Ĩsaya 5:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Uleke nyimbire omwanze wage yʼolwimbo lʼomwanze wage busana nʼeririma liwe lyʼebĩnyũ. Omwanze wage abya nʼeririma lyʼebĩnyũ oko kitwa kĩbogĩre.

Ĩsaya 5:1 Iomraidhean Croise

Esyonyimbo 101:1

Olwimbo lwage ni lwʼeritendiregula nʼerĩbanza litunganene, Ngandikwimbira eripipa, uwe Mwami Mukulu.

Esyonyimbo 45:1

Ebĩnywa bibuya bikabya omo mutima wage; Ngayĩsũnza Olwimbo olũ busana nʼomwami; Olulimi lwage luli ngʼakalamu kʼoyukasaka ndeke;

Esyonyimbo 60:5

Ũtũlamaye omo maka wawe; ũsũbĩraye erisaba lyetu, Neryo abandu abo wanzĩre balamĩbawe.

Esyonyimbo 80:8

Mowaleta omũlĩkĩ wʼebĩnyũ ũkalũsyago eMĩsĩrĩ; Mowahiga ebindi bihanda eyĩhya, nʼeriherago omo kihugo kyabo.

Olwimbo lwʼEsyonyimbo 2:16

Omwanze wage ni wage, nage indi wuwe. Akalĩsaya ekĩhyo kiwe omo katĩkatĩ kʼebiranga-ranga.

Olwimbo lwʼEsyonyimbo 5:16

Obuno buwe bũsĩhĩre kutsibu. Ega, ni mubuya kutsibu anganzwa, Oyũ yo mwanze wage, nʼoyũ yo mwĩra wage, ĩnywe bali bʼeYerũsalema.

Olwimbo lwʼEsyonyimbo 5:2

Nabere nyinagotsere, nĩkwa omutima wage mwabuka. Ni mulenge wʼomwanze wage owakakongota oko lũyĩ! Ati, Ungingulire, mwali wetu, omwanze wage, Akalĩkũkũ kage, omubuya wage, Kusangwa omutwe wage amũsũla nʼekimi, Esyonzwiri syage syoswĩre nʼebĩtondĩ byʼekiro.

Olwimbo lwʼEsyonyimbo 6:3

Ĩngye indi wʼomwanze wage, nʼomwanze wage ni wage. Oyũkalĩsaya ekihangulo kiwe omo katĩkatĩ kʼamaranga.

Yeremĩa 12:10

Abalĩsya bangi babĩrĩherya eririma lyage lyʼebĩnyũ, babiriryatangirira amalima wage wʼahisi omwisi wʼebisando, babiriyira ekitaka kyage kyowene mo mbwarara yʼomulala.

Yeremĩa 2:21

Nĩkwa nabya inabirikuhera mo mũlĩkĩ mubuya wʼebĩnyũ, embuto eyiteregula eyowenenga. Ko wamabinduka uti mo mitahi ĩtsandĩre yʼomũlĩkĩ wʼebĩnyũ wʼehandi busana nage kwehĩ?

Ezekĩelĩ 15:2

Omugala wʼomundu, omuti wʼebĩnyũ alabĩre omuti wʼomutahi owali omo katĩkatĩ kʼemiti yʼomũsĩtũ ati kwehĩ?

Ezekĩelĩ 19:10

Koyo wawe abya ngʼomũlĩkĩ wʼebĩnyũ, omwʼirima lyawe lyʼebĩnyũ, ĩnĩaherĩre hakũhĩ nʼamagetsi. Omũlĩkĩ oyo mwaheta kandi mũsũla nʼemitahi busana nʼamagetsi mangi.

Hosea 10:1

Ĩsraelĩ nĩ mũlĩkĩ owabogĩre, akahetaya ebĩgũma busana naye. Ngʼobungi bwʼebĩgũma byago abĩrĩkanyĩa amaherero wuwe; nʼomo bubuya bwʼekihugo kiwe abiriyira obubuya bwʼesyondũyĩ sĩbũyĩrĩre.

Matayo 21:33

Muhulikirire ogundi mũsyo. Habya omundu mwenye kitaka oyo wahera eririma lyʼebĩnyũ, kandi mwatĩmbya kulyo kwʼekĩyĩte, kandi mwatakula endindo yʼerikamira mwʼebĩnyũ, kandi mwahĩmbaho enyũmba eyĩsũngũlĩkĩre. Neryo mwasĩgĩrayo abalĩmĩ, neryo mwaya oko lugendo omo kindi kihugo.

Mariko 12:1

Neryo Yesu mwatsũka erĩbũga nabo omo mĩsyo ati, Habya omundu oyo wahera eririma lyʼebĩnyũ, mwatĩmbya kulyo kwʼekĩyĩte, neryo mwatakula endindo eyʼerikamiramo ebĩnyũ, kandi mwahĩmbaho enyũmba eyĩsũngũlĩkĩre. Neryo mwasĩgĩralyo abalĩmĩ, neryo mwaya omo kindi kihugo.

Luka 20:9

Neryo Yesu mwatwĩra abandu bʼomũsyo oyũ ati, Omundu mwahera eririma lyʼebĩnyũ, neryo mwahĩramo abalĩmĩ, neryo mwaya oko lugendo omo kindi kihugo.

Yoane 15:1

Ĩngye indi mũlĩkĩ-rĩkĩ wʼebĩnyũ wʼekwenene, kandi Tata wage nĩ mũlĩmĩrĩ.

Eryibuka Ebihano 8:10

Omugulu mwamabirya ĩmũgũta, kandi mwasyapipa Omwami Mukulu Nyamuhanga wenyũ busana nʼekihugo kibuya ekyo abiribaha.

Eryibuka Ebihano 8:7

Kusangwa Omwami Mukulu Nyamuhanga wenyũ akabaleta omo kihugo kibuya, ekihugo kyʼesyonyũsĩ, ekyʼesĩsoko, nʼesyongũnũnũko, esikasenda omo misya nʼomo bitwa;