamakerũbĩ ĩnĩalolĩĩre oko kĩtũmbĩ kyʼeriganyira.

Ĩsaya 6:6

Neryo omuguma gʼoko Baserafĩ mwagulukira aho nyiri, iniawite okwʼĩkala lyʼomuliro omo byala biwe, eryo alũsaya oko kiherero omo ruhugo.

Ezekĩelĩ 1:11

Nʼamũsũ wabyo nʼebĩpũpa byabyo byabya ibigabene endata. Ebĩpũpa bibiri byʼobuli kiguma byabya bĩkatũlanako, ekindi oko kindi, nʼebibiri ibyaswika emibiri yabyo.

Ezekĩelĩ 1:24

Nage monowa erihuha lyʼebĩpũpa byabyo ngʼerihuha lyʼamagetsi mangi omugulu byagenda, ngʼomulenge wʼOmũtokĩ wʼEbyosĩ, omulenge wʼoluhi ngʼerihuha lyʼomulondo wʼabasĩrĩkanĩ. Omugulu byahangana, mobyakĩmya ebĩpũpa byabyo.

Ezekĩelĩ 1:4

Neryo monalangira, lebaya, ekihunga ekĩkalĩre mokyalũa elutambi lwʼendata, ekĩtũ kinene kutsibu haguma nʼomuliro owakapalaya, nʼerĩhenĩa erĩtĩmbĩre kugo, nʼomo katĩkatĩ kago ihali ekyuma ekĩkahenaya, erĩlũa omo katĩkatĩ kʼomuliro.

Ezekĩelĩ 1:6

Obuli kiguma kya kubyo kyabya nʼamũsũ ani, nʼobuli kiguma kya kubyo kyabya nʼebĩpũpa bini.

Ezekĩelĩ 1:9

Ebĩpũpa byabyo byabya bĩkatũlanako, ekindi oko kindi. Omugulu byagenda mobitabinduka. Mobyagenda obuli kiguma erĩlolya embere.

Ezekĩelĩ 10:16

Neryo omugulu amakerũbĩ agenda, ebĩrĩngo mobyagenda aho mũsĩke wago. Neryo omugulu amakerũbĩ asumba ebĩpũpa byago nʼerihetuka erĩlũa oko kitaka, ebĩrĩngo mobitabinduka erĩlũa aho mũsĩke wago.

Ezekĩelĩ 10:21

Obuli kiguma kyabya nʼamũsũ ani, nʼobuli kiguma ebĩpũpa bini, nʼomubiri wʼebyala bĩsosĩre ebyala byʼomundu byabya omwisi wʼebĩpũpa byago.

Danĩelĩ 7:10

Nʼolũsĩ lwʼomuliro molwasenda nʼerilaba embere siwe. Amaelfu nʼamaelfu mobamukolera, neʼelfu ĩkũmĩ ngendo elfu ĩkũmĩ mobahangana embere siwe. Eritswerwa molyahĩrwaho, nʼebitabu mobyasanzulwa.

Danĩelĩ 9:21

Ega, omugulu nabya nyikinasaba, omundu oyo ye Gabrĩelĩ, oyo nalangira omwʼilota erĩmbere, mwambĩkako akaguluka lũba, neryo mwanyĩtũlako oko mugulu wʼobuhere bwʼerĩgolo-golo.

Zekarĩa 3:4

Naye mwasũbĩrya mwabũga nʼababya bahangene embere siwe, ati, Mumwambule kwʼesyongimba esĩtũnda-tũndĩre. Neryo mwamubwira ati, Lebaya, Nabirikutendula kwʼamalolo wawe, nage ngandĩkwambalya esyongimba syʼobukama.

Luka 1:10

Nʼendeko yosĩ yʼabandu babya ibakasabira eyĩhya oko ndambĩ yʼerihera obukwa.

AbaEbrania 1:7

Neryo Nyamuhanga mwabũga busana nʼabamalaĩka ati, Nyamuhanga akayira abamalaĩka buwe mo mahunga, Kandi akayira abagombe buwe mo birimi byʼomuliro.

Eribisurirwa 14:6

Kandi monalangira ogundi mũlaĩka akaguluka endata omo kyanya, iniawite Engulu Yowene yʼerikota erĩkangĩrĩryayo oko bandu abĩkere omo kihugo, oko buli kĩtũnga kyʼabandu, nʼobuli kihanda, nʼobuli mũbũge, nʼoko bandu.

Eribisurirwa 4:8

Obuli ekĩhangĩkĩre oko bĩhangĩkĩre bini ebiriho ikiwite ebĩpũpa ndatu, nʼebĩhangĩkĩre ebĩ ĩbyoswĩre nʼameso ehosĩ nʼoko mbande syosĩ. Kandi omo musibo nʼomo kiro sĩbalĩũmbaya erĩbũga bati, Omukama Nyamuhanga, Omũtokĩ Wʼebyosĩ, Abũyĩrĩre, abũyĩrĩre, abũyĩrĩre, Oyutula, nʼoyuliho, nʼoyukandisyasa.

Eribisurirwa 7:11

Nĩkwa abamalaĩka bosĩ babya bimene ĩbakatĩmba oko kĩtũmbĩ kyʼobwami, nʼoko bakulu, nʼoko bĩhangĩkĩrwe ebiriho bini. Neryo mobatũlama ahisi embere syʼekĩtũmbĩ kyʼobwami, mobaramya Nyamuhanga bati,

Eribisurirwa 8:13

Neryo monalangira, kandi monowa erĩsamba likaguluka omo kyanya, erĩkabũga nʼomulenge munene liti, Obũlĩge! Obũlĩge! Obũlĩge oko bĩkere omo kihugo busana nʼeribuha lyʼesyongubi syʼabamalaĩka basatu abakĩsĩya ibabuha esyongubi syabo!