Ĩsaya 5:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Nage nasyaheryalyo, siryendisyakolerwa kutse eririmirwa, nĩkwa hasyalasa emisakisaki nʼamahwa. Nibya nasyahana ebĩtũ nyiti sĩbĩwĩsaye embũla yo kulyo.

Ĩsaya 5:6 Iomraidhean Croise

1 Abami 17:1

Neryo Elĩya Omũtĩsĩbe ogʼoko babunga bʼeGĩleadĩ, mwabwira Ahabũ ati, Ngoko Mwami Mukulu Nyamuhanga wʼeĨsraelĩ aneho, Oyo nyimene embere siwe, sihendisyabya ekimi kutse embũla oko mĩtũta eyĩ, butsira oko kĩnywa kyage.

1 Abami 8:35

Omugulu olubula lwasyakingwa, isihali mbũla, kusangwa babĩrĩkũhalyako; bamasaba bakalolya eno, nʼerĩkangya erĩna lyawe, nʼeribinduka oko bibi byabo, omugulu ũkagalayabo;

Yobũ 31:40

Emisakisaki ilase omo mwanya wʼengano, Nʼebiti omo mwanya wʼekisusu. Ebĩnywa bya Yobũ byamatwĩrya aho.

Emĩsyo 24:31

Neryo, lebaya, lyamabimerwa nʼemisakisaki, Nʼobugali bwalyo ibwamabiswikwa nʼebyatsinge, Nʼolũhĩmbo lwʼamabwe ĩlwamabĩterĩbwa.

Ĩsaya 24:12

Omũyĩ abĩrĩsĩgala mo kĩma, nʼolũkyo lwabĩrĩkwa omwʼihera.

Ĩsaya 30:23

Neryo asyawĩsya embũla busana nʼembuto, eyo mwasyahera omo kitaka. Nʼakalyo kʼerikanyirira lyʼekitaka, nako kasyaboga nʼerĩerya bingi. Oko kiro ekyo ebihangulo byenyũ byasyalira omo lũlĩsĩryo lunene.

Ĩsaya 32:10

Oko mwaka owakasa nʼebindi biro bike mwasyasĩsĩra ĩnywe bana-bato mutatsomene. Kusangwa erikamula likahwa, nʼerigesa sĩryendĩsyahĩka.

Ĩsaya 49:19

Nĩkwa, busana nʼomulala wawe, nʼebĩma byawe, nʼekihugo kyawe ekyabĩrĩherĩbwa, kwenene lino Wasyabya muke busana nʼesyondũlanĩ, nʼabakumera basyabya hali.

Ĩsaya 55:13

Ebirago byasyalasa omo mwanya wʼomusakisaki, Nʼomo mwanya wʼekyatsinge hasyalasa omũhadesĩ. Ekĩ kyasyabya ekĩbũkyo oko Mwami Mukulu, Kyasyabya ekiminyikalo kera na kera Ekĩtendĩsyalũaho.

Ĩsaya 7:19

Nasyo syasyasa ĩsĩkĩra omo misya ĩkalĩre, nʼomo matule wʼOlukuka lwʼamabwe nʼoko biti byosĩ byʼamahwa, nʼoko bitsinga byosĩ byʼamagetsi.

Yeremĩa 14:1

Ekĩnywa kyʼOmwami Mukulu ekyahĩka uku Yeremĩa busana nʼobugoma.

Yeremĩa 14:22

Omo katĩkatĩ kʼesyosanamu syʼebihanda hane esikaleta embũla kwehĩ? Kutse amatũkũ anganatoka erireta embũla kwehĩ? Si nina we Mwami Mukulu, Nyamuhanga wetu kwehĩ? Neryo tũkahĩra amaha wetu ukʼuwe, kusangwa ni we oyo wabirikola emyatsi eyĩ yosĩ.

Yeremĩa 25:11

Nʼekihugo kyosĩ kyasyabya kĩma, nʼenye, nʼebihanda ebĩ byasyakolera omwami wʼeBabelĩ emyaka makũmĩ alinda.

Yeremĩa 45:4

Neryo umubwire uti, Omwami Mukulu akabũga ati, Lebaya, ekyo nabĩrĩhĩmba ngahĩmbũlakyo, nʼekyo nahera ngakulakyo, ekyo, kye kihugo kyosĩ.

Ekiriro 2:6

Abĩrĩlũsya ehema yiwe nʼamaka, nga yabya irima; Abĩrĩherya ahʼerĩhĩndana liwe eryahamulawa. Omwami Mukulu abirireka Erĩhĩndana lĩbũyĩrĩre nʼeSabato eribiriranwa eSĩonĩ, Abiripona omwami nʼomũhererĩ Omwʼigalirwa lyʼerihitana liwe:

Hosea 3:4

Kusangwa abana ba Ĩsraelĩ basyĩkala biro bingi butsira mwami, kutse mukulu, kutse erihonga amahere, kutse endũyĩ ĩbũyĩrĩre, kutse efodĩ nʼeterafĩmũ.

Hosea 9:6

Kusangwa, lebaya, basyagenda busana nʼerihera; eMĩsĩrĩ yasyakuma-kumabo, Memfĩsĩ asyatabo; ebiti byasyaheka ebindu byabo byʼebĩtsĩpa; emisakisaki yasyabya omo mahema wabo.

Yoelĩ 1:7

Kyabĩrĩhĩra emĩrĩkĩ yʼebĩnyũ yage mo mulala, nʼerikokola ebĩkũkũ byʼomuti wage wʼemĩtĩnĩ; kyabĩrĩsĩgago mo muhala-halira, nʼerigusago; emitahi yago yabiriyirwa mo nzeru.

Amosĩ 4:7

Kandi nabĩrĩkakĩrya embũla busana nenyũ, omugulu habya hakĩsĩya mikera ĩsatu yʼobugese. Kandi nabĩrĩwĩsya embũla oko mũyĩ muguma, nʼerireka iyitawa oko gundi mũyĩ; ekihande kiguma mokyawa kwʼembũla, nʼekihande ekitawako embũla mokyuma.

Luka 21:24

Basyahwa busana nʼobukali bwʼomũyalĩ, kandi basyatwalwa mo banyegwa omo bihanda byosĩ. Kandi abʼEbihanda basyalyatangirira eYerũsalema erĩhĩka aho emigulu yʼEbihanda yasyabererera.

Eryibuka Ebihano 29:23

Ekihugo kyosĩ kyayo nĩ bũsĩngo, nʼomũnyũ, omulala wʼeriakirira, sikyeherawa, kandi sikyebuta, nʼebiti sibyelasa mukyo, ngʼerisinduka lyʼeSodomo nʼeGomora, Adĩma na Zeboyĩmũ, ebyo Mwami Mukulu asindula omwʼihitana liwe, nʼomwʼigalirwa liwe.

Eribisurirwa 11:6

Aba bawite obũtokĩ bwʼerĩrĩba ekyanya, embũla initasyawa oko mugulu ogo bakatũla omwatsi wa Nyamuhanga. Kandi bawite ehamũlĩ oko magetsi erihindulago mo musasi, kandi bawite ehamũlĩ yʼerĩĩta ekihugo omo mĩsĩndo yosĩ yʼesyondwala oko migulu yosĩ banzĩre.