Ĩsaya 5:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Kusangwa eririma lyʼebĩnyũ lyʼOmwami Mukulu wʼemilondo ni kihanda kyʼeĨsraelĩ, nʼabandu ba Yũda bo mwaka wʼerĩmũtsemesya. Neryo mwabya nʼamaha wʼerĩbanza, nĩkwa lebaya erĩũta omusasi musa, abya nʼamaha erilola okwʼitunganana, nĩkwa lebaya, kwesĩ ni milake yʼobũlĩge.

Ĩsaya 5:7 Iomraidhean Croise

Enzũko 4:10

Neryo Nyamuhanga mwabũga ati, Wabirikolakĩ kwehĩ? Omulenge wʼomusasi wa mugala wenyũ akanyiririra erĩlũa oko kitaka.

2 Samwelĩ 7:10

Kandi asyahamula omwanya wʼabandu bage Ĩsraelĩ, kandi nasyahandabo, ibatoka erĩĩkala aho wabo, ĩbataswatũndwa kandi; kutse abandu bʼebibi sĩbendĩsyagalyabo kandi, ngʼerĩmbere,

Yobũ 34:28

Neryo mobaleka ekiriro kyʼabera ĩkyamũhĩkako, Naye mowa ekiriro kyʼabandu abakagalawa.

Esyonyimbo 147:11

Nĩkwa Omwami Mukulu akatsemera abakamubaha, Akatsemera abakayiketera olwanzo luwe olutyusa.

Esyonyimbo 149:4

Omwami Mukulu akatsemera abandu buwe; Akakenga abakayĩkehaya erihabo erĩsĩngana.

Esyonyimbo 80:15

Wase, ũlamaye omũlĩkĩ ogo wahera, Omũlĩkĩ oyũ, iwe waleka inialasa ndeke!

Erĩlũayo 3:7

Neryo Omwami Mukulu mwabũga ati, Kwenene nabirilangira amalĩge wʼabandu bage abali eMĩsĩrĩ, nabĩrĩowa ekiriro kyabo busana nʼabĩmanĩrĩ babo; kusangwa nyĩnasĩ amaligo wabo.

Emĩsyo 21:13

Oyũkalĩba amatwĩ wuwe okwʼilaka lyʼabera, Naye nibya asyalaka, nĩkwa siendĩsyowĩbwa.

Omũgambũlĩ 4:1

Neryo monaswalangira emĩbĩrĩ yʼerĩnũbya lyosĩ eyikakolawa eyĩkwa muna-kihugo. Neryo lebaya, monalangira emĩsonĩa yʼabandu banũbĩbawa, isibawite omũsĩbĩkya. Nʼobũtokĩ bwabya oko luhande lwʼabandu abanũbayabo, nĩkwa sibabya nʼomundu oyũkasĩbĩkayabo.

Olwimbo lwʼEsyonyimbo 7:6

Uli mubuya ũkatsemesaya ndeke uti, Uwe mwanze wage, busana nʼebĩkatsemesaya byawe!

Ĩsaya 1:21

Ko mũyĩ owateregula amahinduka ati eribya mũsĩngĩrĩ, owabya oswĩre mwʼerĩbanza lyʼekwenene! Ebitunganene byabya bĩkere mugo, nĩkwa lino muli abĩtĩ.

Ĩsaya 1:6

Erĩtsũka oko buliatiro bwʼekisando erĩhĩka oko mutwe omubiri gosĩ siali ndeke; bye nʼebironda, nʼamakũbũke, nʼemĩbĩbũ mihya-mihya. Sibyetasengwa, kutse eribohwa, kutse erĩheherĩbwa omo magũta.

Ĩsaya 27:2

Oko kiro ekyo, eririma lyʼebĩnyũ, mwimbireryo!

Ĩsaya 3:14

Omwami Mukulu asyatswera abakulu bʼabandu buwe, nʼabanya-mwami babo. Nĩnywe mwalya eririma lyʼebĩnyũ. Eminyego yʼabera iri omo manyũmba wenyũ.

Ĩsaya 3:15

Mũtĩkĩ, muti mũkahĩnola abandu bage, nʼerigoga obũsũ bwʼabera kwehĩ? Omukama Omwami Mukulu wʼemilondo atya.

Ĩsaya 3:17

Neryo Omukama asyahĩra obukoba oko kahũlĩ-hũlĩ kʼemitwe yʼabali bʼeSĩonĩ, nʼOmwami Mukulu asyayira obũsũ bwabo mo ndũmbũ.

Ĩsaya 30:12

Busana nʼekyo Oyũbũyĩrĩre wa Ĩsraelĩ ati, Kusangwa mwabirigana ekĩnywa ekĩ, imwabiriyiketera erinuba nʼepono, nʼeriyiketerabyo.

Ĩsaya 46:12

Munyihulikirire, ĩnywe bʼemitima mitsibu, ĩnywe muli hali oko litunganene.

Ĩsaya 5:2

Naye mwatakulalyo, mwalũsya amabwe awabya mulyo, mwahera mulyo omũlĩkĩ wʼebĩnyũ owabya owenenga, kandi mwahĩmba enyũmba eyĩsũngũlĩkĩre yo mulyo, kandi mwatakula mulyo mwʼekikamiro; neryo mwabya nʼamaha ati likandisyabuta ebĩnyũ byowene, nĩkwa molyabuta ebĩnyũ bitya-bitya.

Ĩsaya 59:13

Tũkahalaya nʼerigana Omwami Mukulu nʼerikita erikwama Nyamuhanga wetu, erĩbũga ebyʼerĩnũbya, nʼerihona, eriheka obukule bwʼebĩnywa byʼamabehĩ omo mutima nʼerĩbũgabyo omo mutima.

Ĩsaya 59:14

Nʼerĩbanza lĩkasũbĩbawa enyũma, nʼeritunganene lyamahangana hali, kusangwa ekwenene yabĩrĩtwĩkala omo nzira nene, nʼekitunganene sikyetoka eriingiramo.

Ĩsaya 59:4

Sihali oyũkatũhaya omo litunganene, sihali oyũkabũga omo kwenene. Bakayiketera eriremwa, bakabũga mabehĩ. Bakaheka obukule bwʼepono, ibabuta ebibi.

Ĩsaya 62:5

Kusangwa ngoko omũlwana akaherũkaya omumbesa, litya abagala bawe ko basyakũhĩkya batya. Kandi ngoko ĩba wʼomũherũkĩ akatsemera Omũherũkĩ, Nyamuhanga kwʼasyakutsemera atya.

Yeremĩa 12:10

Abalĩsya bangi babĩrĩherya eririma lyage lyʼebĩnyũ, babiriryatangirira amalima wage wʼahisi omwisi wʼebisando, babiriyira ekitaka kyage kyowene mo mbwarara yʼomulala.

Yeremĩa 24:2

Ekitiri kiguma ekirimo emĩtĩnĩ yowene ndeke, ngʼemĩtĩnĩ eyĩkatsũka eriera, nʼekindi kitiri ekirimo emĩtĩnĩ mibi kutsibu, eyitetoka eriribwa, kusangwa ni mibi.

Yeremĩa 50:46

Oko mulenge ati, eBabelĩ yabirihambwa! Ekihugo kyasyatitimana, nʼomulake asyogũbwa omo bihanda.

Ezekĩelĩ 22:29

Abandu bʼekihugo babĩrĩnũbya, kandi bakahũnga, kandi babĩrĩagalya abera nʼabʼobwaga, kandi babĩrĩnũbya omubunga ahate rĩbanza lya kwenene.

Hosea 10:1

Ĩsraelĩ nĩ mũlĩkĩ owabogĩre, akahetaya ebĩgũma busana naye. Ngʼobungi bwʼebĩgũma byago abĩrĩkanyĩa amaherero wuwe; nʼomo bubuya bwʼekihugo kiwe abiriyira obubuya bwʼesyondũyĩ sĩbũyĩrĩre.

Mĩka 6:12

Kusangwa abandu bʼebindu bʼomũyĩ boswĩre nʼomwaga, nʼesyondũlanĩ syako sĩkabũga amabehĩ, nʼolulimi lwabo lukateba omo buno bwabo.

Mĩka 6:8

Uwe mundu, abĩrĩkũkangya kihi kyo kibuya; Omwami Mukulu akakusonda ko kihi kwehĩ, lye nʼerikola erĩbanza litunganene, nʼerianza obwenge, nʼerirendera na Nyamuhanga wawe nʼerĩyĩkehya.

Habakũkĩ 1:3

Busana nakĩ ukaleka inalangira ebibi, nʼerisamalira obubi kwehĩ? Ega, obũherya nʼomwaga biri embere syage; kandi hali amalwa, nʼerinegena bikahuluka.

Zefania 3:17

Omwami Mukulu Nyamuhanga wawe ali omo katĩkatĩ kawe, omũlwĩ Oyũkakinda. Asyakutsemera nʼobutseme; asyabasũbya mo bahya-bahya omo lwanzo luwe; asyakutsemera nʼeriimba.

Matayo 23:23

Obũlĩge kwĩnywe bakangĩrĩrya bʼEmigambo, nʼAbafarĩsayo, abatebya! Kusangwa mukaha Nyamuhanga ekiguma kyʼomwʼĩkũmĩ kyʼesyonyenyĩ syʼemunanaa, na bĩzarĩ, na jĩra, kandi mwabirireka emyatsi mikulu kwʼaho yʼEmigambo ngʼerĩbanza, nʼeriganyira, nʼeritendiregula. Kumbe mwabirikola emyatsi eyĩ nʼerĩtendĩsĩganĩa ebindi ebyo.

Luka 18:7

Neryo Nyamuhanga naye siendisyaha abayisogawa buwe erĩbanza kwehĩ? Abakamulakira oko musibo nʼomo kiro kwehi? Kandi asyamala erĩwatĩkyabo kwehĩ?

Yoane 15:2

Obuli mutahi owamatikene nage, owateheta kwʼebĩgũma, akatwago; kandi oko buli mutahi Owakahetaya ebĩgũma, akasara kugo kwʼebĩtawene, Omutahi oyo atoke eriheta kwʼebindi bĩgũma.

Eryibuka Ebihano 15:9

Mũyĩtegaye Sihabye oblengekanĩa bubi omo mutima wenyũ, muti, Omwaka wʼakalinda Omwaka wʼerĩrekeranĩa ali hakũhĩ; nʼerĩso lyenyũ iryabya libi oko mugala wenyũ mwera, nʼeritindamuha kindu; neryo akalakira Omwami Mukulu busana nenyũ, nʼekyo ikyabya kibi ũkwʼĩnywe.

Yakobo 5:4

Mũlebaye, simwetaliha abandu abahingira omo malima wenyũ, nʼabandu abasolomago. Nabo bakabatsongera. Nʼerilaka lyabo lyabĩrĩhĩka omo matwĩ wʼOmukama wʼAmaka Gosĩ.