Ĩsaya 51:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Musamalire Abrahamũ tata wenyũ, na Sara oyo wababuta omo bũlĩge, kusangwa namubirikira omugulu abya muguma, kandi monamutsumula, nʼerimuyira mo bangi.

Ĩsaya 51:2 Iomraidhean Croise

Enzũko 22:17

Omwʼitsumula ngandisyakutsumula, nʼomwʼikanya nasyakanyĩrĩrya abana bawe ngʼesyongũnũnũ esiri omo kyanya, kandi ngʼemisege yʼoko mũsĩke wʼengetsi. Kandi abana bawe basyasĩgalya olũkyo lwʼesyonzĩgũ syabo.

Enzũko 24:1

Neryo Abrahamũ mwabya mũsyakulu, nʼowʼebiro bingi. Neryo Omwami Mukulu mwatsumula Abrahamũ yʼomo myatsi yosĩ.

Enzũko 24:35

Nĩkwa Omwami Mukulu abiritsumula omukama wage yo kutsibu. Abiribya muteke. Abirimuha esyombũlĩ, esyonde, ebĩtsĩpa, nʼesyamagetsi, nʼabagombe bʼobulume, nʼabʼobũkalĩ, nʼesyongamia, nʼesyopu­nda.

Ĩsaya 29:22

Neryo Omwami Mukulu oyo watongolaya Abrahamũ, akabũga, busana nʼekĩtũnga kya Yakobo ati, Yakobo siendisyahemulwa, kutse obũsũ buwe sĩbwendĩsyatsĩgũka.

Ĩsaya 41:8

Nĩkwa uwe Ĩsraelĩ, omugombe wage, Yakobo oyo nayisoga, omwana wa Abrahamũ omwĩra wage,

Ĩsaya 43:27

Tata wawe wʼerĩmbere mwahalya, nʼesyombũyĩ syenyũ babĩrĩnyĩhalyako.

Ĩsaya 48:1

Uwe nyũmba ya Yakobo, uhulikirire ekĩ, ĩnywe mukahulawa omo lĩna lya Ĩsraelĩ, ĩnywe mwalũa omo kihanda kya Yũda; ĩmũkalahĩraya oko lĩna lyʼOmwami Mukulu, nʼerimwahula mo Nyamuhanga wa Ĩsraelĩ, nĩkwa butsira omo kwenene, kutse omo litunganene.

Ĩsaya 60:22

Omuke asyabya kihanda, Omuke kutsibu asyabya kihanda kĩkalĩre. Ĩngye Mwami Mukulu, nasyangũhyabyo oko mugulu wabyo.

Ĩsaya 63:16

Kusangwa uli Tata wetu, nomo Abrahamũ atanatwasĩ, na Ĩsraelĩ sialituminya. Uwe, Mwami Mukulu uli Tata wetu, Omũtongolya wetu erĩtsũka kera lyo lĩna lyawe.

Ezekĩelĩ 33:24

Omugala wʼomundu, abĩkere omo bĩma ebĩ, omo kihugo kya Ĩsraelĩ bakabũga bati, Abrahamũ abya muguma, nĩkwa mwasĩgalya ekihugo. Litya nĩkwa ũkwʼĩtwe ko tuli bangi, tukahabawa ekihugo eribya mwandu.

Eryibuka Ebihano 1:10

Omwami Mukulu Nyamuhanga wenyũ abĩrĩbakanyĩrĩrya, neryo mũlebaye, mũnabwĩre muli bangana nʼesyongũnũnũ syʼekyanya omo nzige.

Eryibuka Ebihano 26:5

Neryo mwasyasũbĩrya nʼerĩbũga embere syʼOmwami Mukulu Nyamuhanga wawe, muti, Tata wage abya Mũsũrĩa oyukagala-ganda; neryo mwandagalira eMĩsĩrĩ, neryo mwabungirayo, ibane bake okwʼiganza; nʼeyo, mwabya kihanda kinene, nʼekyʼamaka, nʼekyʼabandu bangi.

Yosũa 24:3

Neryo monalũsya tata wenyũ Abrahamũ eyisirya wʼolũsĩ Efũratĩ, kandi monamusondola omo kihugo kyosĩ kyʼeKanana, monakanyĩrĩrya abana buwe, monamuha Ĩsaka.