Ĩsaya 5:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Na lino uleke nyibabwire ekyo nasyakolera eririma lyage lyʼebĩnyũ. Ngandĩlũsyaho ekikunda kyalyo, lyasyahĩsĩbwa. Kandi ngandĩhĩmbũla olũhĩmbo lwalyo, nalyo lyasyalyatangirirwa oko kitaka.

Ĩsaya 5:5 Iomraidhean Croise

Enzũko 11:4

Neryo bati, Mwase, tũyĩhĩmbĩre omũyĩ, nʼenyũmba nyirinyiri, omutwe wayo ahĩke elubula, neryo tuyiyirire erĩna tukasyapanza-panzirwa oko bugali bwʼekihugo kyosĩ.

Enzũko 11:7

Mwase, twandagale, tuhindule omũbũge wabo, ibatatoka erĩowana mũbũge.

Nehemĩa 2:3

Monabwira omwami nyiti, Omwami akote. Busana nakĩ obũsũ bwage sibwangabya nʼobũlĩge omugulu omũyĩ, ahali esisinda syʼabotata wage hakabya mulala, nʼesyongyo syako syabĩrĩhĩsĩrĩrĩbwa omo muliro kwehĩ?

Esyonyimbo 89:40

Wabĩrĩterya esyombĩmbo syʼomũyĩ wuwe, Nʼerĩsĩganĩa ahawatĩre huwe mo mulala.

Esyonyimbo 89:41

Abosĩ abakalabaho bakĩba ebindu biwe; Abalĩkyabo bosĩ bakamuseka.

Emĩsyo 24:31

Neryo, lebaya, lyamabimerwa nʼemisakisaki, Nʼobugali bwalyo ibwamabiswikwa nʼebyatsinge, Nʼolũhĩmbo lwʼamabwe ĩlwamabĩterĩbwa.

Omũgambũlĩ 3:3

Omugulu wʼerĩĩta, nʼomugulu wʼerĩlamya. Omugulu wʼerĩhĩmbũla, nʼomugulu wʼerĩhĩmba.

Ĩsaya 10:6

Ngatumalyo oko kihanda kitawite Nyamuhanga, ngatumalyo oko bandu bʼerihitana lyage erĩhũnga eminyego, kandi erihamba obuhiyi, nʼeriryatangirirabo ahisi ngʼolondo lʼomo syonzira.

Ĩsaya 25:10

Kusangwa ebyala byʼOmwami Mukulu byasyĩkala oko kitwa ekĩ; nʼeMoabũ yasyalyatangirirwa ahisi aho wuwe, ngʼebiti byũmĩre ebikalyatangirirawa ahisi omo magetsi wʼekyabũ.

Ĩsaya 28:18

Endagano yenyũ nʼoluholo byasyalĩmĩbwa, nʼerisakana lyenyũ nʼeKũlĩmũ siryendisyahangana. Omugulu ekĩhũnzo ekĩbwagĩre kyasyalaba, nenyũ mwasyabya eriryatangirira ahisi lyakyo.

Ĩsaya 28:3

Akakĩra kʼeriyiheka kʼabakũndĩrya ba Efũraĩmũ bakalyatangirirawa omo bisando.

Ĩsaya 32:10

Oko mwaka owakasa nʼebindi biro bike mwasyasĩsĩra ĩnywe bana-bato mutatsomene. Kusangwa erikamula likahwa, nʼerigesa sĩryendĩsyahĩka.

Yeremĩa 18:11

Neryo lino ũbũge nʼabandu bʼeYũda nʼoko syondũlanĩ syʼeYerũsalema uti, Omwami Mukulu ati, Ngakokotaya erĩkwa busana nawe, ngayĩsũnza omwatsi busana nawe. Mũbũnũkale, obuli mundu aleke enzira yiwe nyibi, mũkokotaye esyonzira syenyũ nʼemĩbĩrĩ yenyũ yo ndeke.

Yeremĩa 21:4

Omwami Mukulu Nyamuhanga wa Ĩsraelĩ ati, Lebaya, nasyasũbũlya abasĩrĩkanĩ bawe, abakalwa nʼomwami wʼeBabelĩ nʼAbanya Kaldea abakakubambira eyĩhya oko syombĩmbo syʼomũyĩ. Nage nasyahĩndanĩa ebindu byʼamalwa byabo omo katĩkatĩ kʼomũyĩ oyũ.

Yeremĩa 28:8

Abamĩnyererĩ ababya embere wage nʼembere wawe oko mugulu wa kera mobaminyerera obũyĩgũ busana nʼebihugo bingi, kandi obũyĩgũ busana nʼamami makulu-makulu kandi busana nʼamalwa, nʼerĩkwa, nʼendwala yʼakasũsũ.

Yeremĩa 45:4

Neryo umubwire uti, Omwami Mukulu akabũga ati, Lebaya, ekyo nabĩrĩhĩmba ngahĩmbũlakyo, nʼekyo nahera ngakulakyo, ekyo, kye kihugo kyosĩ.

Ekiriro 1:15

Omukama abirigana esyombangĩ syage syosĩ. Omo katĩkatĩ ketu. Abiribirikira omugulu ahamula erilwa nage Erĩhĩnolera abalwana bage. Omukama abiriryatanga omumbesa mwali wa Yũda Ngʼomo kikamiro kyʼebĩnyũ.

Ekiriro 2:6

Abĩrĩlũsya ehema yiwe nʼamaka, nga yabya irima; Abĩrĩherya ahʼerĩhĩndana liwe eryahamulawa. Omwami Mukulu abirireka Erĩhĩndana lĩbũyĩrĩre nʼeSabato eribiriranwa eSĩonĩ, Abiripona omwami nʼomũhererĩ Omwʼigalirwa lyʼerihitana liwe:

Ekiriro 4:12

Abami bʼekihugo mobatĩkĩrĩrya, Kutse esyondũlanĩ syosĩ syʼekihugo, Ngʼobũyĩgũ nʼenzĩgũ Bangatoka eriingira omo lũkyo lwʼeYerũsalema.

Danĩelĩ 8:13

Neryo monowa omundu ũbũyĩrĩre akabũga, kandi ogundi mundu ũbũyĩrĩre mwabwira oyo wabya akabũga ati, Erilota erĩ busana nʼobuhere bwʼebiro byosĩ lyasyabya oko mugulu wahi, omugulu erĩlolo likinaleta ekitsibu kyʼeriherya ekikaleka ahabũyĩrĩre nʼomulondo erĩryatangiriribwa ahisi kwehĩ?

Hosea 2:12

Kandi nasyaherya emĩrĩkĩ yiwe yʼebĩnyũ, nʼemiti yʼemĩtĩnĩ yiwe, eyo ahula ati, Ebĩ ni luhembo lwage olo abaragane bage banyiha; nage ngandiyirabyo mo mũsĩtũ, nʼesyonyama syʼomolĩ syasyalyabyo.

Hosea 2:14

Busana nʼekyo, lebaya, ngandimukulula, nʼerimuleta omo mbwarara, nʼerĩbũga ndeke naye.

Luka 21:24

Basyahwa busana nʼobukali bwʼomũyalĩ, kandi basyatwalwa mo banyegwa omo bihanda byosĩ. Kandi abʼEbihanda basyalyatangirira eYerũsalema erĩhĩka aho emigulu yʼEbihanda yasyabererera.

Eribisurirwa 11:2

Nĩkwa Ũsĩge ekibuga ekiri eyĩhya oko Hekalũ. Sulengekyo, kusangwa kyabirihabwa oko bihanda, nabo basyalyatangirira Omũyĩ Abũyĩrĩre emikera makũmĩ ani nʼeyĩbĩrĩ.