Ĩsaya 42:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Sĩendĩsyabũna ekibingu ekĩkokomĩre, kandi sĩendĩsyalĩmya embũmba eyĩkatũmba. Asyahũlũkya erĩbanza lĩhĩkene nʼeritendiregula.

Ĩsaya 42:3 Iomraidhean Croise

Esyonyimbo 147:3

Akalamaya ababũnĩkĩre omo mutima, Akasenga-senga ebironda byabo.

Esyonyimbo 54:5

Nyamuhanga asuyire esyonzĩgũ syage omo bibi byabo; Kusangwa sialiregula, asyaheryasyo.

Esyonyimbo 94:15

Erĩbanza lyasyaswabanika omwʼĩbũgĩro lyʼeritswera, Nʼabandu batunganene bosĩ basyahanganiralyo.

Esyonyimbo 96:13

Kusangwa akahĩka eritabalira ekihugo Omo lĩbanza litunganene, kandi butsira erisombola.

Esyonyimbo 98:9

Kusangwa akasa eritswera ekihugo! Asyatabalira abandu bosĩ bʼekihugo, Omo lĩbanza litunganene nʼeritindasombola abandu.

Ĩsaya 2:4

Naye asyatswera omo katĩkatĩ kʼebihanda, nʼeritswera emyatsi busana nʼabandu bangi. Nabo basyahesa emĩyalĩ yabo mwʼĩsũka, nʼamatũmo wabo mo bisara. Ekihanda sikyendisyasumbira ekindi kihanda kyʼomũyalĩ, kutse sibendĩsyaswayĩgĩsya amalwa.

Ĩsaya 40:11

Asyalĩsya ekihangulo kiwe ngʼomũlĩsya, Asyabagalira ebyana byʼesyombũlĩ omo byala biwe, Nʼerihekabyo oko kĩkũba kiwe, Nʼerisondola esyosũhene nʼesĩkongaya syo bolo-bolo.

Ĩsaya 42:2

Siendisyalaka, kutse siendisyatanda omulenge wuwe, erĩowĩsyago omo nzira nene.

Ĩsaya 50:10

Nindi omo katĩkatĩ kenyũ oyukubaha Omwami Mukulu, oyũkowa omulenge wʼomugombe wuwe kwehĩ? Oyukagenda omo mwĩrĩmya, isiawite ekyakakala kwehĩ? Ayiketere erĩna lyʼOmwami Mukulu, ayisinge Nyamuhanga wuwe.

Ĩsaya 50:4

Omukama Omwami Mukulu abirinyiha olulimi lwʼomwiga, inabana eriminya erĩsĩkya oyukaluha omo kĩnywa. Akanyĩbũkaya obuli ngyakya akabũkaya okũtũ kwage erihulikirira ngʼomwiga.

Ĩsaya 63:1

Oyũ nindi oyũkalũa eEdomũ, Nʼowʼesyongimba sĩhakabĩre engula sĩkalũa eBosra kwehĩ? Oyuli mubuya nʼerĩsĩkĩbwa omo ngimba siwe, Oyukagendera omo bukulu bwʼamaka wuwe kwehĩ? Nĩna ngye oyũkabũga omo litunganene. Embangĩ yʼerĩlamya.

Ĩsaya 66:2

Kusangwa ebyala byage byo byakola ebĩ byosĩ, nʼebindu ebĩ byosĩ mobyabyaho bitya, Omwami Mukulu atya. Nĩkwa nasyasamalira omundu oyũkayĩkehaya nʼowʼekĩrĩmũ kihehere, nʼoyukatitimana busana nʼekĩnywa kyage.

Ĩsaya 9:7

Erikanya lyʼeritabala liwe ryʼobuholo siryendisyayira ndũlĩ, oko kĩtũmbĩ kyʼobwami bwa Dawĩdĩ nʼoko bwami buwe, erĩhanganĩabo nʼerĩsĩkyabo omo lĩbanza nʼomo litunganene, erĩtsũka lino nʼerĩhĩka kera na kera. Omũhwa wʼOmwami Mukulu wʼemilondo asyakola ekĩ.

Yeremĩa 31:25

Kusangwa nabĩrĩũgũtya abalũhĩre, kandi nabĩrĩsũbya obuli mundu oyũkakongolũka.

Ezekĩelĩ 34:16

Nasyasondasondya esitere, nʼerĩsũbũlya esyapanzapanzawa, nʼerisenga esyabũnĩka, nʼerĩsĩkya esyabya silwere. Nĩkwa esĩnenehĩre nʼesyʼamaka nasyaheryasyo. Nasyalĩsyasyo omwʼitswera.

Mĩka 7:9

Nasyaheka erihitana lyʼOmwami Mukulu, kusangwa nabĩrĩmũhalyako, erĩhĩka aho asyahanganira omwatsi wage, nʼerĩhĩka aho asyaberererya erĩbanza busana nage. Asyanyĩhũlũkĩrya eyĩhya omo kyakakala, nage nasyasamalira eritunganene riwe.

Matayo 11:28

Mwase ũkwʼĩngye, ĩnywe bosĩ ko mukanuba nʼeriheka ebĩrĩtohĩre, ngandibalũhũkya.

Matayo 12:20

Siendĩsyatwa oluseke lũbũnĩkĩre, Kandi siendisyahũmberya embũmba eyĩkatũmba. Erĩhĩka aho asyalekera erĩbanza ĩryakĩnda.

Yoane 20:27

Neryo mwabwira Toma ati, Leta omunwe wawe, ulangire ebyala byage. Leta ebyala byawe, ũhĩrebyo omo lukanga lwage, subye bũtĩkĩrĩrya, nĩkwa Wĩkĩrĩraye!

Yoane 5:30

Sinditoka erikola kindu omwʼiyihana lyage; ngatswera ngoko Nyamuhanga akambwira, nʼeritswera lyage ritunganene; kusangwa sindisonda erikola ebyo nyanzĩre, nĩkwa erianza lyʼoyo wanyituma.

Eribisurirwa 19:11

Neryo monalangira olubula ilukingukere, neryo lebaya, habya esabayĩrĩ nyeru-nyeru. Oyukagenda kuyo akahulawa mo Oyuteregula nʼowʼekwenene. Kandi omo litunganene akatswera nʼerilwa amalwa.