Ĩsaya 5:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Nĩkwa Omwami Mukulu wʼemilondo asyahamĩbwa omwʼitswera, na Nyamuhanga oyũbũyĩrĩre asyayĩkangya mo mũbũyĩrĩre omo litunganene.

Ĩsaya 5:16 Iomraidhean Croise

1 Emyatsi yʼEmigulu 29:11

Obukulu, nʼobũtokĩ, nʼolukengerwa, nʼerĩkĩnda, nʼerikengwa, ni byawe, uwe Mwami Mukulu; kusangwa ebyosĩ ebiri omo lubula, nʼebiri omo kihugo ni byawe; obwami ni bwawe, uwe Mwami Mukulu, ũkayĩhamaya mo mukulu Wʼebyosĩ.

Esyonyimbo 21:13

Uwe Mwami Mukulu, ũhamĩbawe omo maka wawe; Twasyimba nʼeripipa Obũtokĩ bwawe.

Esyonyimbo 46:10

Akabũga ati, Mũmbaye oko malwa, muminye ko ndi Nyamuhanga, Nasyahamĩbwa omo bihanda, nasyahamĩbwa omo kihugo!

Esyonyimbo 9:16

Omwami Mukulu abĩrĩyĩmĩnyĩsya, busana nʼeritswera liwe ritunganene, Kandi ababi babirihambwa omo kitego kyʼemĩbĩrĩ yabo.

Ĩsaya 12:4

Nʼoko kiro ekyo mwasyabũga muti, Muhe ewasĩngya oko Mwami Mukulu, mulakire erĩna liwe, Mũkangaye emĩbĩrĩ yiwe omo katĩkatĩ kʼebihanda, Mũtũlego muti erĩna liwe lyabĩrĩhamĩbwa.

Ĩsaya 2:11

Emiyitendero yʼameso wʼabandu yasyakehĩbwa, nʼeriyikebera lyʼabandu lyasyahemulirwa ahisi, nʼOmwami Mukulu asyahamĩbwa ĩyowene ekiro ekyo.

Ĩsaya 2:17

Eriyiheka lyʼabandu lyasyahemulwa, nʼeriyikebera lyʼabandu lyasyakehĩbwa. Omwami Mukulu ĩyowene asyahamĩbwa oko kiro ekyo.

Ĩsaya 2:9

Omundu molo abirihemulwa, nʼomundu mukulu abĩrĩkehĩbwa. Nĩkwa subuyirebo.

Ĩsaya 28:17

Nage nasyayira eritswera omo lukoba lwʼerirengako, nʼeritunganene omo lulengo. Neryo amatwa asyakumulira hali obusayiro bwʼamabehĩ, nʼamagetsi asyabwagira ahʼerĩbĩsama.

Ĩsaya 29:23

Nĩkwa omugulu akalangira abana buwe, emĩbĩrĩ yʼebyala byage, omo katĩkatĩ kuwe, basyahigula erĩna lyage. Ega, basyakenga Oyũbũyĩrĩre wa Yakobo, kandi basyahangana nʼeriswekera Nyamuhanga wa Ĩsraelĩ.

Ĩsaya 30:18

Na busana nʼekyo, Omwami Mukulu akasonda eribaganyira. Kandi busana nʼekyo akalinda endata ĩnĩabakwĩra olukogo. Kusangwa Omwami Mukulu ni Nyamuhanga wʼerĩbanza litunganene. Omũyĩsa ali oko bosĩ abakamũkwa olukando.

Ĩsaya 33:10

Omwami Mukulu akabũga ati, Lino ngandihangana. Lino ngandĩhamĩbwa. Lino ngandisumbwa endata.

Ĩsaya 33:5

Omwami Mukulu amahamĩbwa, kusangwa ĩkere endata. Amũsũlya eSĩonĩ mwʼĩbanza lĩhĩkene nʼeritunganene.

Ĩsaya 57:15

Kusangwa Oyuli wʼendata nʼoyũyĩsũmbĩre, oyukakota kera na kera, erĩna liwe lĩbũyĩrĩre, yũkabũga ati, Nyĩkere ahʼendata nʼahabũyĩrĩre, kandi nyĩkere haguma nʼoyuli nʼekĩrĩmũ kyolo-kyolo nʼerĩyĩkehya, nyitoke erĩsũbya ekĩrĩmũ kyʼerĩyĩkehya nʼerĩsũbya omutima wʼoyũkwĩre obũlĩge.

Ĩsaya 6:3

Omuguma mwabirikira ogundi ati, Abũyĩrĩre, abũyĩrĩre, abũyĩrĩre, yo Mwami Mukulu wʼemilondo. Ekihugo kyosĩ kyoswĩre nʼolukengerwa luwe.

Ĩsaya 61:8

Kusangwa ĩngye, Mwami Mukulu nyanzĩre erĩbanza litunganene, ngagalirawa oko bũrahĩ omo buhere bwʼerĩokererya. Ngandisyahabo eririha lyabo omo kwenene, kandi nasyalagana nabo endagano ya kera na kera.

Ĩsaya 8:13

Ni Mwami Mukulu wʼemilondo, iye yo mukandiahula mo mũbũyĩrĩre naye asyabya eriubaha lyenyũ, naye asyabya olubahwa lwenyũ.

Ezekĩelĩ 20:41

Nasyabalĩga ngʼerikumba lĩsĩhĩre ndeke, omugulu nasyabalũsya omo bihanda, nʼeribakuma-kuma omo bihugo ebyo mwapanzirawamo. Nage nasyakangya ko ndi mũbũyĩrĩre omo katĩkatĩ kenyũ omo meso wʼebihanda.

Ezekĩelĩ 28:22

ũbũge uti, Omukama Iye Omwami Mukulu ati, Lebaya, ngalwa nawe, uwe Sĩdonĩ, kandi nasyapipwa omo katĩkatĩ kawe. Neryo basyaminya ko ndi Mwami Mukulu, omugulu namabĩhĩra eritswera lyo mugo, kandi nasyakangya erĩbũyĩrĩre ryage mugo.

Ezekĩelĩ 28:25

Omukama Iye Omwami Mukulu ati, Omugulu namabikuma-kuma ekihanda kya Ĩsraelĩ omo bihanda ebyo bapanzirawamo, nage namabĩkangya omwisi wabo erĩbũyĩrĩre ryage omo meso wʼebihanda, oko mugulu oyo basyĩkala omo kihugo kyabo ekyo naha omukwenda wage Yakobo.

Ezekĩelĩ 36:23

Kandi nasyimira ekĩbũyĩrĩre kyʼerĩna lyage ĩnene, eryabiritsumwa omo katĩkatĩ kʼebihanda, eryo mwabiritsuma omo katĩkatĩ kabo. Neryo ebihanda byasyaminya ko ndi Mwami Mukulu, Omukama Iye Omwami Mukulu atya, omugulu nasyakangya ko ndi mũbũyĩrĩre omo katĩkatĩ kenyũ embere syʼameso wabo.

Ezekĩelĩ 38:16

nawe wasyahetukira abandu bage erilwa na Ĩsraelĩ ngʼekĩtũ kyʼeriswika ekihugo. Kyasyahĩka oko biro byʼenyũma, nasyakuleta erilwa nʼekihugo kyage, ebihanda ibyatoka erinyiminya omugulu nasyahigulwa busana nawe uwe Gogĩ, embere syʼameso wabo.

Ezekĩelĩ 38:23

Nasyayĩhamya, nʼeriyihigula, nʼerĩyĩmĩnyĩsya omo meso wʼebihanda bingi. Nabo basyaminya ko ndi Mwami Mukulu.

Danĩelĩ 4:37

Na lino ĩngye Nebũkadeneza, ngapipa, nʼerihalamba, nʼerĩsĩkya Omwami wʼelubula, kusangwa emĩbĩrĩ yiwe yosĩ ni kwenene, nʼesyonzira siwe nĩ ʼbanza litunganene; nʼabakalendera nʼeriyiheka, akatoka erĩkehyabo.

Abalawĩ 10:3

Neryo Musa mwabũga na Harũnĩ, ati, Ekĩ kyo Mwami Mukulu abũga ati, Nasyaganzwa mo mũbũyĩrĩre oko bakasa hakũhĩ nage, nʼembere syʼabandu bosĩ nasyakengwa. Na Harũnĩ mwabya bũkũtũ.

Emiganzo 20:13

Aya wa magetsi wʼeMerĩba; kusangwa abana ba Ĩsraelĩ mobalwa nʼOmwami Mukulu, naye mwayĩkangya kubo kwʼali mũbũyĩrĩre.

AbanyaRoma 2:5

Nĩkwa busana nʼobutsibu bʼomutima wawe owatebinduka, ukayibikira erihitana oko kiro ekyo kyʼerihitana lya Nyamuhanga nʼeritswera litunganene riwe lyasyabĩsũlwa.

1 Petero 1:16

Kusangwa Amasako ati, Mwasyabya babũyĩrĩre, ngoko nage nyĩbũyĩrĩre.

1 Petero 2:15

Kusangwa erisonda lya Nyamuhanga liti omwʼikola ndeke mũsĩnge ebĩnywa bitya-bitya byʼabandu bakĩrũ.

1 Petero 3:15

Nĩkwa omo mitima yenyũ mukenge Kristo ngʼomukama wenyũ. Ĩmũnasĩkĩre endambĩ yosĩ erĩsũbĩrya obuli mundu oyũkababũlaya busana nʼamaha ago muli nago.

Eribisurirwa 3:7

Usake oko mũlaĩka wʼekanĩsa yʼeFĩladelfia, uti, Oyuli mũbũyĩrĩre, nʼoyuli kwenene, oyuwite ekifungulo kya Dawĩdĩ, nʼoyukakingula, isihali oyo wasyakingaho, nʼoyukakinga, isihali omundu oyukakingula, akabũga ebĩnywa ebĩ ati,

Eribisurirwa 4:8

Obuli ekĩhangĩkĩre oko bĩhangĩkĩre bini ebiriho ikiwite ebĩpũpa ndatu, nʼebĩhangĩkĩre ebĩ ĩbyoswĩre nʼameso ehosĩ nʼoko mbande syosĩ. Kandi omo musibo nʼomo kiro sĩbalĩũmbaya erĩbũga bati, Omukama Nyamuhanga, Omũtokĩ Wʼebyosĩ, Abũyĩrĩre, abũyĩrĩre, abũyĩrĩre, Oyutula, nʼoyuliho, nʼoyukandisyasa.