Ĩsaya 57:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Omundu oyutunganene akahera, isihali mundu oyukatsomana. Abandu bakakenga Nyamuhanga bakalũsĩbawaho, isihali oyũkaganĩraya. Kusangwa omundu oyutunganene akalũsĩbawa ahali ebibi.

Ĩsaya 57:1 Iomraidhean Croise

1 Abami 14:13

NʼAbaĩsraelĩ bosĩ basyamulira, nʼerimuta, kusangwa iye iyowene omo nyũmba ya Yeroboamũ yo wanasyahĩrwa omwʼisinda, kusangwa amabanika kʼobubuya buke busana nʼOmwami Mukulu Nyamuhanga wa Ĩsraelĩ omo kĩtũnga kya Yeroboamũ.

2 Abami 22:20

Busana nʼekyo, lebaya, nasyakũhĩndanĩa haguma nʼabotata-kulu bawe, nawe wasyahĩrwa omwʼisinda yawe nʼobuholo, kandi ameso wawe siendisyalangira ebibi byosĩ nasyaletera hano. Neryo mobaletera engulu eyĩ yʼOmwami kandi.

2 Emyatsi yʼEmigulu 32:33

Na Hezekĩa mweya abotata-kulu buwe, mobamuta omo kisambiro kyʼesisinda syʼabagala ba Dawĩdĩ. NʼeYũda yosĩ nʼesyondũlanĩ syʼeYerũsalema mobamũsikya oko luholo luwe. Na Manase mugala wuwe mwabya mwami omo mwanya wuwe.

2 Emyatsi yʼEmigulu 34:28

Lebaya nasyaleka ĩweya abotata-kulu bawe, nawe wasyahĩrwa omwʼisinda yawe mo buholo, kutse nʼameso wawe siendisyalangira ekibi kyosĩ ekyo nasyaleta busana na hano, na busana nʼesyondũlanĩ syʼaho. Neryo mobaswaleta engulu eyo oko mwami.

2 Emyatsi yʼEmigulu 35:24

Neryo abagombe buwe mobamũlũsya omo galĩ, mobamũhĩra omo galĩ yʼakabiri eyo abya awite, mobamuleta eYerũsalema; neryo mwahola, mwatabwa omo masinda wʼabotata-kulu buwe nʼAbayũda bosĩ nʼeYerũsalema mobalira busana na Yosĩa.

Esyonyimbo 12:1

Omwami Mukulu, ũnyĩwatĩkaye! Abandu abakakenga Nyamuhanga bakahwa, Kusangwa abateregula bakabula omo katĩkatĩ kʼabandu.

Esyonyimbo 37:37

Nĩkwa Ũlebaye omundu oyũhĩkene, kandi usamalire oyutunganene, Omundu wʼobuholo awite abana.

Ĩsaya 42:25

Busana nʼekyo mũta kubo obukali bwʼerihitana liwe, nʼobutsibu bwʼamalwa. Nabyo mobyamwakya kʼomuliro erĩmũtĩmbako, nĩkwa mwataminyakyo. Nago mwamũhĩsya, nĩkwa mwatahĩrabyo oko mutima.

Ĩsaya 47:11

Nĩkwa ebibi byasyakũhĩkako isiwendisyaminya amenge wʼerihigabyo. Nʼerĩkwa lyasyakuwako, siwendisyatoka eririhalyo, nʼerihera eryo ũtasĩ lyasyakũhĩkako neryo-neryo.

Ĩsaya 47:7

Nĩkwa mowabũga uti, Nasyabya mugole ebiro byosĩ. Mũtahĩra emyatsi eyĩ yʼoko mutima wawe, kutse mutibuka endũlĩ yayo.

Ĩsaya 57:11

Kandi mowaswekerandi nʼerĩkwa obuba, omugulu wabiha, nʼeritendinyibuka kwehĩ? Kutse erĩnyĩganĩrya? Mondakubya bũkũtũ omugulu muli, kikaleka utanyubaha kwehĩ?

Yeremĩa 18:11

Neryo lino ũbũge nʼabandu bʼeYũda nʼoko syondũlanĩ syʼeYerũsalema uti, Omwami Mukulu ati, Ngakokotaya erĩkwa busana nawe, ngayĩsũnza omwatsi busana nawe. Mũbũnũkale, obuli mundu aleke enzira yiwe nyibi, mũkokotaye esyonzira syenyũ nʼemĩbĩrĩ yenyũ yo ndeke.

Yeremĩa 22:10

Simulire busana nʼomũholĩ, kutse sĩmũmũsũsũmanire. Nĩkwa mulire busana nʼoyo wagenda ehandi, kusangwa siendisyasubula, kutse erilola oko kihugo abutawamo.

Ezekĩelĩ 21:3

Ubwire ekihugo kya Ĩsraelĩ uti, Omwami Mukulu ati, Lebaya, ngalwa nawe, nasyakula omũyalĩ wage gʼomo lubo lwago, nasyakusolola kwʼabatunganene nʼababi.

Mĩka 7:2

Oyukakenga Nyamuhanga abirihwerekerera omo kihugo, kandi sihali oyutunganene omo katĩkatĩ kʼabandu. Abosĩ bakalĩmbaya omusasi; obuli mundu akasonda-sondaya mugala wabo yʼomo butimba.

Malakĩ 2:2

Mwamatĩndĩowa, mukatindabikalyo omo mutima, eriha erĩsĩkya oko lĩna lyage, Omwami Mukulu Wʼemilondo atya, neryo nasyabatumira eritakira, kandi nasyatakira emĩyĩsa yenyũ; kandi kwenene, nabiritakirayo, kusangwa simwetabikalyo omo mutima.

Emiganzo 23:10

Nindi wangatoka eriganza olũtũtũ lwa Yakobo, Kutse oyo wangaganza oluhande luguma lwʼomo bini lwa Ĩsraelĩ kwehĩ? Uleke nyihole oluholo lwʼomutunganene, Nʼendũlĩ yage ibye ngʼeyiwe!